அம்பானிக்கு நிகரான ஆடம்பர வாழ்க்கை..! ஏழை நாட்டில் குஜாலாக அனுபவிக்கும் பாக்., ராணுவ ஜெனரல் முனீர்..!

பாகிஸ்தான் பொருளாதார நெருக்கடியை எதிர்கொள்கிறது. ஆனால் அந்நாட்டின் ராணுவத் தலைவர் ஜெனரல் அசிம் முனீரின் ஆடம்பர  வாழ்க்கை இந்த நெருக்கடியிலிருந்து முற்றிலும் மாறுபட்டது. ஜெனரல் முனீரின் மொத்த சொத்து மதிப்பு சுமார் ரூ.6,77,54,636 (US$800,000) என மதிப்பிடப்பட்டுள்ளது. இந்த சொத்து பல்வேறு தொழில்கள், முதலீடுகள் மூலம் சம்பாதிக்கப்பட்டுள்ளது. பாகிஸ்தானின் பொருளாதார நிலைமை மந்தமாக இருந்து வரும் நிலையிலும் முனீர் ஆடம்பரமாக வாழ்ந்து வருகிறார்.

பாகிஸ்தான் ராணுவம் நாட்டில் 100க்கும் மேற்பட்ட தொழில்களைச் செய்கிறது. இது ராணுவத் தலைவர், அதிகாரிகளுக்கு பெரும் வருமானத்தை அளிப்பதாக கூறப்படுகிறது. பாகிஸ்தானின் ரியல் எஸ்டேட் துறையில் ராணுவம் ஆதிக்கம் செலுத்துகிறது. பாகிஸ்தான் ராணுவம் வணிகத்தின் மூலம் எப்படி சம்பாதிக்கிறது தெரியுமா.?

பாகிஸ்தானில் உள்ள ராணுவத் தலைவர்கள் பெரும்பாலும் நாட்டிற்கு சேவை செய்வதை விட தங்கள் செல்வத்தை அதிகரிப்பதாக குற்றம் சாட்டப்படுகிறார்கள். முன்னாள் ராணுவத் தளபதி ஜெனரல் கமர் ஜாவேத் பஜ்வா முதல் தற்போதைய ராணுவத் தலைவர் ஜெனரல் அசிம் முனீர் வரை, இதற்கு வாழும் உதாரணங்கள். ராணுவத்தின் முக்கிய செயல்பாடாக நாட்டின் பாதுகாப்பாகவே இருக்கும். ஆனால், பாகிஸ்தானில் ராணுவம் வெறும் தற்காப்புடன் மட்டும் நின்றுவிடவில்லை. பாகிஸ்தான் ராணுவத்தினர் நாட்டின் பொருளாதாரத்தை தங்கள் கட்டுப்பாட்டுக்குள் வைத்திருக்கிறார்கள்.

இதையும் படிங்க: பாகிஸ்தானுக்கு சிம்ம சொப்பனமாக மாறிய இந்தியா... பகை நெருப்பில் கருகும் அரபு நாடுகள்..!

அந்நாட்டு ராணுவம் ஃபௌஜி அறக்கட்டளை, ராணுவ நல அறக்கட்டளை, ஷாஹீன் அறக்கட்டளை, பஹ்ரியா அறக்கட்டளை உள்ளிட்டவற்றை நடத்தி வருகிறது. இந்த நிறுவனங்கள் பெயரளவில் நலனுக்காகத் தோன்றலாம். ஆனால் உண்மையில் அவை மிகவும் சக்திவாய்ந்த நிறுவன வலையமைப்பின் ஒரு பகுதியாக செயல்பட்டு வருகிறது. இந்த வணிகங்கள் மூலம், ராணுவம் பொருளாதார ரீதியாக அதிகாரம் பெற்றது மட்டுமல்லாமல், பாகிஸ்தானின் பொருளாதாரத்திலும் முக்கிய பங்கு வகிக்கிறது.

பாகிஸ்தான் இராணுவத்தின் பலம் அதன் ஆயுதங்கள் மற்றும் வீரர்களில் மட்டுமல்ல... பரந்த வணிக சாம்ராஜ்யத்திலும் மறைக்கப்பட்டுள்ளது. பிரபல எழுத்தாளர் ஆயிஷா சித்திக்காவின் "Military Inc.: Inside Pakistan's Military Economy" என்ற புத்தகம் இந்த யதார்த்தத்தை ஆழமாக அம்பலப்படுத்துகிறது. இந்த புத்தகம், ''பாகிஸ்தான் இராணுவம் பாதுகாப்புத் துறைக்கு மட்டுமல்ல, சிமென்ட், உரம், வங்கி, பால், போக்குவரத்து மற்றும் வீட்டுவசதி போன்ற துறைகளிலும் விரிவான வணிக செல்வாக்கைக் கொண்டுள்ளதாகக் கூறுகிறது.

ராணுவத்தின் வணிக நடவடிக்கைகள் பல பகுதிகளில் பரவியிருந்தாலும், அதன் மிகப்பெரிய, மிகவும் லாபகரமான வணிகம் ரியல் எஸ்டேட். கராச்சி, லாகூர், இஸ்லாமாபாத் போன்ற பெரிய நகரங்களில், இராணுவம் தேசிய பாதுகாப்பு என்ற பெயரில் கையகப்படுத்தப்பட்ட நிலத்தை வணிக வீட்டுவசதி திட்டங்களாக மாற்றியுள்ளது. இந்த திட்டங்கள் முக்கியமாக பில்லியன் கணக்கான டாலர்கள் மதிப்புள்ள சொத்தாக அறியப்படும் பாதுகாப்பு வீட்டுவசதி ஆணையத்தின் கீழ் வருகின்றன.

ஆயிஷா சித்திக்காவின் புத்தகத்தின்படி, ''2007 ஆம் ஆண்டில் பாகிஸ்தான் ராணுவத்தின் வணிக முயற்சிகளின் மொத்த மதிப்பு 20 பில்லியன் அமெரிக்க டாலர்கள். தற்போது பல்வேறு நிபுணர்கள் இந்த எண்ணிக்கை 40 முதல் 100 பில்லியன் டாலர்கள் (சுமார் 85 டிரில்லியன் ரூபாய்) வரை இருக்கலாம் என்று நம்புகின்றனர். ஆச்சரியப்படும் விஷயம் என்னவென்றால், இராணுவத்தின் இந்த வருமானம் குறித்த வெளிப்படையான பதிவு எதுவும் இல்லை. எந்தவொரு சுயாதீன நிறுவனமும் அதைக் கண்காணிக்கவில்லை. பாகிஸ்தான் இராணுவம் இந்த நிதி புள்ளிவிவரங்களை தேசிய பாதுகாப்பு என்ற போர்வையில் மூடி மறைத்து வைத்திருக்கிறது.

தற்போதைய இராணுவத் தலைவர் ஜெனரல் அசிம் முனிர் குறித்து இப்போது கேள்விகள் எழுப்பப்படுகின்றன. அசிம் முனிரின் அறிவிக்கப்பட்ட நிகர மதிப்பு சுமார் 8 லட்சம் டாலர்கள் (சுமார் ரூ. 6,77,54,636). ஆனால் இந்த ரகசிய வணிகங்களைப் பார்த்தால், அவரது உண்மையான சொத்து இதை விட அதிகமாக இருக்கலாம். ஒப்பிடுகையில், முன்னாள் இராணுவத் தலைவர் ஜெனரல் கமர் ஜாவேத் பஜ்வாவின் சொத்து உதாரணமாக முன்வைக்கப்படுகிறது. 2018-ல் பஜ்வா இராணுவத் தலைவராக ஆனபோது, ​​அவரிடம் எந்த சொத்துக்களும் இல்லை. ஆனால் 2022-ல் அவர் ஓய்வு பெற்ற நேரத்தில், அவரது குடும்பத்தின் சொத்து சுமார் 13 பில்லியன் பாகிஸ்தான் ரூபாயை எட்டியிருந்தது.

இதையும் படிங்க: பாக்., ராணுவத்தின் காமவெறி... 22 வயது வீரர் துப்பாக்கியால் சுட்டு தற்கொலை..!