இனி BOOK-ஐ பார்த்து EXAM எழுதலாம்!! CBSE திட்டத்தால் ஸ்டூடன்ஸ் ஹாப்பி அண்ணாச்சி!!
தேசிய கல்விக் கொள்கையின் அடிப்படையில் CBSE தேர்வில் இந்த நடைமுறையை சேர்த்துள்ளனர். இதே திட்டம் 2014ல் அறிமுகப்படுத்தப்பட்டு, பிறகு 2017ல் கைவிடப்பட்டது என்பது குறிப்பிடத்தக்கது.
by
மத்திய இடைநிலைக் கல்வி வாரியம், அதாவது சிபிஎஸ்இ, 2026-27 கல்வியாண்டுல இருந்து 9-ம் வகுப்பு மாணவர்களுக்கு ஒரு புது மாற்றத்தை கொண்டு வந்திருக்கு. இனி மாணவர்கள் புத்தகத்தை பார்த்து தேர்வு எழுதலாம்னு ஒப்புதல் கொடுத்திருக்காங்க.
அடுத்த கல்வியாண்டு, அதாவது 2026-ல இருந்து இது நடைமுறைக்கு வரும்னு அறிவிச்சிருக்காங்க. இந்த மாற்றம், தேசிய கல்விக் கொள்கை (NEP) 2020 மற்றும் பள்ளிக் கல்விக்கான தேசிய பாடத்திட்ட கட்டமைப்பு (NCFSE) 2023-ஓட அடிப்படையில வந்திருக்கு. இதோட முக்கிய நோக்கம், மாணவர்கள் மனப்பாடம் பண்ணி தேர்வு எழுதுற பழைய முறையை மாற்றி, திறன் அடிப்படையிலான கற்றலுக்கு முக்கியத்துவம் கொடுக்கறது.
இந்த புது முறையை “ஓப்பன் புக் எக்ஸாமினேஷன்” (OBE)னு சொல்றாங்க. இதுல மாணவர்கள் தேர்வு எழுதும்போது, பாடப் புத்தகம், குறிப்புகள், அல்லது ஆசிரியர் அனுமதிக்கிற மற்ற ஆதாரங்களை பார்த்து பதில் எழுதலாம். இது மாணவர்களோட புரிந்து கொள்ளும் திறன், பகுப்பாய்வு செய்யும் திறன், பிரச்சினைகளை தீர்க்கும் திறனை மேம்படுத்த உதவும்னு சிபிஎஸ்இ சொல்றாங்க. மனப்பாடம் பண்ணி எழுதுறது இதுல வேலைக்கு ஆகாது, ஏன்னா கேள்விகள் எல்லாம் புரிஞ்சு யோசிச்சு பதில் சொல்ல வேண்டிய மாதிரி இருக்குமாம்.
இதையும் படிங்க: வாழும் பெரியாராக செயல்படும் முதல்வர் ஸ்டாலின்.. புகழ்ந்து தள்ளிய உதயநிதி..!!
சுவாரஸ்யமான விஷயம் என்னன்னா, இந்த ஓப்பன் புக் தேர்வு முறை இதுக்கு முன்னாடி 2014-ல சிபிஎஸ்இ-யில அறிமுகப்படுத்தப்பட்டது. அப்போ 9 மற்றும் 11-ம் வகுப்பு மாணவர்களுக்கு சில பாடங்களுக்கு இந்த முறையை ட்ரை பண்ணாங்க. ஆனா, 2017-ல இதை கைவிட்டுட்டாங்க. காரணம், மாணவர்களும் ஆசிரியர்களும் இந்த முறையை பயன்படுத்திக்க பழகாததுதான். இப்போ மறுபடியும் இதை கொண்டு வந்திருக்காங்க, ஆனா இந்த முறை நல்ல பயிற்சியோட, மாணவர்களுக்கு எளிமையா இருக்கும்னு சிபிஎஸ்இ நம்புது.
இந்த மாற்றத்தை கொண்டு வரதுக்கு முன்னாடி, சிபிஎஸ்இ ஒரு பைலட் டெஸ்ட் நடத்தப் போவுது. 2025-26 கல்வியாண்டுல, 9 மற்றும் 10-ம் வகுப்பு மாணவர்களுக்கு ஆங்கிலம், கணிதம், அறிவியல், சமூக அறிவியல் பாடங்களுக்கு இந்த முறையை ட்ரை பண்ணப் போறாங்க. இந்த பைலட் திட்டத்தோட முடிவுகளை வச்சு, 2026-27-ல முழுமையா இதை அமல்படுத்துவாங்க. இதுக்கு ஆசிரியர்களுக்கு பயிற்சி கொடுக்கவும், மாணவர்களுக்கு இந்த முறையை புரிய வைக்கவும் திட்டமிட்டிருக்காங்க.
தேசிய கல்விக் கொள்கை 2020-ல சொன்ன மாதிரி, கல்வி முறையை மாற்றி, மாணவர்களோட ஆராய்ச்சி திறன், புதுமையான சிந்தனை, மற்றும் நிஜ வாழ்க்கை பிரச்சினைகளை எதிர்கொள்ளும் திறனை வளர்க்கணும்னு இந்த மாற்றம் உதவும்னு கல்வியாளர்கள் சொல்றாங்க. மனப்பாடம் பண்ணி தேர்வு எழுதுறது, மாணவர்களுக்கு நிறைய மன அழுத்தத்தை கொடுக்குது. இந்த புது முறையால, அந்த அழுத்தம் குறையும், மாணவர்கள் பாடங்களை புரிஞ்சு படிக்க கத்துக்குவாங்கனு எதிர்பார்க்கப்படுது.
ஆனா, இந்த மாற்றத்துக்கு சில சவால்களும் இருக்கு. எல்லா பள்ளிகளிலும் இதுக்கு தேவையான வசதிகள் இருக்குமா, ஆசிரியர்களுக்கு இந்த முறையை சரியா கையாள தெரியுமானு சிலர் கேள்வி எழுப்புறாங்க. மேலும், கேள்வித்தாள் தயாரிக்கிறதுலயும், தேர்வு மதிப்பீடு செய்யறதுலயும் புது அணுகுமுறை வேணும்னு கல்வியாளர்கள் சொல்றாங்க. இந்த சவால்களை சமாளிக்க, சிபிஎஸ்இ முன்கூட்டியே பயிற்சி திட்டங்களை தயாரிச்சு, பள்ளிகளோட ஒத்துழைப்போட இதை வெற்றிகரமா செயல்படுத்த முயற்சி செய்யுது.
மாணவர்களுக்கு இந்த மாற்றம் ஒரு புது அனுபவமா இருக்கும். இனி புத்தகத்தை புரட்டி, பதில் எழுதுறது மட்டுமில்லாம, அவங்க புரிஞ்சு, யோசிச்சு எழுத கத்துக்குவாங்க. இது மாணவர்களோட எதிர்காலத்துக்கு நல்ல பயனா இருக்கும்னு நம்புவோம்.
இதையும் படிங்க: #BREAKING: அவங்களால எதையுமே பேச முடியாது! கைது செய்யப்பட்ட ராகுல் காந்தி ஆவேசம்...
