இஸ்ரேலால் எங்களை தோற்கடிக்க முடியாது! ஆயுதங்களை ஒப்படைக்க மறுத்து ஹிஸ்புல்லா பிடிவாதம்..!

இஸ்ரேல்-ஹமாஸ் போரில், பாலஸ்தீனத்துக்கு ஆதரவா ஹிஸ்புல்லா செயல்பட்டு வருது. இதனால, இஸ்ரேல் லெபனான் மீது தொடர்ந்து வான்வழித் தாக்குதல் நடத்தி, ஹிஸ்புல்லாவோட முக்கிய தலைவர்களைக் கொன்னு, ஆயுதங்களை ஒப்படைக்க சொல்லி அழுத்தம் கொடுத்துட்டு இருக்கு. கடந்த நவம்பர் 2024-ல இஸ்ரேல்-ஹிஸ்புல்லா இடையில போர் நிறுத்த ஒப்பந்தம் ஏற்பட்டாலும், இஸ்ரேல் தாக்குதலை நிறுத்தல, ஹிஸ்புல்லாவும் ஆயுதங்களை கைவிட மறுத்து தொடர்ந்து எதிர்ப்பு காட்டுது. 

இந்த சூழல்ல, அமெரிக்கா தலையிட்டு, “லெபனான் அரசு, ஹிஸ்புல்லா ஆயுதங்களை ஒப்படைக்கணும்னு அமைச்சரவை மூலமா முறையா அறிவிக்கணும்”னு அழுத்தம் கொடுத்திருக்கு. ஆனா, ஹிஸ்புல்லாவோ இதை ஏத்துக்க மறுக்குது. இஸ்ரேல் விமானத் தாக்குதலில் கொல்லப்பட்ட ஹிஸ்புல்லாவோட முக்கிய கமாண்டர் புவாட் ஷுக்ரியோட ஓராண்டு நினைவு நாள் உரையில், நயூம் காசிம் இந்த விஷயத்தை தெளிவா பேசியிருக்காரு. 
“ஆயுதங்களை ஒப்படைக்க சொல்றவங்க, இஸ்ரேலுக்கு எங்களை அடிபணிய வைக்க முயற்சி பண்றாங்க. உள்நாட்டிலோ, அரபு நாடுகளிலோ, உலக அளவிலோ ஆயுதங்களை கைவிட சொல்றவங்க எல்லாம் இஸ்ரேலோட திட்டத்துக்கு உதவுறவங்க தான். இஸ்ரேல் எங்களை தோற்கடிக்க முடியாது, லெபனானை பணிய வைக்கவும் முடியாது”னு கறாரா சொல்லியிருக்காரு. 

காசிம் மேலும் பேசும்போது, “லெபனானோட எல்லா அரசியல் பேச்சுவார்த்தையும் இஸ்ரேலோட தாக்குதலை நிறுத்துறதுக்கு மட்டுமே இருக்கணும். ஆயுதங்களை ஒப்படைக்க சொல்றது இஸ்ரேலுக்கு ஆதரவா இருக்குற மாதிரி. நாங்க அதை ஒரு நாளும் ஏத்துக்க மாட்டோம்”னு திட்டவட்டமா சொல்லியிருக்காரு. இஸ்ரேல், லெபனானோட தெற்கு பகுதியில உள்ள ஐந்து முக்கிய இடங்களை ஆக்கிரமிச்சு வச்சிருக்கு, இது போர் நிறுத்த ஒப்பந்தத்தை மீறுறதுன்னு காசிம் குற்றம் சாட்டுறாரு. 

இதையும் படிங்க: 154-ஆக உயர்ந்த பட்டினி சாவு.. கடும் வறுமையை எதிர்கொள்ளும் காசா மக்கள்..!

“இஸ்ரேல் முதல்ல இந்த இடங்களை விட்டு வெளியேறணும், தாக்குதலை நிறுத்தணும். அப்புறம் தான் பேச்சுவார்த்தைக்கு வரலாம்”னு அவர் சொல்றாரு.ஹிஸ்புல்லாவோட இந்த பிடிவாதம், மத்திய கிழக்குல இப்போ இருக்குற பதற்றத்தை இன்னும் அதிகமாக்குது. இஸ்ரேல்-ஹமாஸ் போர் 2023 அக்டோபர் 7-ல ஆரம்பிச்சதுல இருந்து, ஹிஸ்புல்லா இஸ்ரேல் மீது ராக்கெட், ட்ரோன் தாக்குதல்களை நடத்தி வருது. இதுக்கு பதிலடியா இஸ்ரேல், லெபனானோட தெற்கு மற்றும் கிழக்கு பகுதிகளில் வான்வழித் தாக்குதல் நடத்தி, ஆயிரக்கணக்கான உயிரிழப்புகளை ஏற்படுத்தியிருக்கு. 

இந்த சூழல்ல, அமெரிக்காவோட தலையீடு இருந்தாலும், ஹிஸ்புல்லா தன்னோட ஆயுதங்களை வச்சுக்குறதுல உறுதியா இருக்கு.நயூம் காசிம், 1982-ல ஹிஸ்புல்லாவை தொடங்கினவங்களில் ஒருத்தரு. 1991-ல இருந்து துணைத் தலைவரா இருந்தவர், 2024 அக்டோபரில் தலைவரா தேர்ந்தெடுக்கப்பட்டவர். இவரோட இந்த உரை, ஹிஸ்புல்லாவோட எதிர்ப்பு மனநிலையை தெளிவா காட்டுது. 

“எங்களோட ஆயுதங்கள் லெபனானோட பாதுகாப்புக்கு அவசியம். இஸ்ரேல் ஆக்கிரமிப்புக்கு எதிரா போராடுறதுக்கு இது தேவை”னு காசிம் சொல்றாரு. இதனால, இஸ்ரேலும் ஹிஸ்புல்லாவும் மோதுறது இன்னும் தீவிரமாகலாம்.லெபனானோட மக்கள் இந்த பதற்றத்துல பெரிய விலையை கொடுத்துட்டு இருக்காங்க. 
இஸ்ரேலோட தாக்குதல்களால பொதுமக்கள், குறிப்பா குழந்தைகள், பெண்கள் பாதிக்கப்பட்டிருக்காங்க. இந்த சூழல் எப்போ முடியும்னு தெரியல, ஆனா ஹிஸ்புல்லாவோட இந்த பிடிவாதம், இஸ்ரேலோட தாக்குதல்கள், இரண்டுமே மத்திய கிழக்கு அமைதிக்கு பெரிய சவாலா இருக்கு. இந்த மோதல் எங்க போய் முடியும்னு பார்க்க வேண்டியிருக்கு! 
 

இதையும் படிங்க: உங்க முடிவு உங்களுக்கே ஆபத்தா மாறும்!! பிரிட்டனுக்கு பகீரங்க எச்சரிக்கை விடுக்கும் இஸ்ரேல்..!