அமைதிக்கான தலைவன் நான்!! ட்ரம்ப் சுயதம்பட்டம்!! நோபல் பரிசுக்கு அடிபோடும் திட்டம்..!

தென்கிழக்கு ஆசிய நாடுகளான தாய்லாந்து மற்றும் கம்போடியாவுக்கு இடையே எல்லைப் பிரச்சினை காரணமா ஜூலை 24, 2025-ல வெடிச்ச மோதல், ஐந்து நாள் சண்டையா நீடிச்சு, 35 பேர் உயிரிழந்து, 2.6 லட்சம் பேர் இடம்பெயர்ந்தாங்க. இந்த சூழல்ல, மலேஷியாவில் நடந்த பேச்சுவார்த்தையைத் தொடர்ந்து, இரு நாடுகளும் ஜூலை 28-ல போர்நிறுத்தத்துக்கு ஒப்புக்கொண்டாங்க. 

இந்த அமைதி முயற்சியில் அமெரிக்க அதிபர் டொனால்ட் டிரம்ப் தன்னோட தலையீடு முக்கிய பங்கு வகிச்சதா அறிவிச்சு, “அமைதிக்கான தலைவர்”னு தன்னை பறைசாற்றியிருக்கார். இதோட, அவரு நோபல் அமைதி பரிசுக்கு பரிந்துரைக்கப்பட்டிருக்குறது சர்ச்சையை கிளப்பியிருக்கு.

டிரம்ப் வெளியிட்ட அறிக்கையில், “தாய்லாந்து, கம்போடியா தலைவர்களோடு பேசினேன். என் தலையீட்டால இரு நாடுகளும் சண்டையை நிறுத்தி, அமைதியை எட்டியிருக்கு. இதனால ஆயிரக்கணக்கான உயிர்களைக் காப்பாத்தியிருக்கேன். கடந்த ஆறு மாதங்களில் பல போர்களை நிறுத்தி, அமைதிக்கான தலைவரா இருக்குறதுல பெருமைப்படுறேன்,”னு சொன்னார். 

இதையும் படிங்க: சமாதான தலைவர் நான்தான்..! சுயதம்பட்டம் அடித்து பீற்றிக் கொள்ளும் ட்ரம்ப்..!

இதை அவர் தன்னோட ட்ரூத் சோஷியல் தளத்துல பதிவு செய்து, “இந்த வெற்றி உலக அமைதிக்கு ஒரு முன்மாதிரி. இனி இந்த நாடுகளோடு வர்த்தக ஒப்பந்தங்களை முடிக்க ஆவலா இருக்கேன்,”னு குறிப்பிட்டார். இந்த அறிக்கை, டிரம்போட டிப்ளமோடிக் முயற்சிகளுக்கு உலக அளவுல கவனத்தை ஈர்த்திருக்கு.

டிரம்போட இந்த பேச்சு, அவர் அமைதிக்கான நோபல் பரிசை பெற முயற்சிக்கிறார்னு சர்ச்சையை கிளப்பியிருக்கு. பாகிஸ்தான் ராணுவ அமைச்சர் அசீம் முனீர், இஸ்ரேல் பிரதமர் பெஞ்சமின் நெதன்யாகு ஆகியோர் டிரம்பை நோபல் பரிசுக்கு பரிந்துரைச்சிருக்காங்க. இதுக்கு முன்னாடி, ஸ்காட்லாந்தில் செய்தியாளர்களை சந்திச்ச டிரம்ப், “நான் அதிபரா இல்லைன்னா, இந்தியா-பாகிஸ்தான் உட்பட ஆறு பெரிய போர்கள் நடந்திருக்கும்,”னு சொன்னது பெரிய விவாதத்தை உருவாக்கியது. 

இந்திய வெளியுறவு அமைச்சகம் இதை மறுத்து, “இந்தியா-பாகிஸ்தான் மோதலை தடுத்ததா டிரம்ப் சொல்றது உண்மையில்லை,”னு தெரிவிச்சிருக்கு. இதனால, டிரம்போட நோபல் பரிசு முயற்சி, அவரோட முந்தைய பதவிக்கால சர்ச்சைகளோட இணைச்சு விமர்சிக்கப்படுது.

டிரம்போட “அமைதி தலைவர்” பேச்சு, அவரோட அரசியல் பிம்பத்தை உயர்த்தவும், 2025 நோபல் பரிசுக்கு தன்னை தயார் பண்ணவும் இருக்குன்னு விமர்சகர்கள் சொல்றாங்க. முன்னாள் அதிபரா இருந்தப்போ, உக்ரைன்-ரஷியா மோதல், இஸ்ரேல்-பாலஸ்தீன பிரச்சினைகளில் அவரோட முடிவுகள் சர்ச்சையை உருவாக்கியது. 

இப்போ தாய்லாந்து-கம்போடியா அமைதியை “தன்னோட வெற்றி”னு சொல்றது, அவரோட அரசியல் முயற்சியா பார்க்கப்படுது. ஆனா, ASEAN தலைவர் அன்வர் இப்ராஹிமோட மத்தியஸ்தமும், சீனாவோட ஆதரவும் இந்த அமைதிக்கு முக்கிய காரணம்னு சிலர் வாதிடுறாங்க.

இதையும் படிங்க: எதுக்கு இவ்வளவு பயம்? ட்ரம்பை பார்த்தால் சுருங்கும் மோடி!! வறுக்கும் திரிணாமுல் காங்., எம்.பி!!