பாஜக மாவட்ட செயலாளர் வெட்டி சாய்ப்பு! காரைக்குடியில் நடந்த பயங்கரம்! போலீஸ் குவிப்பு!

சிவகங்கை மாவட்டம் காரைக்குடி அருகே உள்ள அரியக்குடியைச் சேர்ந்த 36 வயது பழனியப்பன், பாஜக இளைஞர் அணியின் சிவகங்கை மாவட்ட செயலாளராக இருந்தவர். சிவில் இன்ஜினீயரான அவர், அரியக்குடி மற்றும் இலுப்பக்குடி பகுதிகளில் வணிக வளாகங்கள் கட்டி வாடகைக்கு விட்டு வந்தார். பொன்னகரில் அவரது மேற்பார்வையில் நடந்த கட்டுமானப் பணியைப் பார்வையிடச் சென்றபோது, நேற்று (அக்டோபர் 27 அன்று) இரவு 8 மணியளவில் பயங்கரமான தாக்குதலுக்கு ஆளானார்.

பைக்கில் வந்த மூன்று ஆசாமிகள் அரிவாள்களுடன் பழனியப்பனை நோக்கி ஓடிவந்தனர். அதிர்ச்சியடைந்த அவர் தப்ப முயன்றும், கும்பல் சரமாரியாக அவரை வெட்டியது. மார்பகம், தொடை, கைகள் உள்ளிட்ட பல இடங்களில் காயமடைந்த பழனியப்பன், ரத்த வெள்ளத்தில் சரிந்து சம்பவ இடத்திலேயே உயிரிழந்தார். கொலையாளிகள் அவரது மரணத்தை உறுதிப்படுத்திய பின்னரே, பைக்கில் தப்பி சென்றனர்.

அழகாப்பத்தூர் போலீஸார் உடனடியாக சம்பவ இடத்திற்கு விரைந்து, உடலை கைப்பற்றி பிரத பரிசோதனைக்காக அரசு மருத்துவமனைக்கு அனுப்பினர். முதல் கட்ட விசாரணையில், முன்விரோதம் காரணமாக இந்தக் கொலை நடந்திருக்கலாம் என்பது தெரியவந்துள்ளது. 

இதையும் படிங்க: ராமதாஸை தவறாக வழிநடத்தும் இரண்டு பெண்கள்! இனி சமரசமே கிடையாது! அன்புமணி அதிரடி!

பழனியப்பன், உள்ளூர் முந்திரி வணிகத்தில் ஈடுபட்டவர்களுடன் மோதல் கொண்டிருந்ததாகத் தெரிகிறது. போலீஸ் சூப்பிரண்டெண்ட் டி.எஸ். பாபு தலைமையில், ஏ.எஸ்.பி. ஆஷிஷ் புனியா தலைமையில் மூன்று தனிப்படைகள் அமைக்கப்பட்டு, கொலையாளிகளைத் தேடி வருகின்றன. CCTV காணொளிகள், சுற்றுலா பாதுகாப்பு கேமராக்கள் ஆகியவற்றை சோதனை செய்து, சந்தேக நபர்கள் விசாரிக்கப்பட்டு வருகின்றனர்.

இதற்கிடையே, கொலையாளிகளை கைது செய்யும் வரை உடலை வாங்க மாட்டோம் என உறவினர்கள், பாஜக தொண்டர்கள் ஆர்ப்பாட்டம் செய்தனர். காரைக்குடி-சூரக்குடி சாலையில் மறியல் நடத்தினர். இதனால்  போக்குவரத்தை பாதிக்கப்பட்டது. 

போலீஸார் பேச்சுவார்த்தை நடத்தியும், ஆர்ப்பாட்டக்காரர்கள் கலையவில்லை. இதனால் பதற்றம் நிலவியது. இறுதியாக, உயர் அதிகாரிகள் உறுதியளித்த பின், ஆர்ப்பாட்டம் கைவிடப்பட்டது. உடல் அழகாப்பத்தூர் அரசு மருத்துவமனையில் இருந்து, அரியக்குடியில் உள்ள பழனியப்பனின் இல்லத்திற்கு கொண்டு செல்லப்பட்டது. இறுதிச் சடங்குகளுக்குப் பின், அங்கு அடக்கம் செய்யப்பட்டது.

பாஜக மாநிலத் தலைவர் அண்ணாமலை, "தமிழகம் கொலைத் தலைநகரமாக மாறியுள்ளது. DMK அரசின் சட்டம்-ஒழுங்கு பிரச்சினைக்கு இது உதாரணம்" என விமர்சித்தார். சிவகங்கை எம்.பி. கார்த்தி சிதம்பரம், "இது அரசியல் கொலை இல்லை, தனிப்பட்ட மோதல்" என தெரிவித்தார். உள்ளூர் பாஜக தலைவர்கள், "பழனியப்பன் உழைப்பாளி. அவரது கொலைக்கு அரசியல் பின்புலம் உண்டு" என கூறினர். போலீஸ், "முந்திரி வியாபாரத்தால் ஏற்பட்ட முன்விரோதமே காரணம் என்றும் அரசியல் தொடர்பில்லை" எனவும் கூறினர். விசாரணை தொடர்கிறது.

இதையும் படிங்க: ஓட்டு தான் முக்கியம்ல... மக்களுக்கு உதவி பண்ணாம 3000 பேரை கூட்டி கூட்டம்!.. நியாயமா முதல்வரே? விளாசிய தமிழசை...!