#BREAKING: உள்துறை அமைச்சர் அமித்ஷா தமிழகம் வருகை… பாஜக பூத் கமிட்டி கூட்டத்தில் பங்கேற்பு!
நெல்லையில் நடைபெறும் பாஜக பூத் கமிட்டி கூட்டத்தில் பங்கேற்பதற்காக அமித் ஷா தமிழகம் வருகை தந்துள்ளார்.
தமிழகத்தில் பாஜகவின் செல்வாக்கு படிப்படியாக உயர்ந்து வருகிறது. 2024 மக்களவைத் தேர்தலில் குறிப்பிடத்தக்க முன்னேற்றத்தை அடைய முடியவில்லை என்றாலும், மாநிலத்தில் தங்கள் அமைப்பை வலுப்படுத்துவதற்கு கட்சி தீவிர முயற்சிகளை மேற்கொண்டு வருகிறது. இந்த முயற்சியின் முக்கிய அம்சமாக, பூத் கமிட்டி மாநாடு திருநெல்வேலியில் நடத்தப்பட உள்ளது. இந்த மாநாடு, தென் தமிழகத்தின் 30 சட்டமன்றத் தொகுதிகளை உள்ளடக்கிய 8,595 பூத் கமிட்டிகளைச் சேர்ந்த சுமார் 50,000 நிர்வாகிகள் பங்கேற்க உள்ளனர்.
இந்த மாநாடு, பூத் முகவர்கள் மற்றும் கட்சி நிர்வாகிகளை ஒருங்கிணைப்பதற்கு முக்கியமானது, ஏனெனில் இது கட்சியின் அடிமட்ட அமைப்பை வலுப்படுத்துவதற்கு உதவும். மத்திய உள்துறை அமைச்சர் அமித்ஷாவின் பங்கேற்பு இந்த நிகழ்வுக்கு கூடுதல் முக்கியத்துவத்தை அளிக்கிறது.மாநாட்டின் முதன்மை நோக்கம், தமிழகத்தில் உள்ள பாஜகவின் பூத் முகவர்களை ஊக்குவிப்பதற்கும், அவர்களுக்கு தேர்தல் உத்திகள் மற்றும் அரசியல் நடவடிக்கைகள் குறித்து வழிகாட்டுவதற்குமாகும்.
தமிழக பாஜக தலைவர் நயினார் நாகேந்திரனின் தலைமையில் இந்த மாநாடு ஏற்பாடு செய்யப்பட்டுள்ளது. இந்த மாநாடு முதலில் ஆகஸ்ட் 17 அன்று நடைபெற திட்டமிடப்பட்டிருந்தது, ஆனால் நாகாலாந்து ஆளுநர் இல. கணேசனின் மறைவு காரணமாக ஆகஸ்ட் 22-ஆம் தேதிக்கு ஒத்திவைக்கப்பட்டது. இந்த மாநாடு தென் மாவட்டங்களில் பாஜகவின் தொண்டர்களை திரட்டுவதற்கும், கட்சியின் அரசியல் செயல்பாடுகளை ஒருங்கிணைப்பதற்கும் ஒரு முக்கிய தளமாக அமையவுள்ளது.
இதையும் படிங்க: தூத்துக்குடியில் பரபரப்பு… கல்லூரியில் வெடித்த நாட்டு வெடிகுண்டு! மாணவர்கள் படுகாயம்..!
இந்த நிலையில், பாஜக பூத் கமிட்டி மாநாட்டில் கலந்து கொள்வதற்காக உள்துறை அமைச்சர் அமித் ஷா தமிழகம் வருகை புரிந்துள்ளார். நெல்லையில் நடைபெறும் பாஜக பூத் கமிட்டி மாநாட்டில் பங்கேற்பதற்காக விமான மூலம் தூத்துக்குடிக்கு வந்தடைந்தார். தூத்துக்குடியில் இருந்து நெல்லைக்கு ஹெலிகாப்டரின் புறப்பட்டார்.
இதையும் படிங்க: தூத்துக்குடியில் உலக முதலீட்டாளர்கள் மாநாடு.. 4 ஸ்பெஷல் அறிவிப்புகளை வெளியிட்ட முதல்வர்..!
