இன்னும் புதிய வாக்காளர் அடையாள அட்டையை டவுன்லோடு செய்யலையா..?? இத நோட் பண்ணிக்கோங்க..!!

தமிழக சட்டமன்றத் தேர்தல் நெருங்கி வரும் நிலையில், வாக்குப்பதிவு தயாரிப்புகள் தீவிரமடைந்துள்ளன. வரும் ஏப்ரல் 23-ஆம் தேதி (வியாழக்கிழமை) தமிழ்நாடு முழுவதும் ஒரே கட்டமாக வாக்குப்பதிவு நடைபெற உள்ளது. இன்னும் ஒரு வாரமே உள்ள நிலையில், தேர்தல் ஆணையம் முழு வீச்சில் முன்னேற்பாடுகளை மேற்கொண்டு வருகிறது.

வாக்காளர்களிடையே விழிப்புணர்வை ஏற்படுத்தும் வகையில் பல்வேறு அறிவுறுத்தல்களையும் வழங்கி வருகிறது. வாக்காளர் அடையாள அட்டை (EPIC) பழையதாகவோ, சேதமடைந்தோ, மங்கலாகவோ இருந்தால், அதை புதுப்பித்து பயன்படுத்துமாறு மத்திய தேர்தல் ஆணையம் வாக்காளர்களுக்கு அறிவுறுத்தியுள்ளது. இந்த டிஜிட்டல் வாக்காளர் அட்டையை (e-EPIC) ஆன்லைனில் எளிதாகப் பதிவிறக்கம் செய்யலாம்.

இதற்கு வாக்காளர்கள் https://voters.eci.gov.in/login என்ற அதிகாரப்பூர்வ இணையதளத்திற்குச் செல்ல வேண்டும். அங்கு தங்கள் VOTER ID எண்ணை (EPIC எண்) உள்ளிட வேண்டும். பின்னர், பதிவு செய்யப்பட்ட மொபைல் எண்ணுக்கு வரும் OTP-ஐ உள்ளிட்டு உறுதிப்படுத்தினால், புதிய டிஜிட்டல் வாக்காளர் அட்டை உடனடியாகக் கிடைக்கும். இந்த டிஜிட்டல் அட்டையை மொபைலில் சேமித்து வைத்து, அச்சிட்டு அல்லது டிஜிட்டல் வடிவில் பயன்படுத்தலாம். இது வாக்காளர்களுக்கு பெரும் வசதியை ஏற்படுத்தும்.

இதையும் படிங்க: VOTER ID இல்லையா..?? ஆனா நீங்களும் ஓட்டு போடலாம்..!! இது இருந்தா போதுமாம்..!!

வாக்காளர் அட்டை இல்லாத வாக்காளர்களும் கவலைப்படத் தேவையில்லை. தேர்தல் ஆணையம் அறிவித்தபடி, ஆதார் அட்டை, பான் கார்டு, பாஸ்போர்ட், டிரைவிங் உரிமம் உள்ளிட்ட 12 வகையான புகைப்படம் கொண்ட ஆவணங்களில் ஏதேனும் ஒன்றைக் காட்டி வாக்களிக்கலாம். இந்த ஆவணங்கள் அனைத்தும் வாக்குச்சாவடியில் அடையாளச் சரிபார்ப்புக்கு ஏற்றவை என அங்கீகரிக்கப்பட்டுள்ளன.

மேலும், வாக்குச்சாவடிக்குச் செல்லும் முன், தங்கள் பெயர் வாக்காளர் பட்டியலில் உள்ளதா என voters.eci.gov.in அல்லது Voter Helpline App மூலம் சரிபார்த்துக் கொள்ளுமாறு தேர்தல் ஆணையம் வலியுறுத்தியுள்ளது. வாக்குப்பதிவு நாளன்று அடையாள ஆவணத்துடன் வந்தால் போதும்; வாக்குச்சீட்டு அல்லது புகைப்பட வாக்காளர் சீட்டு (Photo Voter Slip) அடையாளத்துக்கு பயன்படுத்த முடியாது என்பதை நினைவில் கொள்ள வேண்டும். தேர்தல் ஆணையம், வாக்காளர்களிடையே அதிக விழிப்புணர்வை ஏற்படுத்தும் வகையில் பல்வேறு பிரச்சார நடவடிக்கைகளையும் மேற்கொண்டு வருகிறது.

வயதானவர்கள், மாற்றுத்திறனாளிகள் உள்ளிட்டோருக்கு சிறப்பு வசதிகள் ஏற்பாடு செய்யப்பட்டுள்ளன. தேர்தல் நாளில் அமைதியான, நேர்மையான வாக்குப்பதிவை உறுதி செய்ய அனைத்து ஏற்பாடுகளும் தீவிரமாக நடைபெற்று வருகின்றன. எனவே, அனைத்து வாக்காளர்களும் தங்கள் வாக்குரிமையைப் பயன்படுத்தி, ஏப்ரல் 23-ஆம் தேதி தங்கள் வாக்குச்சாவடிக்குச் சென்று வாக்களிக்குமாறு தேர்தல் ஆணையம் கேட்டுக்கொண்டுள்ளது. உங்கள் வாக்கு, ஜனநாயகத்தை வலுப்படுத்தும்.

இதையும் படிங்க: VOTER ID இல்லையா..?? ஆனா நீங்களும் ஓட்டு போடலாம்..!! இது இருந்தா போதுமாம்..!!