ராபர்ட் வதேராவுக்கு தொடரும் சிக்கல்!! பணமோசடி வழக்கில் டில்லி நீதிமன்றம் நோட்டீஸ்!

காங்கிரஸ் எம்.பி. பிரியங்கா காந்தியோட கணவர் ராபர்ட் வதேராவுக்கு பெரிய சிக்கல்! டில்லியில உள்ள ரவுஸ் அவென்யூ நீதிமன்றம், பணமோசடி வழக்கு தொடர்பா அவருக்கு நோட்டீஸ் அனுப்பியிருக்கு. இந்த வழக்கு, ஹரியானாவில உள்ள குருகிராமின் ஷிகோபூர் கிராமத்துல 3.53 ஏக்கர் நிலம் வாங்கினது தொடர்பானது.

அமலாக்கத்துறை (ED) இந்த வழக்குல ஒரு குற்றப்பத்திரிக்கையை ஜூலை 17, 2025-ல தாக்கல் பண்ணியிருக்கு. இதுல ராபர்ட் வதேரா, அவரோட ஸ்கைலைட் ஹாஸ்பிடாலிட்டி நிறுவனம், சத்யானந்த் யாஜி, கேவல் சிங் விர்க் உட்பட 11 பேர் மற்றும் நிறுவனங்கள் குற்றவாளிகளா பெயர் சேர்க்கப்பட்டிருக்கு. 

இந்த வழக்கு 2008-ல நடந்த ஒரு நில பேரம் பத்தினது. வதேராவோட ஸ்கைலைட் ஹாஸ்பிடாலிட்டி நிறுவனம், ஒங்கரேஷ்வர் ப்ராபர்ட்டீஸ் நிறுவனத்திடம் இருந்து 7.5 கோடி ரூபாய்க்கு 3.53 ஏக்கர் நிலத்தை வாங்கியதா சொல்லப்படுது. ஆனா, இந்த பேரத்துல போலி ஆவணங்கள் பயன்படுத்தப்பட்டு, 7.5 கோடி ரூபாய் செக் மூலமா காட்டப்பட்டு, உண்மையில அந்த செக் பணமாக்கப்படலனு ED சொல்றாங்க.

இதையும் படிங்க: பழிவாங்குறதுக்காக 10 வருஷமா துரத்துறாங்க! மச்சானுக்கு சப்போர்ட் செய்யும் ராகுல்காந்தி!!

இது ஸ்டாம்ப் டூட்டி ஏய்ப்பு பண்ணவே இப்படி செஞ்சதா குற்றச்சாட்டு. அப்போ காங்கிரஸ் ஆட்சி செய்த ஹரியானா அரசு, அப்போதைய முதல்வர் பூபிந்தர் சிங் ஹூடாவோட ஆதரவோட, இந்த நிலத்துக்கு வேகமா வணிக உரிமம் வாங்கி, நிலத்தோட மதிப்பை பல மடங்கு உயர்த்தி, பின்னர் DLF நிறுவனத்துக்கு 58 கோடி ரூபாய்க்கு வித்ததா ED குற்றம்சாட்டுது. இந்த பணம் பணமோசடி மூலமா வந்ததுனு ED சொல்றாங்க.

இதனால, ED ஜூலை 16, 2025-ல 37.64 கோடி ரூபாய் மதிப்புல 43 அசையா சொத்துக்களை தற்காலிகமா பறிமுதல் செஞ்சிருக்கு. இந்த சொத்துக்கள் வதேராவோட நிறுவனங்களோட தொடர்பு உள்ளவையாம். இந்த வழக்குல, வதேரா 99% பங்குகள் வச்சிருக்கிற ஸ்கைலைட் ஹாஸ்பிடாலிட்டி மூலமா பணமோசடி நடந்ததா ED சொல்றாங்க. சத்யானந்த் யாஜி, ஒங்கரேஷ்வர் ப்ராபர்ட்டீஸோட இயக்குநர், இந்த பணமோசடிக்கு உதவினார்னு குற்றச்சாட்டு இருக்கு. 

ரவுஸ் அவென்யூ நீதிமன்றத்துல நீதிபதி சுஷாந்த் சாங்கோத்ரா, ED-யோட வாதங்களை கேட்டு, ஆகஸ்ட் 2, 2025-ல வதேரா உட்பட 11 பேருக்கு நோட்டீஸ் அனுப்பி, ஆகஸ்ட் 28-ல ஆஜராகி விளக்கம் கொடுக்க சொல்லியிருக்கு. இந்த விசாரணை, குற்றப்பத்திரிக்கையை அங்கீகரிக்கறதுக்கு முன்னாடி (pre-cognisance stage) நடக்குது. இதுல நீதிமன்றம் ED-யோட குற்றச்சாட்டுகளை ஆராய்ந்து, அடுத்த கட்ட நடவடிக்கைக்கு போகுமா இல்லையானு முடிவு பண்ணும். 

வதேராவுக்கு இது ஒரு பெரிய சிக்கல். இந்த வழக்கு அரசியல் வட்டாரத்துலயும் பெரிய பரபரப்பை கிளப்பியிருக்கு, ஏன்னா அவர் காங்கிரஸ் முன்னாள் தலைவர் சோனியா காந்தியோட மருமகன். இந்த வழக்கு இனி என்ன திசையில போகும்னு ஆகஸ்ட் 28-ல தெரியும். அதுவரை, இந்த சிக்கல் வதேராவை விடாம தொரத்துது!

இதையும் படிங்க: இந்தியாவின் மாபெரும் 2 சக்திகள்.. இளைஞர்களின் திறனே மிகப்பெரிய மூலதனம். மோடி பெருமிதம்..