பாலியல் புகாரில் சிக்கிய பிரிஜ் பூஷன் சிங் விடுதலை..! ரோஸ் அவென்யூ நீதிமன்றம் உத்தரவு..! என்ன காரணம்.?

இந்திய மல்யுத்த சம்மேளனத்தின் முன்னாள் தலைவரும் பாஜகவின் முன்னாள் நாடாளுமன்ற உறுப்பினருமான பிரிஜ் பூஷன் சரண் சிங் மீது பாலியல் துன்புறுத்தல் குற்றச்சாட்டுகள் எழுந்தது இந்திய விளையாட்டு உலகையும் அரசியல் வட்டாரங்களையும் பெரிதும் அதிரவைத்த ஒரு சம்பவமாகும். 2023 ஆம் ஆண்டு தொடக்கத்தில் நாட்டின் முன்னணி மல்யுத்த வீராங்கனைகள் அவர் மீது தொடர்ச்சியான பாலியல் தொல்லைகள் மற்றும் மிரட்டல்களை முன்வைத்து குற்றம் சாட்டினர்.

ஒலிம்பிக் பதக்கம் வென்ற சாக்ஷி மாலிக், வினேஷ் போகத் உள்ளிட்ட முக்கிய வீராங்கனைகள் உள்பட ஆறு பெரிய வயதுடைய வீராங்கனைகளும் ஒரு சிறுமியும் இதில் ஈடுபட்டிருந்தனர். அவர்கள் பயிற்சி முகாம்கள், போட்டிகள் மற்றும் அலுவலகங்களில் அவர் தனது அதிகாரத்தைப் பயன்படுத்தி அவர்களைத் தொந்தரவு செய்ததாகக் குற்றம் சாட்டினர். ஜனவரி 2023 இல் டெல்லியின் ஜந்தர் மந்தரில் தொடங்கிய போராட்டம் நாட்டின் கவனத்தை ஈர்த்தது. சாக்ஷி மாலிக், வினேஷ் போகத், பஜ்ரங் புனியா உள்ளிட்ட முன்னணி வீரர்கள் தலைமையில் நடைபெற்ற இந்த போராட்டத்தில், பிரிஜ் பூசன் சிங் தனது அதிகாரத்தைப் பயன்படுத்தி பெண் வீரர்களைத் துன்புறுத்தினார் என்ற குற்றச்சாட்டுகள் முன்வைக்கப்பட்டன.

பயிற்சி முகாம்கள், போட்டிகள், ஹோட்டல்கள், சம்மேளன அலுவலகம் உள்ளிட்ட பல்வேறு இடங்களில், மூச்சுத்திறனைப் பரிசோதிப்பது போன்ற காரணங்களைக் காட்டி உடல்ரீதியாகத் தொடுதல், தகாத தொடர்புகள், பாலியல் சாயமுள்ள கருத்துக்கள், தொடர்ந்து பின்தொடர்தல் மற்றும் மிரட்டல் போன்ற செயல்கள் நடந்ததாக வீரர்கள் விவரித்தனர். சிலர் தொழில்முறை உதவிக்கு ஈடாக பாலியல் சலுகைகளைக் கோரியதாகவும் குற்றம் சாட்டினர். இந்த சம்பவங்கள் 2012 முதல் 2022 வரையிலான காலகட்டத்தில் இந்தியாவிலும் வெளிநாட்டுப் போட்டிகளிலும் நடந்ததாகக் கூறப்பட்டது. 

இதையும் படிங்க: "சொத்து குவிப்பு வழக்கில் இருந்து விடுதலை!" - வேளாண் பல்கலை முன்னாள் துணைவேந்தருக்குச் சென்னை உயர் நீதிமன்றம் நிவாரணம்!

இந்த நிலையில் மல்யுத்த வீராங்கனை அளித்த பாலியல் புகார் தொடர்பான வழக்கில் பிரிட்ஜ் பூஷன் சிங்கிற்கு விடுதலை வழங்கப்பட்டுள்ளது. பாஜக மூத்த தலைவர் பிரிஜ் பூஷன் சிங்கை விடுவித்து டெல்லி ரோஸ் அவன்யா நீதிமன்றம் ஆணை பிறப்பித்துள்ளது. உண்மையாக ஆதாரங்கள் இல்லை எனக் கூறி பிரிஜ் பூஷன் சிங்கை நீதிமன்றம் விடுவித்துள்ளது. 

இதையும் படிங்க: 2 ஆண்டுகளுக்கு பிறகு மீண்டும் பொதுவெளியில் தோன்றும் ஷேக் ஹசீனா! வங்கதேச அரசியலில் மீண்டும் பரபரப்பு!