டெல்லியில் வெடிக்கும் போராட்டம்... மகாத்மா காந்தியின் கொள்ளு பேரன் கைது..!!

மும்பை போலீஸார் மகாத்மா காந்தியின் கொள்ளுப்பேரன் துஷார் காந்தியை கைது செய்துள்ளதாக அவரே எக்ஸ் தளத்தில் தெரிவித்துள்ளார். துஷார் காந்தி, ஹம் பாரத் கே லாக் அமைப்பின் தலைவராக உள்ளார். கரப்பான் ஜனதா கட்சியின் போராட்டத்திற்கு ஆதரவாக மும்பையில் உள்ள ஆகஸ்ட் கிராந்தி மைதானத்தில் மாலை 3.30 மணிக்கு கூட்டம் நடத்தத் திட்டமிட்டிருந்தார்.

அதற்காக மக்களை அழைத்து போஸ்டர் ஒன்றையும் எக்ஸில் பகிர்ந்திருந்தார். டெல்லியில் ஜந்தர் மந்தரில் நடைபெறும் கரப்பான் ஜனதா கட்சியின் போராட்டத்திற்கு ஒற்றுமை தெரிவிக்கும் வகையில் இந்தக் கூட்டம் அமைந்திருந்தது. அந்தப் போராட்டம் தேர்தல் ஆணையத்தின் தலைமை தேர்தல் ஆணையர் ஞானேஷ் குமார் பதவி விலக வேண்டும் என்ற கோரிக்கையை முன்வைத்து நடைபெறுகிறது.

வாக்காளர் பட்டியல் திருத்தத்தில் முறைகேடுகள் நடந்ததாகவும், வாக்காளர் பதிவு தொடர்பான படிவங்களில் மாற்றங்கள் கொண்டு வரப்பட்டதாகவும் குற்றச்சாட்டுகள் எழுப்பப்பட்டுள்ளன.துஷார் காந்தி ஆகஸ்ட் கிராந்தி மைதானத்திற்குச் செல்லும் வழியில் பாந்த்ரா பகுதியில் நேஷனல் காலேஜ் சந்திப்பு அருகே போலீஸார் அவரைப் பிடித்துச் சென்றனர். அவர் எக்ஸில் தொடர்ந்து பதிவு செய்து, தான் கைது செய்யப்பட்டு அறியாத இடத்திற்கு அழைத்துச் செல்லப்படுவதாகக் குறிப்பிட்டார்.

இதையும் படிங்க: டெல்லி போராட்டத்தை முடக்கும் முயற்சி..! கடும் எதிர்ப்பு.. சுப்ரீம் கோர்ட் நாடிய சம்பவம்..!

பின்னர் டி.என். நகர் காவல்நிலையத்திற்குக் கொண்டு வரப்பட்டதாகவும், அங்கு வைக்கப்பட்டிருப்பதாகவும் தெரிவித்தார். தான் கைது செய்யப்பட்டிருந்தாலும் ஆகஸ்ட் கிராந்தி மைதானப் போராட்டம் தொடரும் என்றும், அனைவரும் அங்கு செல்லுங்கள் என்றும் அழைப்பு விடுத்தார்.போலீஸார் இது தடுப்பு நடவடிக்கை என்றும், அதிகாரப்பூர்வ கைது அல்ல என்றும் தெளிவுபடுத்தியுள்ளனர். அவரது அமைப்பின் துணைத் தலைவர் குட்டி எஸ்.எல். அந்தேரியில் பிடிக்கப்பட்டு எம்.ஐ.டி.சி. காவல்நிலையத்திற்கு அழைத்துச் செல்லப்பட்டார். 

இதையும் படிங்க: வெடிக்கும் போராட்டம்.. டெல்லியில் Ex. முதல்வர்கள் பினராயி விஜயன், மாணிக் சர்க்கார் கைது..! பரபரப்பு..!!