#BREAKING: காபூல் மருத்துவமனை மீது பாகிஸ்தான் தாக்குதல்: 400 பேர் பலி, 250 பேர் காயம்...!

ஆப்கானிஸ்தான் தலைநகர் காபூலில் நேற்றிரவு இரவு பாகிஸ்தான் நடத்திய வான்வழித் தாக்குதலில் உயிரிழந்தவர்களின் எண்ணிக்கை 400 ஆக உயர்ந்துள்ளது. ஆப்கானிஸ்தான் அரசாங்கத்தின் துணை அரசாங்க செய்தித் தொடர்பாளர் ஹம்துல்லா ஃபித்ரத் செவ்வாய்க்கிழமை காலை காபூலில் போதைக்கு அடிமையானவர்களுக்கு சிகிச்சை அளிக்கும் மருத்துவமனை மீது பாகிஸ்தான் வான்வழித் தாக்குதல் நடத்தியதாகத் தெரிவித்துள்ளார். இதுவரை 400 பேர் உயிரிழந்தது உறுதி செய்யப்பட்டுள்ளது. மருத்துவமனையின் இடிபாடுகளில் இருந்து மக்களை மீட்கும் பணி நடந்து வருகிறது. 

போதை ஒழிப்பு மருத்துவமனையின் பெரும்பகுதி முற்றிலுமாக அழிக்கப்பட்டதாக தலிபான் சுகாதார அமைச்சக செய்தித் தொடர்பாளர் ஷரஃபாத் ஜமான் தெரிவித்தார். வான்வழித் தாக்குதலால் பற்றி எரிந்த மருத்துவமனையின் தீயைக் கட்டுப்படுத்த தீயணைப்புத்துறையினர் சில மணி நேரங்கள் தீவிரமாக முயற்சி செய்தனர்.  மருத்துவமனை நோயாளிகள் மீதான தாக்குதல் காட்டுமிராண்டித்தனமானது என்று ஆப்கானிஸ்தான் அரசாங்க செய்தித் தொடர்பாளர் ஜபியுல்லா முஜாஹித் கண்டித்துள்ளார். 

பாகிஸ்தான் மறுப்பு: 

எந்த மருத்துவமனைகளும் குறிவைக்கப்படவில்லை என்று பாகிஸ்தான் மறுத்துள்ளது. காபூல் மற்றும் கிழக்கு ஆப்கானிஸ்தானில் நேற்று நடந்த தாக்குதல்களில் பொதுமக்கள் யாரும் தாக்கப்படவில்லை என்று பாகிஸ்தான் கூறியுள்ளது. பயங்கரவாதக் குழுக்களை மட்டுமே குறிவைத்ததாக பாகிஸ்தான் தெரிவித்துள்ளது.

இதையும் படிங்க: ரசகுல்லா பிரியர்களே உஷார்... திருமண வீட்டில் அரங்கேறிய பயங்கரம்... துடிதுடித்துப் போன உயிர்...!

ஆப்கானிஸ்தான் தாலிபான் தொழில்நுட்ப உபகரணங்கள் மற்றும் வெடிமருந்து கிடங்குகள் உட்பட இராணுவ நிறுவல்கள் மற்றும் பயங்கரவாத ஆதரவு உள்கட்டமைப்புகளை துல்லியமாக குறிவைத்ததாக பாகிஸ்தானின் தகவல் அமைச்சகம் தெரிவித்துள்ளது.

இணை சேதத்தைத் தவிர்க்க தீவிர எச்சரிக்கையுடன் இந்த நடவடிக்கை மேற்கொள்ளப்பட்டதாக பாகிஸ்தான் அரசாங்கம் தெரிவித்துள்ளது. மருத்துவமனை மீது தாக்குதல் நடத்தப்பட்டதாக ஆப்கானிஸ்தான் கூறியது தவறானது மற்றும் தவறாக வழிநடத்தும் என்றும், பொதுமக்களின் உணர்வைத் தூண்டி உண்மையை மறைப்பதை நோக்கமாகக் கொண்டது என்றும் பாகிஸ்தான் தனது அறிக்கையில் குறிப்பிட்டுள்ளது. 

நேற்று எல்லையில் இரு தரப்பினருக்கும் இடையே நடந்த கடுமையான துப்பாக்கிச் சண்டையைத் தொடர்ந்து இந்த வான்வழித் தாக்குதல்கள் நடத்தப்பட்டன. தற்போது ஆட்சியில் இருக்கும் ஆப்கானிஸ்தான், இது தனது எல்லை மீறல் என்றும் பதிலடி கொடுக்கும் என்றும் கூறியுள்ளது. இந்த இரு அண்டை நாடுகளுக்கும் இடையிலான உயிர்க்கொல்லிச் சண்டை தற்போது மூன்றாவது வாரத்தில் நுழைந்துள்ளது.

இதையும் படிங்க: உதயகுமார்ன்னு ஒரு ஆள் இருந்தார்... பெயரை சொல்லவே வெட்கமா இருக்கு.. ஒருமையில் விளாசிய ஓபிஎஸ்...!