நான் உயிரோட தான் இருக்கேன்!! ஹிட் லிஸ்ட்ல 2 பேர் பெயரை தூக்கிட்டேன்!! நெதன்யாகு கொடுத்த அப்டேட்!

இஸ்ரேல்-ஈரான் மோதல் உச்சத்தில் இருக்கும் நிலையில், இஸ்ரேல் பிரதமர் பெஞ்சமின் நெதன்யாகு கொல்லப்பட்டதாக சமூக வலைதளங்களில் பரவிய வதந்திகளுக்கு மீண்டும் பதிலடி கொடுத்துள்ளார். அமெரிக்காவின் இஸ்ரேலுக்கான தூதர் மைக் ஹக்கபியுடன் இணைந்து வெளியிட்ட புதிய வீடியோவில், “நான் உயிருடன் இருக்கிறேன்” என்று நெதன்யாகு தெளிவாகக் கூறியுள்ளார். இது ஆன்லைனில் பெரும் பரபரப்பை ஏற்படுத்தியுள்ளது.

ஈரானின் தாக்குதல்களுக்குப் பிறகு நெதன்யாகு காணாமல் போனதாகவும், அவர் இறந்துவிட்டதாகவும் சமூக வலைதளங்களில் வதந்திகள் பரவின. சிலர் அவரது பழைய வீடியோக்களை செயற்கை நுண்ணறிவு (AI) மூலம் உருவாக்கப்பட்டவை என்றும், கையில் ஆறு விரல்கள் தெரிவதாகவும் கூறினர். அதைத் தொடர்ந்து காபி குடிக்கும் வீடியோவும் வெளியானது, ஆனால் அதுவும் AI என்ற சர்ச்சை எழுந்தது.

இந்நிலையில், நெதன்யாகு தனது X பக்கத்தில் புதிய வீடியோ ஒன்றை வெளியிட்டுள்ளார். அதில் அமெரிக்க தூதர் மைக் ஹக்கபியுடன் நடந்து செல்லும் காட்சி இடம்பெற்றுள்ளது. ஹக்கபி, “அமெரிக்க அதிபர் டொனால்ட் டிரம்ப் உங்கள் நல்வாழ்வை உறுதி செய்ய என்னை அனுப்பினார்” என்று நகைச்சுவையாகக் கூறுகிறார். 

இதையும் படிங்க: அமெரிக்கா உடன் பேச்சுவார்த்தையா? நெவர்! இறுமாப்பு காட்டும் ஈரான்! நீடிக்கும் போர் பதற்றம்!

Crossing names off the list is good - doing it shoulder to shoulder with our American friends is even better.

Good to see Ambassador @GovMikeHuckabee. Always a pleasure.

🇮🇱🇺🇸 pic.twitter.com/FZrZN03IZI

— Benjamin Netanyahu - בנימין נתניהו (@netanyahu) March 17, 2026

அதற்கு நெதன்யாகு, “ஆம் மைக், நான் உயிருடன் இருக்கிறேன்” என்று பதிலளிக்கிறார். மேலும், “நாம் ஐந்து விரல்களுடன் கை குலுக்குகிறோம்” என்று கூறி AI வதந்திகளை கிண்டலடிக்கிறார்.

வீடியோவின் பிற்பகுதியில் நெதன்யாகு ஒரு அட்டையை எடுத்து காட்டி, “இது என் 'பஞ்ச் கார்டு'. இன்று இதில் இரண்டு பெயர்களை அழித்துவிட்டேன். இன்னும் எத்தனை இருக்கின்றன பாருங்கள்” என்று கூறுகிறார். 

அந்த இரண்டு பெயர்கள் ஈரானின் மூத்த அதிகாரிகளான அலி லாரிஜானி (Supreme National Security Council செயலாளர்) மற்றும் கோலம்ரேசா சுலைமானி (பசிஜ் படை தளபதி) என்று இஸ்ரேல் தரப்பில் கூறப்பட்டுள்ளது. இவர்கள் இஸ்ரேலின் சமீபத்திய தாக்குதல்களில் கொல்லப்பட்டதாக அறிவிக்கப்பட்டது.

இந்த வீடியோ வதந்திகளை முற்றிலும் அழிக்கும் வகையில் அமைந்துள்ளது. ஹக்கபி உடனான சந்திப்பு உண்மையானது என்று அமெரிக்க தரப்பும் உறுதிப்படுத்தியுள்ளது. ஈரான்-இஸ்ரேல் போர் தொடரும் நிலையில், நெதன்யாகுவின் இந்த 'ப்ரூஃப் ஆஃப் லைஃப்' வீடியோ உலக அரங்கில் பெரும் கவனத்தை ஈர்த்துள்ளது. போர் பதற்றம் அதிகரித்துள்ள சூழலில், இது போன்ற வீடியோக்கள் தகவல் போரின் ஒரு பகுதியாக மாறியுள்ளன.

இதையும் படிங்க: அமெரிக்கா உடன் பேச்சுவார்த்தையா? நெவர்! இறுமாப்பு காட்டும் ஈரான்! நீடிக்கும் போர் பதற்றம்!