அமெரிக்கா - ஈரான் போர் புதிய திருப்பம்... தாக்குதலை நிறுத்திய டிரம்ப்! ஆயுதப் பற்றாக்குறையா?!
கடந்த 13 நாட்களாக தொடர்ந்து ஈரான் மீது அமெரிக்கா தாக்குதல் நடத்தி வந்த நிலையில், அதனை டிரம்ப் நிறுத்தி வைத்துள்ளார்.
by
கடந்த 13 நாட்களாக ஈரான் மீது தொடர்ந்து ராணுவ தாக்குதல்களை மேற்கொண்டு வந்த அமெரிக்கா, தற்போது அந்த நடவடிக்கையை தற்காலிகமாக நிறுத்தியுள்ளதாக தகவல்கள் வெளியாகியுள்ளன. அமெரிக்க முன்னாள் அதிபர் டொனால்டு டிரம்ப் இந்த முடிவை எடுத்துள்ளதாக அமெரிக்க ஊடகங்கள் செய்தி வெளியிட்டுள்ளன. இந்த அறிவிப்பு மத்திய கிழக்கு பிராந்தியத்தில் நிலவும் பதற்ற சூழ்நிலையில் முக்கிய திருப்பமாக பார்க்கப்படுகிறது.
ஈரானுடன் இருந்த அமைதி ஒப்பந்தம் முறிந்ததைத் தொடர்ந்து, கடந்த 13 நாட்களாக அமெரிக்கா பல்வேறு இலக்குகள் மீது தாக்குதல் நடத்தியதாக கூறப்படுகிறது. இதற்கு பதிலடியாக, ஈரான் கத்தார், ஜோர்டான் உள்ளிட்ட நாடுகளில் உள்ள அமெரிக்க ராணுவ தளங்களை குறிவைத்து ஏவுகணைகள் மற்றும் டிரோன்கள் மூலம் தாக்குதல் நடத்தி வந்ததாக தகவல்கள் வெளியாகின.
இரு தரப்புக்கும் இடையேயான மோதல் தீவிரமடைந்த நிலையில், மேலும் ஒரு பெரிய ராணுவ நடவடிக்கைக்கான திட்டம் தயாராக இருந்தபோதும், அதை தற்காலிகமாக நிறுத்த டிரம்ப் முடிவு செய்துள்ளதாக கூறப்படுகிறது. இந்த முடிவுக்குப் பின்னால் பல்வேறு காரணங்கள் இருப்பதாக அமெரிக்க ஊடகங்கள் தெரிவித்துள்ளன.
இதையும் படிங்க: இனிமேல் கப்பல்களுக்கு சேதம் ஏற்பட்டால் ஈரான் பணத்தில் இருந்து இழப்பீடு... டிரம்பின் அதிரடி அறிவிப்பு!
ராஜதந்திர ரீதியில் ஏற்பட்டுள்ள முன்னேற்றம், அமெரிக்காவின் ஏவுகணை உள்ளிட்ட ஆயுதங்களின் கையிருப்பு குறைந்து வருவது மற்றும் மோதல் மேலும் விரிவடைந்தால் பிராந்திய அளவில் பெரிய போராக மாறும் அபாயம் ஆகியவை இந்த முடிவுக்கு முக்கிய காரணங்களாக கூறப்படுகின்றன.
இதுகுறித்து வெள்ளை மாளிகை இதுவரை அதிகாரப்பூர்வ அறிக்கை வெளியிடவில்லை. இருப்பினும், வெள்ளை மாளிகையின் தகவல் தொடர்பு இயக்குநர் ஸ்டீவன் செங் கூறுகையில், டிரம்ப் எப்போதும் ராஜதந்திர தீர்வையே முன்னிலைப்படுத்தி வருவதாக தெரிவித்துள்ளார். அதே நேரத்தில், ஈரான் ஹார்முஸ் ஜலசந்தி அல்லது அமெரிக்காவின் நட்பு நாடுகளுக்கு எதிராக தாக்குதலைத் தொடர்ந்தால், மீண்டும் ராணுவ நடவடிக்கை மேற்கொள்ளும் வாய்ப்பையும் டிரம்ப் பரிசீலிப்பார் என்று அவர் குறிப்பிட்டுள்ளார்.
அமெரிக்காவின் இந்த தற்காலிக முடிவு மத்திய கிழக்கு பகுதியில் பதற்றத்தை குறைக்குமா அல்லது மீண்டும் மோதல் வெடிக்குமா என்பது குறித்து உலக நாடுகள் உன்னிப்பாக கவனித்து வருகின்றன. இருப்பினும், தாக்குதல் நிறுத்தம் தொடர்பாக அதிகாரப்பூர்வ அறிவிப்பு வெளியாகாததால், அமெரிக்க ஊடகங்களில் வெளியாகியுள்ள தகவல்களே தற்போது பேசுபொருளாக உள்ளன.
இதையும் படிங்க: இந்தியா உட்பட 17 நாடுகளுக்கு 10% வரி! அமெரிக்கா அதிபர் ட்ரம்ப் அதிரடி! விலை உயரும் ஆபத்து?
