வெள்ளை மாளிகையில் திடீர் துப்பாக்கிச் சூடு..!! நூலிழையில் உயிர் தப்பிய டிரம்ப்..!! நடந்தது என்ன..??

வாஷிங்டன் டி.சி.யில் உள்ள வாஷிங்டன் ஹில்டன் ஓட்டலில் ஏப்ரல் 25, 2026 அன்று இரவு நடைபெற்ற வெள்ளை மாளிகை செய்தியாளர்கள் சங்கத்தின் (WHCA) வருடாந்திர இரவு விருந்து நிகழ்ச்சியின்போது திடீர் பதற்றம் ஏற்பட்டது. நிகழ்ச்சி தொடங்குவதற்கு முன்பாக, ஜனாதிபதி டொனால்ட் டிரம்ப் மற்றும் அவரது மனைவி மெலானியா டிரம்ப் ஆகியோர் அமர்ந்திருந்த பகுதியில் துப்பாக்கிச் சத்தம் போன்ற சத்தங்கள் கேட்டன. இதனால் அங்கு கூடியிருந்த செய்தியாளர்கள், அரசியல் தலைவர்கள் மற்றும் பிற பங்கேற்பாளர்கள் அதிர்ச்சியடைந்தனர். 

காணொளி காட்சிகளில், "கீழே படுங்கள்!" "கீழேயே இருங்கள்!" என்று மக்கள் கூச்சலிடும் ஒலி கேட்கிறது. ஜனாதிபதி டிரம்பும், மெலானியாவும் உடனடியாக தங்கள் மேசைக்குப் பின்னால் பதுங்கினர். ரகசிய சேவை (Secret Service) அதிகாரிகள் விரைந்து வந்து ஜனாதிபதியையும் முதல் பெண்மணியையும் பாதுகாப்பாக வெளியேற்றினர். மேலும் கனரக ஆயுதங்கள் ஏந்திய பாதுகாப்புப் படையினர் உடனடியாக அங்கு வந்து சூழ்நிலையை கட்டுப்படுத்தினர். இந்த சம்பவத்தின்போது துணை ஜனாதிபதி ஜே.டி. வான்ஸ் உள்ளிட்ட பல முக்கிய பிரமுகர்களும் நிகழ்ச்சியில் இருந்தனர். 

உடனடியாக யாருக்கும் காயம் ஏற்படவில்லை என்று தகவல்கள் வெளியாகின. ரகசிய சேவை அதிகாரிகளின் துரித நடவடிக்கையால் அனைவரும் பாதுகாப்பாக வெளியேற்றப்பட்டனர். தொடர்ந்து இந்த சம்பவத்தில் சந்தேக நபர் ஒருவர் கைது செய்யப்பட்டார். அவர் ஹோட்டலில் தங்கியிருந்த விருந்தினராக இருந்ததாகவும், துப்பாக்கி, கத்திகள் உள்ளிட்ட ஆயுதங்களுடன் ரகசிய சேவை சோதனைச் சாவடியை நோக்கி முன்னேறியதாகவும் தெரிவிக்கப்பட்டது. ஒரு ரகசிய சேவை அதிகாரிக்கு சுடப்பட்டதாகவும், ஆனால் அவரது புல்லட் ப்ரூஃப் ஜாக்கெட் காரணமாக பெரிய காயம் ஏற்படவில்லை என்றும் ஜனாதிபதி டிரம்ப் பின்னர் தெரிவித்தார். சந்தேக நபர் உயிருடன் இருப்பதாகவும், விசாரணை நடைபெற்று வருவதாகவும் கூறப்படுகிறது. 

இதையும் படிங்க: போரை நிறுத்துங்க.. இது அமைதிக்கான நேரம்..!! கருத்து கூறிய போப் லியோ..!! டிரம்ப் அதிரடி பதிலடி..!!

இந்த சம்பவத்துக்குப் பிறகு, ஜனாதிபதி டிரம்ப் தனது ட்ரூத் சோஷியல் தளத்தில் பதிவிட்டார். “துப்பாக்கிச் சூடு நடத்தியவர் கைது செய்யப்பட்டுள்ளார். நிகழ்ச்சியைத் தொடரலாம் என்று நான் பரிந்துரைத்தேன். ஆனால் அது முழுக்க பாதுகாப்பு அதிகாரிகளின் முடிவைப் பொறுத்தது” என்று அவர் குறிப்பிட்டார். மேலும், இந்த மாலை நிகழ்ச்சி திட்டமிட்டதை விட மிகவும் வித்தியாசமானதாக இருக்கும் என்றும், எதிர்காலத்தில் இதுபோன்ற நிகழ்வுகளை மீண்டும் ஏற்பாடு செய்ய வேண்டியிருக்கும் என்றும் அவர் தெரிவித்தார்.

பின்னர் வெள்ளை மாளிகையில் செய்தியாளர்களிடம் பேசிய ஜனாதிபதி டிரம்ப், “யாருக்கும் காயம் ஏற்படவில்லை. தாக்குதல் நடத்தியவரை கைது செய்து விசாரிக்கின்றனர். ரகசிய சேவை அதிகாரிகள் எங்களை விரைவாகவும் பாதுகாப்பாகவும் வெளியேற்றினர். பாதுகாப்புப் படையினரின் துணிச்சலான துரித நடவடிக்கைக்கு நன்றி” என்று பாராட்டினார். 

வெள்ளை மாளிகை செய்தியாளர்கள் சங்கத் தலைவர் வெய்ஜியா ஜியாங், நிகழ்ச்சி மீண்டும் தொடங்கும் என்றும் கூடுதல் விவரங்கள் விரைவில் அறிவிக்கப்படும் என்றும் அறிவித்தார். இந்த சம்பவம் அமெரிக்காவில் பாதுகாப்பு ஏற்பாடுகள் குறித்து மீண்டும் விவாதத்தை தூண்டியுள்ளது. ஹில்டன் ஓட்டல் போன்ற இடங்களில் உயர் பாதுகாப்பு தேவைப்படும் நிகழ்வுகளுக்கு மேலும் கடுமையான நடவடிக்கைகள் தேவை என்ற கருத்துகள் எழுந்துள்ளன. தற்போது விசாரணை தீவிரமாக நடைபெற்று வருகிறது. 

இதையும் படிங்க: அமெரிக்க ராணுவத்திற்கு நோபல் பரிசு கொடுங்க! பாதுகாப்பு அமைச்சர் பீட் ஹெக்செத் ஆவேச பேச்சு!