போர்கொடி தூக்கும் சி.வி சண்முகம்..! புதிய அணி விஜயை சந்திக்க திட்டம்..! புது ட்விஸ்ட்..!

2026 தமிழக சட்டமன்றத் தேர்தலுக்குப் பிறகு அரசியல் களம் பரபரப்பாக மாறியுள்ளது. தமிழக வெற்றிக் கழக தலைவர் விஜய் தலைமையிலான கட்சி 108 தொகுதிகளில் வெற்றி பெற்று ஒற்றைப் பெரிய கட்சியாக உருவெடுத்த நிலையில், பெரும்பான்மைக்கு (118) இன்னும் 10 இடங்கள் தேவைப்படும் சூழல் உருவாகியுள்ளது. காங்கிரஸ் ஏற்கெனவே ஆதரவு அளித்துள்ள நிலையில், அதிமுகவின் உள்ளார்ந்த பிளவு மற்றும் சி.வி. சண்முகம் தலைமையிலான பிரிவின் நகர்வுகள் பெரும் புதிய ட்விஸ்ட்டை ஏற்படுத்தியுள்ளன. 

 அதிமுகவின் மூத்த தலைவரும், மயிலம் தொகுதியில் வெற்றி பெற்றவருமான சி.வி. சண்முகம் முக்கியப் பங்கு வகிக்கத் தொடங்கியுள்ளார். அதிமுக பொதுச் செயலாளர் எடப்பாடி பழனிசாமி தரப்புடன் முரண்பாடுகள் எழுந்துள்ள நிலையில், சண்முகம் தலைமையில் 30க்கும் மேற்பட்ட அதிமுக எம்எல்ஏக்கள் ஒன்று திரண்டு, தவெகவுக்கு ஆதரவு அளிக்கும் வகையில் நகர்வுகளை மேற்கொண்டு வருவதாக தகவல் வெளியாகியுள்ளது. இது அதிமுகவில் பெரும் பிளவை ஏற்படுத்தும் அபாயத்தை உருவாக்கியுள்ளது. 

சண்முகம், அதிமுகவை முழுமையாக உடைக்க விரும்பவில்லை என்று கூறியுள்ளபோதிலும், எடப்பாடியின் தலைமையை சமாளிக்கும் வகையில் எம்எல்ஏக்களின் ஆதரவைத் திரட்டி தவெகவுக்கு உதவும் திட்டத்தை வகுத்து இருப்பதாக கூறப்படுகிறது. 

இதையும் படிங்க: LAST- ஆ ஒருமுறை..! இபிஎஸ் இல்லத்தில் சி.வி சண்முகம், வேலுமணி..! விஜய்க்கு ஆதரவு கொடுக்க நிர்ப்பந்தம்..!!

சி.வி. சண்முகம் மற்றும் அவருடன் இணைந்த சில எம்எல்ஏக்கள் விஜயை நேரடியாகச் சந்திக்கத் திட்டமிட்டுள்ளதாக பரவலாகப் பேசப்படுகிறது. இந்தச் சந்திப்பில் தவெக ஆட்சிக்கு ஆதரவு, பதவிப் பங்கீடு போன்ற விவகாரங்கள் விவாதிக்கப்படலாம் என எதிர்பார்க்கப்படுகிறது. சண்முகம் தரப்பினர், திமுக ஆட்சியைத் தடுக்கும் நோக்கத்துடன் தவெகவுக்கு உதவத் தயாராக இருப்பதாகக் கூறப்படுகிறது. சிவி சண்முகம் மட்டுமல்லாது எஸ்.பி வேலுமணி, சி விஜயபாஸ்கர் ஆகியோரும் அணிவகுத்திருப்பதாக கூறப்படுவது பரபரப்பை ஏற்படுத்தி உள்ளது.

இதையும் படிங்க: சொத்து விவரங்கள்..! அதிமுக முன்னாள் அமைச்சர்களுக்கு எதிரான வழக்கு தள்ளுபடி..!