நேபாளத்தை உலுக்கிய வெள்ளம்! பலி எண்ணிக்கை 903 ஆக உயர்வு! பேரழிவு குறித்து பிரதமர் வேதனை!

நேபாளம் மற்றும் திபெத் எல்லைப் பகுதிகளில் ஏற்பட்ட திடீர் வெள்ளப்பெருக்கு மற்றும் நிலச்சரிவு அந்நாட்டில் பெரும் சோகத்தை ஏற்படுத்தியுள்ளது. வெள்ளம் மற்றும் நிலச்சரிவில் சிக்கியவர்களை மீட்கும் பணிகள் தொடர்ந்து நடைபெற்று வரும் நிலையில், உயிரிழந்தவர்களின் எண்ணிக்கை 903 ஆக உயர்ந்துள்ளது. மேலும் 3,000-க்கும் மேற்பட்டோர் காணாமல் போயுள்ளதாக அதிகாரிகள் தெரிவித்துள்ளனர்.

கடந்த சில நாட்களாக நேபாளத்தின் பல பகுதிகளில் கனமழை பெய்து வருகிறது. இதனால் ஆறுகளில் நீர்வரத்து அதிகரித்து, சில இடங்களில் திடீர் வெள்ளப்பெருக்கு ஏற்பட்டது. அதே நேரத்தில், பல பகுதிகளில் நிலச்சரிவும் ஏற்பட்டதால் சாலைகள் மற்றும் குடியிருப்பு பகுதிகள் பாதிக்கப்பட்டுள்ளன. மண், சகதி மற்றும் கட்டட இடிபாடுகளில் சிக்கியவர்களை மீட்கும் பணியில் மீட்புக் குழுவினர் தொடர்ந்து ஈடுபட்டு வருகின்றனர்.

இந்த நிலையில், பேரிடரில் உயிரிழந்தவர்களின் எண்ணிக்கை 903 ஆக அதிகரித்திருப்பது அந்நாட்டில் அதிர்ச்சியை ஏற்படுத்தியுள்ளது. காணாமல் போன 3,000-க்கும் மேற்பட்டவர்களை தேடும் பணியும் தீவிரப்படுத்தப்பட்டுள்ளது. அவர்களின் நிலை என்ன என்பது குறித்து குடும்பத்தினர் கவலையில் உள்ளனர்.

இதையும் படிங்க: 5-வது நாளாக தொடரும் மீட்புப் பணி! மீண்டும் வெள்ள அபாயம்! 3,000-க்கும் மேற்பட்டோர் மாயம்; இந்தியர்களின் நிலை?

இதற்கிடையே, பாதிக்கப்பட்ட பகுதிகளில் மீண்டும் வெள்ளப்பெருக்கு ஏற்படுவதற்கான வாய்ப்பு இருப்பதாக எச்சரிக்கை விடுக்கப்பட்டுள்ளது. குறிப்பாக போதேகோஷி ஆற்றில் நீர்மட்டம் உயர்ந்து வருவதால், ஆற்றின் கரையோரம் வசிக்கும் மக்கள் மிகுந்த எச்சரிக்கையுடன் இருக்க அறிவுறுத்தப்பட்டுள்ளனர்.

தொடர்ந்து மோசமடைந்து வரும் சூழ்நிலையால் மீட்புப் பணிகளிலும் சவால்கள் அதிகரித்துள்ளன. ஏற்கனவே வெள்ளம் மற்றும் நிலச்சரிவால் பாதிக்கப்பட்ட பகுதிகளில் மீண்டும் கனமழை பெய்தால் நிலைமை மேலும் மோசமடையக்கூடும் என்பதால் அதிகாரிகள் கண்காணிப்பை தீவிரப்படுத்தியுள்ளனர்.

நேபாள பிரதமர் பாலேந்திர ஷா, தற்போதைய நிலைமை குறித்து ஆழ்ந்த வேதனை தெரிவித்துள்ளார். நாடு இதுவரை சந்தித்திராத அளவுக்கு கற்பனை செய்ய முடியாத மற்றும் நெஞ்சை உலுக்கும் பேரழிவை எதிர்கொண்டு வருவதாக அவர் குறிப்பிட்டுள்ளார். உயிரிழப்பு தொடர்ந்து அதிகரித்து வருவது மிகவும் கவலைக்குரியது என்றும் அவர் தெரிவித்துள்ளார்.

மீட்புப் பணிகள் தொடர்ந்து நடைபெற்று வரும் நிலையில், காணாமல் போனவர்களை கண்டறிவது தற்போது முக்கிய பணியாக உள்ளது. அதே நேரத்தில், புதிய வெள்ள அபாயம் இருப்பதால் பொதுமக்கள் பாதுகாப்பான இடங்களுக்கு செல்லவும், அதிகாரிகளின் அறிவுறுத்தல்களை பின்பற்றவும் கேட்டுக்கொள்ளப்பட்டுள்ளனர்.

இதையும் படிங்க: நேபாளத்தில் பள்ளியை நோக்கி பாய்ந்த வெள்ளம்! 1,643 மாணவர்களை காப்பாற்றிய தலைமை ஆசிரியரின் துணிச்சல்!