கணிப்பா? கானல் நீரா?... Axis My India கருத்துக்கணிப்பில் இதை கவனிச்சீங்களா?... குஷியில் தவெக...!

தமிழக அரசியல் களத்தில் ' ஜோசப் விஜய் ' என்ற ஒற்றைப் பெயர் இப்போது விவாதப் பொருளாக மாறியிருக்கிறது. அதற்கு எண்ணெய் ஊற்றியிருப்பது NDTV-Axis My India வெளியிட்ட எக்ஸிட் போல் (Exit Poll) கணிப்பு. தமிழகத்தின் பாரம்பரிய கட்சிகளான திமுக, அதிமுக-வை ஓரம் தள்ளிவிட்டு, நடிகர் விஜய்யின் தமிழக வெற்றிக் கழகம் (TVK) 98 முதல் 120 இடங்கள் வரை பிடிக்கும் என்று இந்தக் கணிப்பு கூறுகிறது.

ஆனால், இந்தக் கணிப்புகளைத் தாண்டி இந்த Axis My India நிறுவனம் யார்? அவர்களின் நம்பகத்தன்மை என்ன? ஏன் இவர்கள் எப்போதும் சர்ச்சைகளில் சிக்கிக்கொள்கிறார்கள்? என்பது குறித்து பார்க்கலாம். 

1998-ல் பிரதீப் குப்தா என்பவரால் மும்பையில் தொடங்கப்பட்ட நிறுவனம் இது. ஆரம்பத்தில் அரசு மற்றும் கார்ப்பரேட் நிறுவனங்களுக்கு 'பில்' (Bills) அச்சடித்துக் கொடுக்கும் சாதாரண அச்சகமாகத் தான் இருந்தது. 2013-ல் தான் 'கன்ஸ்யூமர் ரிசர்ச்' பக்கம் திரும்பினார்கள். இன்று இந்தியாவின் 700 மாவட்டங்களில் ஆட்கள் இருப்பதாகப் பீற்றிக்கொள்ளும் இவர்கள், ஹார்வர்டு பிசினஸ் ஸ்கூலில் 'கேஸ் ஸ்டடி' (Case Study) ஆகும் அளவுக்கு வளர்ந்தது ஒரு வியப்பான வளர்ச்சிதான்.

இதையும் படிங்க: அரசியல் ஹீட்.. ஆன்மிக டச்..! மாஸ் என்ட்ரி... சீரடியில் சாய்பாபாவை தரிசித்த விஜய்..!!

சர்ச்சைகளின் நாயகன்: பிரதீப் குப்தா: 

இந்த நிறுவனத்தின் சி.எம்.டி பிரதீப் குப்தா, அவ்வப்போது டிவி விவாதங்களில் அழுது பரபரப்பைக் கிளப்புபவர். 2024 மக்களவைத் தேர்தலில் பிஜேபி-க்கு 400 இடங்களுக்கு மேல் வரும் என்று இவர் கணித்தபோது, "அப்படி வரவில்லை என்றால் என் மீசையை எடுத்துக்கொள்கிறேன்" என்று சவால் விடாத குறையாகப் பேசினார். ஆனால், முடிவுகள் மாறியபோது லைவ் டிவியிலேயே அழுதது சென்சேஷனல் ஆனது.

நம்பகத்தன்மையில் சிக்கல்: 

Axis My India-வின் டிராக்க் ரெக்கார்டை பார்த்தால், அது ஒரு 'ரோலர் கோஸ்டர்' பயணம் போலவே இருக்கும்:

வெற்றிகள்: 2019 மக்களவைத் தேர்தல் மற்றும் 2024 மகாராஷ்டிரா, ஜார்கண்ட் தேர்தல்களில் இவர்களது கணிப்பு துல்லியமாக இருந்தது.

தோல்விகள்: 2024 மக்களவைத் தேர்தல் (பெரிய அளவில் தவறியது), ஹரியானா மற்றும் காஷ்மீர் தேர்தல்களில் இவர்களது 'அவுட்லையர்' (Outlier) கணிப்புகள் தவிடு பொடியானது.

தமிழகக் கணிப்பில் உள்ள சிக்கல்:

விஜய்யின் தமிழக வெற்றிக் கழகத்திற்கு 100-க்கும் மேற்பட்ட இடங்கள் என்பது வெறும் கணிப்பா அல்லது தமிழகத்தில் உண்மையாகவே விஜய்க்கு பவர் இருக்கிறதா? என்ற கேள்வியை எழுப்பியுள்ளது. 

மௌன வாக்காளர்கள்: தமிழகத்தில் 60% வாக்காளர்கள் அமைதியாக இருக்கும்போது, வெறும் சில லட்சம் பேரிடம் எடுக்கும் சாம்பிள் சர்வே மாநிலத்தின் மனநிலையைப் பிரதிபலிக்குமா என்பது பெரிய கேள்விக்குறி.

இதையும் படிங்க: "அண்ணா எங்கள பாருங்க"..! ட்ராபிக்கில் விஜய் காரை பார்த்ததும் துள்ளி குதித்த பெண்கள்..!