லண்டனில் காந்தி சிலை சேதம்.. அகிம்சை சின்னத்தின் மீது தாக்குதல்.. கொந்தளித்த இந்தியர்கள்..!!

பிரிட்டனின் தலைநகர் லண்டனின் டேவிஸ்டாக் சதுக்கத்தில் (Tavistock Square) அமைந்துள்ள மகாத்மா காந்தியின் சிலை, அவரது பிறந்தநாள் விழாவான காந்தி ஜெயந்தி மற்றும் அகில உலக அகிம்சை தினத்திற்கு முன்பே, மர்ம நபர்களால் சேதப்படுத்தப்பட்டது. இந்த சம்பவம், காந்தியின் அகிம்சை தத்துவத்தின் மீது நேரடி தாக்குதலாகக் கருதப்பட்டு, இந்திய தூதரகத்தால் கடுமையாகக் கண்டிக்கப்பட்டுள்ளது. சிலையின் அடித்தளத்தில் (Gandhi-Modi Hindustani Terrorists) இந்தியர்கள் தீவிரவாதிகள் என்று எழுதப்பட்டு, சேதம் செய்யப்பட்டுள்ளது. இதனைப்பார்த்த இந்தியர்கள் கொந்தளிப்பில் உள்ளனர்.

காந்தி தியான நிலையில் அமர்ந்திருக்கும் பிரான்ஸ் சிலை, 1968-ஆம் ஆண்டு மே 17 அன்று, அப்போதைய பிரிட்டிஷ் பிரதமர் ஹாரோல்ட் வில்சனால் திறந்து வைக்கப்பட்டது. இந்திய லீக் ஆதரவுடன், கலைஞர் ஃப்ரெடா பிரில்லியன்ட் (Fredda Brilliant) சிற்பியால் உருவாக்கப்பட்ட இந்தச் சிலை, அருகிலுள்ள யூனிவர்சிட்டி காலேஜ் லண்டன் (University College London) – காந்தி சட்டப் படிப்பு பயின்ற இடம் அருகே அமைந்துள்ளது. சிலையின் அடித்தளத்தில் "மகாத்மா காந்தி, 1869-1948" என்று பொறிக்கப்பட்டுள்ளது. இது டேவிஸ்டாக் சதுக்கத்தில் அமைந்திருக்கும் அமைதி நினைவுச் சின்னங்களின்ஒன்றாகும்.

இதையும் படிங்க: லண்டனில் பென்னிகுயிக் குடும்பத்தினருடன் முதல்வர் ஸ்டாலின்..!! நெகிழ்ச்சி பதிவு..!!

இந்திய உயர் ஆணையம் (High Commission of India in London) சமூக ஊடகங்களில் வெளியிட்ட அறிக்கையில், "இந்திய உயர் ஆணையம், லண்டனின் டேவிஸ்டாக் சதுக்கத்தில் உள்ள மகாத்மா காந்தியின் சிலையின் சேதத்தைப் பார்த்து ஆழ்ந்த வருத்தத்தையும், இந்த செயலை வன்மையாகக் கண்டிப்பதாகவும் தெரிவித்துள்ளது. இது வெறும் சேதமல்ல, அகிம்சை சிந்தனையின் மீது வன்முறை தாக்குதல், அகில உலக அகிம்சை தினத்திற்கு முன்பே நடந்தது" என்று கூறியுள்ளது.

இதனையடுத்து அங்கு சென்ற உயர் ஆணைய அதிகாரிகள், உள்ளூர் அதிகாரிகளுடன் இணைந்து, சிலையை அசல் நிலைக்கு மீட்டெடுக்கும் பணியை தொடங்கின. லண்டன் மெட்ரோபாலிட்டன் போலீஸ் (Metropolitan Police) மற்றும் கேம்டன் மாநகராட்சி (Camden Council) அதிகாரிகள் இதுதொடர்பாக வழக்குப்பதிவு செய்து விசாரணை நடத்தி வருகின்றனர். மேலும் குற்றுவாளிகள் இதுவரை சிக்காத நிலையில், சிசிடிவி கேமராக்களை தொடர்ந்து பரிசோதித்து வருகின்றனர்.

இந்தச் சம்பவம், காந்தி ஜெயந்தி விழாவை மிகவும் தாறுமாறாக்கியுள்ளது. ஒவ்வொரு ஆண்டும் அக்டோபர் 2 அன்று, டேவிஸ்டாக் சதுக்கத்தில் மலர் அர்ப்பணிப்புகள், காந்தியின் பஜன்கள் மற்றும் அகிம்சை குறித்த விவாதங்கள் நடைபெறும். ஐ.நா. அமைப்பால் அகிம்சை தினமாக அறிவிக்கப்பட்ட இந்த நாள், இந்தியாவுக்கும் பிரிட்டனுக்கும் இடையிலான வரலாற்று, கலாச்சாரத் தொடர்புகளின் சின்னமாகும்.

காந்தியின் பிரிட்டிஷ் காலனிய எதிர்ப்புப் போராட்டங்கள், இன்றும் உலகளவில் அமைதியின் உதாரணமாகப் பார்க்கப்படுகின்றன. மத்திய அரசின் வெளியுறவுத் துறை இதைப் பற்றி இன்னும் அதிகாரப்பூர்வ அறிக்கை வெளியிடவில்லை, ஆனால் உயர் ஆணையத்தின் முன்னெடுப்பு இரு நாடுகளுக்கிடையேயான உறவுகளைப் பாதிக்காது என்பதை உறுதிப்படுத்துகிறது.

உலகளவில் இந்தச் சம்பவத்தைப் பற்றி சமூக ஊடகங்களில் விவாதங்கள் எழுந்துள்ளன. "அகிம்சைக்கு எதிரான இந்தச் செயல், மனிதகுலத்தின் தோல்வி" என்று பலர் கருதுகின்றனர். இந்த சேதம், காந்தியின் "அகிம்சையே சிறந்த ஆயுதம்" என்ற கோட்பாட்டை மீண்டும் நினைவூட்டுகிறது. மேலும் இது போன்ற சம்பவங்கள், பன்முகத்தன்மை மற்றும் பொறுப்புடன் இருக்கும் சமூகத்தின் தேவையை வலியுறுத்துகிறது.

இதையும் படிங்க: லண்டனில் முதல்வர் வணங்கிய திருவள்ளுவர் நெற்றியில் விபூதி! வைரலாகும் புகைப்படம்...