மோசடிகளை தடுக்க.. வங்கி ஆன்லைன் பணப்பரிவர்த்தனையில் புது ரூல்ஸ்..!! வரும் 1ம் தேதி முதல் அமல்..!!
மோசடிகளை தடுக்க வங்கி ஆன்லைன் பணப்பரிவர்த்தனையில் வரும் 1ம் தேதி முதல் புதிய விதிமுறைகள் அமலுக்கு வருகின்றன.
- Mon, 30 Mar 2026 13:42:59 IST
by
Shanthi M.
- #
ஆன்லைன் மோசடிகள் அதிகரித்து வரும் நிலையில், வாடிக்கையாளர்களின் பணத்தைப் பாதுகாக்க ரிசர்வ் வங்கி புதிய நடவடிக்கைகளை எடுத்துள்ளது. ஏப்ரல் 1 முதல் (வரும் 1-ம் தேதி) ஆன்லைன் பணப் பரிவர்த்தனைகளில் கடுமையான பாதுகாப்பு விதிமுறைகள் அமலுக்கு வருகின்றன. இந்த மாற்றங்கள் மோசடியாளர்களின் தந்திரங்களைத் தடுக்கும் வகையில் வடிவமைக்கப்பட்டுள்ளன.
வங்கி அதிகாரிகள் தெரிவித்தபடி, ஒவ்வொரு பரிவர்த்தனையும் இனி இரு அடுக்கு சரிபார்ப்புக்கு (Two-Factor Authentication) உட்படுத்தப்படும். OTP மட்டும் போதாது; கூடுதல் பாதுகாப்பு அம்சங்கள் கட்டாயம். பரிவர்த்தனை எங்கிருந்து, எந்த சாதனத்திலிருந்து செய்யப்படுகிறது என்பது தானாக சரிபார்க்கப்படும். இதனால் அந்நிய சாதனங்கள் வழியான அணுகலைத் தடுக்க முடியும்.
முக்கிய மாற்றங்களில் ஒன்று, வங்கி செயலிகளில் ஸ்கிரீன் ஷாட் அல்லது ஸ்கிரீன் ரெக்கார்டிங் செய்ய முடியாது. இந்த அம்சம் முற்றிலும் தடை செய்யப்படுகிறது. மோசடியாளர்கள் இத்தகைய பதிவுகளைப் பயன்படுத்தி OTP, பின்னர் கடவுச்சொற்களை திருடுவதைத் தவிர்க்க இந்த நடவடிக்கை எடுக்கப்பட்டுள்ளது. வாடிக்கையாளர்கள் தங்கள் வசதிக்கேற்ப இரவு நேர பரிவர்த்தனைகளை முடக்கலாம்.
இதையும் படிங்க: அமெரிக்கா, இஸ்ரேல் - ஈரான் போர் நிறுத்தம்?!! பாகிஸ்தானில் 4 நாடுகளின் அமைச்சர்கள் தீவிர ஆலோசனை!
உதாரணமாக, காலை 11 மணி முதல் மாலை 6 மணி வரை மட்டும் பரிவர்த்தனைகளை அனுமதிக்கும் வகையில் அமைக்கலாம். அந்த நேரத்தில் கணக்கில் இருந்து ஒரு ரூபாய் கூட எடுக்க முடியாது. இது தேவையற்ற இரவு நேர மோசடிகளைத் தடுக்க உதவும்.மேலும், மோசடி செயலிகள் அல்லது மால்வேர் தவறுதலாக பதிவிறக்கம் செய்யப்பட்டால், உடனடி எச்சரிக்கை அறிவிப்பு வரும். ரகசிய குறியீடு (OTP) அனுப்பும் முறையும் மாற்றம் பெறுகிறது.
SMS வழியாக OTP அனுப்புவது குறைக்கப்பட்டு, வங்கி செயலிக்குள் பாதுகாப்பான முறையில் OTP பெறும் வசதி ஊக்குவிக்கப்படுகிறது.உயர் மதிப்புள்ள பரிவர்த்தனைகளுக்கு (ரூ.50,000 அல்லது அதற்கு மேல்) கூடுதல் சரிபார்ப்பு கேள்விகள் கேட்கப்படலாம். தாயின் பெயர், படித்த பள்ளி போன்ற பாதுகாப்பு கேள்விகளுக்கு சரியான பதில் அளித்தால் மட்டுமே பரிவர்த்தனை அனுமதிக்கப்படும். இது உண்மையான வாடிக்கையாளரை உறுதிப்படுத்த உதவும்.
தட்டச்சு வேகம், திரை கையாளும் முறை போன்றவற்றை பயோமெட்ரிக் அடிப்படையில் செயலி பகுப்பாய்வு செய்யும். பெரிய தொகை பரிவர்த்தனைகளுக்கு (ரூ.5 லட்சம் முதல்) ஆதார் இணைப்பு, கைரேகை அல்லது முக அடையாள சரிபார்ப்பு கட்டாயமாகலாம்.இந்த புதிய விதிமுறைகள் ஆன்லைன் பணப் பரிவர்த்தனையை மிகவும் பாதுகாப்பானதாக மாற்றும். வாடிக்கையாளர்கள் வங்கி செயலிகளை புதுப்பித்து, பாதுகாப்பு அம்சங்களை இயக்கி, சந்தேகத்திற்குரிய செயலிகளை தவிர்க்க வேண்டும். மோசடி சந்தேகம் ஏற்பட்டால் உடனடியாக வங்கியைத் தொடர்பு கொள்ளுமாறு அதிகாரிகள் அறிவுறுத்துகின்றனர்.
இதையும் படிங்க: #BREAKING: என் நெஞ்சில் குடியிருக்கும் பெரம்பூர் தொகுதி மக்களே..!! மாஸாக பிரச்சாரத்தை தொடங்கிய விஜய்..!!
