வங்கதேசத்தில் இந்து இளம்பெண் கூட்டு பாலியல் வன்கொடுமை!! மாற்றுத்திறனாளி பெண்ணை கடத்தி சிதைத்த கயவர்கள்!

வங்கதேசத்தில் சிறுபான்மை ஹிந்து சமூகத்தினர் மீதான வன்முறை தொடர்ந்து அதிர்ச்சி அளித்து வருகிறது. முஹம்மது யூனுஸ் தலைமையிலான இடைக்கால அரசு முடிவடைந்து, சமீபத்தில் பங்களாதேஷ் தேசியவாத கட்சி (BNP) தலைமையிலான கூட்டணி அரசு அமைந்துள்ளது.

புதிய அரசு பொறுப்பேற்ற ஒரு வாரத்திற்குள், சந்த்பூர் மாவட்டத்தில் 25 வயது ஹிந்து பெண் ஒருவர் கடத்தப்பட்டு கூட்டு பாலியல் வன்கொடுமைக்கு ஆளான சம்பவம் பெரும் பதற்றத்தை ஏற்படுத்தியுள்ளது.

இந்த பெண் உடல் ஊனமுற்றவர் என்பது குறிப்பிடத்தக்கது. ஞாயிற்றுக்கிழமை இரவு, இசை நிகழ்ச்சி அல்லது கீர்த்தனம் ஒன்றைப் பார்த்துக் கொண்டிருந்த அவரை மூன்று ஆண்கள் கடத்திச் சென்றுள்ளனர்.

இதையும் படிங்க: கல்லாப்பெட்டி கூட்டணியா? விஜய் கொள்ளையடித்த பணத்தை எடுத்துட்டு வர சொல்லுங்க..!! ஆர் எஸ் பாரதி பதிலடி..!!

பின்னர் அவரை கூட்டாக பாலியல் வன்கொடுமை செய்து, உடல் ரீதியாக துன்புறுத்தியுள்ளனர். உள்ளூர் மக்கள் காயமடைந்த நிலையில் சாலையோரம் கிடந்த அவரைக் கண்டுபிடித்து உடனடியாக மருத்துவமனைக்கு அழைத்துச் சென்றனர்.

தற்போது பாதிக்கப்பட்ட பெண் சிகிச்சை பெற்று வருகிறார். அவரது நிலை தீவிரமானதாக மருத்துவர்கள் தெரிவித்துள்ளனர். குற்றவாளிகள் தொடர்பாக போலீஸார் விசாரணை நடத்தி வருகின்றனர். இதுவரை குற்றவாளிகள் கைது செய்யப்படவில்லை என்று தகவல்கள் தெரிவிக்கின்றன.

இந்த சம்பவம் வங்கதேசத்தில் ஹிந்து சமூகத்தினர் மீதான தாக்குதல்கள் தொடர்வதை வெளிப்படுத்தியுள்ளது. யூனுஸ் ஆட்சியின் போது ஹிந்துக்கள் மீதான வன்முறை அதிகரித்ததாக குற்றச்சாட்டுகள் எழுந்தன. புதிய BNP தலைமை அரசு அமைந்த பிறகு சிறுபான்மையினர் பாதுகாப்பு உறுதி செய்யப்படும் என எதிர்பார்க்கப்பட்டது. ஆனால், இந்த சம்பவம் அந்த எதிர்பார்ப்பை சிதைத்துள்ளது.

வங்கதேசத்தில் ஹிந்து பெண்கள் மீதான பாலியல் வன்முறை சம்பவங்கள் அடிக்கடி நிகழ்வது கவலை அளிக்கிறது. சமீப காலங்களில் பல்வேறு மாவட்டங்களில் இதுபோன்ற கொடூர சம்பவங்கள் பதிவாகியுள்ளன. இது சமூகத்தில் பதற்றத்தை ஏற்படுத்தியுள்ளது.

இந்தியா உள்ளிட்ட அண்டை நாடுகள் வங்கதேசத்தில் சிறுபான்மை சமூகங்களின் பாதுகாப்பு குறித்து கவலை தெரிவித்து வருகின்றன. இந்த சம்பவம் தொடர்பாக உரிய விசாரணை நடத்தி, குற்றவாளிகளுக்கு கடுமையான தண்டனை வழங்க வேண்டும் என்ற கோரிக்கை எழுந்துள்ளது.

இந்த கொடூர சம்பவம் மனித உரிமைகள் அமைப்புகளின் கவனத்தை ஈர்த்துள்ளது. வங்கதேச அரசு உடனடியாக நடவடிக்கை எடுக்க வேண்டும் என்று பலரும் வலியுறுத்தி வருகின்றனர். ஹிந்து சமூகத்தினரின் பாதுகாப்பு உறுதி செய்யப்படாவிட்டால், இதுபோன்ற சம்பவங்கள் தொடரும் அபாயம் உள்ளது.

இதையும் படிங்க: வேணாம்னா வெளியே போங்க!! வேஸ்டானது ராகுல் கடிதம்!! காங்.,யிடம் கறார் காட்டும் மு.க.ஸ்டாலின்!