இது பிரமோஸ் மேஜிக்.. பாகிஸ்தனை பந்தாடிய இந்தியா.. உலக அளவில் அதிகரிக்கும் டிமாண்ட்..

‘ஆபரேஷன் சிந்தூர்’னு இந்தியா பாகிஸ்தானுக்கு எதிரா நடத்திய ராணுவ தாக்குதல், உலக அளவுல பிரம்மோஸ் ஏவுகணைகளுக்கு ஒரு பெரிய டிமாண்டை உருவாக்கியிருக்கு. இந்தியாவும் ரஷ்யாவும் சேர்ந்து தயாரிச்ச இந்த பிரம்மோஸ் ஏவுகணைகளை வாங்க, 17-க்கும் மேற்பட்ட நாடுகள் இப்போ ஆர்வம் காட்டுறாங்க. குறிப்பா, சீனாவோட அச்சுறுத்தலை எதிர்க்க, பிலிப்பைன்ஸ் ஏற்கனவே இந்த ஏவுகணைகளை இந்தியாவிடம் இருந்து வாங்கியிருக்கு. 

ஏப்ரல் 22, 2025-ல ஜம்மு-காஷ்மீர்ல பஹல்காம்ல, பாகிஸ்தான் ஆதரவு பயங்கரவாத குழுவான ‘தி ரெசிஸ்டன்ஸ் ஃப்ரண்ட்’ (TRF) 26 சுற்றுலாப் பயணிகளை கொன்னுச்சு. இதுக்கு பதிலடியா, இந்தியா மே 7-10, 2025 வரை ‘ஆபரேஷன் சிந்தூர்’னு ஒரு தாக்குதலை நடத்துச்சு.

இந்திய விமானப்படை (IAF) பிரம்மோஸ் ஏவுகணைகளை உபயோகிச்சு, பாகிஸ்தானோட 11 முக்கிய விமான தளங்களை தாக்கி, ரன்வேக்கள், ரேடார்கள், கமாண்ட் சென்டர்களை அழிச்சது. இந்த தாக்குதல், பாகிஸ்தான் விமானப்படையோட (PAF) பதிலடி கொடுக்கும் திறனை முடக்கிடுச்சு. இதனால பாகிஸ்தான் உடனே DGMO மீட்டிங் கேட்டு, “போர் நிறுத்தம்”னு கெஞ்ச வேண்டியதாப் போச்சு.

இதையும் படிங்க: அடிமடியில் கை வைத்த அமெரிக்கா.. காசு வராதே! கவலையில் பாக்., அறிவித்த உலக மகா உருட்டு!!

பிரம்மோஸ், இந்தியாவோட DRDO-வும், ரஷ்யாவோட NPOM-ம் சேர்ந்து தயாரிச்ச ஒரு சூப்பர்சோனிக் க்ரூஸ் ஏவுகணை. இதோட பேர், பிரம்மபுத்திரா-மாஸ்கோவா ஆறுகளோட பெயர்களை சேர்த்து வந்தது. இது மணிக்கு 3,400 கிமீ வேகத்துல (மாக் 2.8) பறக்குது, 450 கிமீ தூரம் வரை தாக்க முடியும்.

இதை நிலம், கடல், விமானம், நீர்மூழ்கி கப்பல் எல்லாத்துல இருந்தும் ஏவ முடியும். “ஃபயர் அண்ட் ஃபர்கெட்” முறையில இயங்குற இந்த ஏவுகணை, ஸ்டெல்த் டெக்னாலஜி, மேம்பட்ட கைடன்ஸ் சிஸ்டத்தோட இருக்கு. இந்தியாவுல 83% பாகங்கள் இப்போ இந்தியாவுலயே தயாராகுது.

பிலிப்பைன்ஸ், 2022-ல $375 மில்லியன் ஒப்பந்தத்துல மூணு பிரம்மோஸ் ஏவுகணை பேட்டரிகளை இந்தியாவிடம் வாங்குச்சு. முதல் பேட்டரி ஏப்ரல் 2024-ல விமானம் மூலமா கொடுக்கப்பட்டது, ரெண்டாவது ஏப்ரல் 2025-ல கப்பல் வழியா அனுப்பப்பட்டது. சீனாவோட தென் சீனக் கடல்ல உள்ள ஆக்கிரமிப்பு முயற்சிகளை எதிர்க்க, இந்த ஏவுகணைகள் பிலிப்பைன்ஸுக்கு ஒரு பெரிய கவசமா இருக்கு. 290 கிமீ தூரத்துல சீன கப்பல்களை தாக்க முடியும், இதனால சீனாவுக்கு இது ஒரு பெரிய எச்சரிக்கையா இருக்கு.

ஆபரேஷன் சிந்தூர்ல பிரம்மோஸ் ஏவுகணைகள் பாகிஸ்தானோட சீன தயாரிப்பு விமான பாதுகாப்பு சிஸ்டங்களை (HQ-9, PL-15) ஊடுருவி, துல்லியமா தாக்கி அழிச்சது, உலக நாடுகளை ஆச்சரியப்படுத்தியிருக்கு.

இதனால, வியட்நாம் ($700 மில்லியன் ஒப்பந்தம்), இந்தோனேஷியா ($450 மில்லியன்), மலேசியா, தாய்லாந்து, சிங்கப்பூர், புரூணை, பிரேசில், சிலி, அர்ஜென்டினா, வெனிசுலா, எகிப்து, சவுதி அரேபியா, ஐக்கிய அரபு எமிரேட்ஸ், கத்தார், ஓமன், தென் ஆப்பிரிக்கா, பல்கேரியா மாதிரி 17-க்கும் மேற்பட்ட நாடுகள் இதை வாங்க ஆர்வம் காட்டுறாங்க.

குறிப்பா, தென் சீனக் கடல்ல சீனாவோட ஆதிக்கத்தை எதிர்க்க, இந்தோ-பசிபிக் நாடுகள் இந்த ஏவுகணைகளை ஆயுதமா பயன்படுத்த நினைக்குறாங்க.

பிரம்மோஸ்-2 (ஹைப்பர்சோனிக், மாக் 8 வேகம்) மற்றும் பிரம்மோஸ்-NG (லைட் வெயிட்) மாதிரி புது வெர்ஷன்கள் 2026-ல இருந்து வருது. இந்தியாவோட பாதுகாப்பு ஏற்றுமதி 2024-25-ல 23,622 கோடி ரூபாயை எட்டியிருக்கு.

இதுல பிரம்மோஸ் ஒரு பெரிய பங்கு வகிக்குது. ஆபரேஷன் சிந்தூர், இந்தியாவோட ராணுவ திறனையும், பிரம்மோஸோட வலிமையையும் உலகுக்கு காட்டியிருக்கு. இப்போ இந்த ஏவுகணை, சீனாவுக்கு எதிரான ஒரு முக்கிய ஆயுதமா, உலக நாடுகளோட பாதுகாப்பு உத்திக்கு முக்கியமாகியிருக்கு.

இதையும் படிங்க: இதோட 24வது முறை!! இப்போவாச்சும் வாய் திறப்பீங்களா? ட்ரம்ப் பேச்சால் சிக்கலில் மோடி! காங்., கிடுக்குப்பிடி..!