தட்கல் டிக்கெட் புக் செய்ய சூப்பர் நியூஸ்! ஜூலை 15 முதல் புதிய IRCTC இணையதளம்! சர்வர் பிரச்சினைக்கு முடிவு!
வரும் ஜூலை 15ம் தேதி ஐஆர்சிடிசி இணையதளத்தில் தட்கல் டிக்கெட் முன்பதிவின் போது ஏற்படும் சர்வர் கோளாறு மற்றும் கேப்ட்சா தாமதம் போன்ற பிரச்னைகளுக்குத் தீர்வு காண, மேம்படுத்தப்பட்ட அதிவேக வசதிகளுடன் கூடிய புதிய இணையதளம் அறிமுகப்படுத்தப்பட உள்ளது.
by
ரயில் பயணிகளுக்கு மிக முக்கியமான அறிவிப்பாக, ஐஆர்சிடிசி (IRCTC) வரும் ஜூலை 15-ஆம் தேதி முதல் மேம்படுத்தப்பட்ட புதிய இணையதளத்தை அறிமுகப்படுத்த உள்ளது. குறிப்பாக தட்கல் டிக்கெட் முன்பதிவின் போது பயணிகள் எதிர்கொள்ளும் சர்வர் முடக்கம், கேப்ட்சா தாமதம், ஓ.டி.பி. கிடைப்பதில் ஏற்படும் சிக்கல்கள் உள்ளிட்ட பிரச்சினைகளுக்கு தீர்வு காணும் வகையில் இந்த புதிய இணையதளம் உருவாக்கப்பட்டுள்ளது.
இந்திய ரயில்வே உணவு மற்றும் சுற்றுலா கழகமான ஐஆர்சிடிசி இணையதளம் மூலம் தினமும் லட்சக்கணக்கானோர் ரயில் டிக்கெட்டுகளை முன்பதிவு செய்து வருகின்றனர். ஆனால் தட்கல் டிக்கெட் முன்பதிவு தொடங்கும் நேரங்களில் அதிகளவிலான பயனர்கள் ஒரே நேரத்தில் இணையதளத்தை பயன்படுத்துவதால், சர்வர் செயலிழப்பு, பக்கம் திறக்க தாமதம், கேப்ட்சா சரிபார்ப்பில் சிக்கல் மற்றும் ஓ.டி.பி. தாமதம் போன்ற பிரச்சினைகள் தொடர்ந்து எழுந்து வந்தன. இதனால் பலர் டிக்கெட் பெற முடியாமல் ஏமாற்றம் அடைந்தனர்.
இந்த சிக்கல்களுக்கு நிரந்தர தீர்வு காணும் நோக்கில், அதிவேக செயல்திறன் கொண்ட புதிய பீட்டா பதிப்பு இணையதளத்தை ஐஆர்சிடிசி அறிமுகப்படுத்துகிறது. புதிய தளத்தில் தேவையற்ற கேப்ட்சா சரிபார்ப்புகள் குறைக்கப்பட்டுள்ளன. முன்பதிவின் போது இடையூறாக இருந்த தேவையற்ற பாப்-அப் சாளரங்கள் நீக்கப்பட்டுள்ளன. மேலும், இணையதளத்தின் வடிவமைப்பும் எளிமைப்படுத்தப்பட்டு, வேகமாக செயல்படும் வகையில் மேம்படுத்தப்பட்டுள்ளது.
இதையும் படிங்க: மனைவி, குழந்தைகள் உள்பட 6 பேர் கொலை! சிறுமி பாலியல் வன்கொடுமை! போக்சோ வழக்கில் ஜாமீனில் வந்தவர் வெறிச்செயல்!
பயனர்களுக்கு எளிதான முன்பதிவு அனுபவத்தை வழங்கும் வகையில் புதிய கிராபிக்ஸ் வடிவமைப்பு, விரைவான பக்க ஏற்றம் மற்றும் மேம்படுத்தப்பட்ட தொழில்நுட்ப வசதிகளும் இதில் இணைக்கப்பட்டுள்ளன. இதன் மூலம் தட்கல் டிக்கெட் முன்பதிவு நேரங்களில் ஏற்படும் தொழில்நுட்ப சிக்கல்கள் கணிசமாக குறையும் என்று அதிகாரிகள் நம்பிக்கை தெரிவித்துள்ளனர்.
ரயில்வே அதிகாரிகள் கூறுகையில், பயணிகளுக்கு தடையற்ற மற்றும் விரைவான டிக்கெட் முன்பதிவு சேவையை வழங்குவதற்கான முயற்சிகள் தொடர்ந்து மேற்கொள்ளப்பட்டு வருகின்றன. புதிய இணையதளத்தின் செயல்திறன் தொடர்ந்து கண்காணிக்கப்பட்டு, தேவையான கூடுதல் மேம்பாடுகளும் எதிர்காலத்தில் மேற்கொள்ளப்படும் என்றும் தெரிவித்துள்ளனர்.
ஜூலை 15 முதல் பயன்பாட்டுக்கு வரும் இந்த புதிய ஐஆர்சிடிசி இணையதளம், குறிப்பாக தட்கல் டிக்கெட் முன்பதிவில் பயணிகளின் அனுபவத்தை மேலும் எளிதாக்கும் என்ற எதிர்பார்ப்பு நிலவுகிறது.
இதையும் படிங்க: மக்களே உஷார்! ஆந்திராவை அச்சுறுத்தும் கொரோனா! மத்திய அரசு அலர்ட்! முன்னெச்சரிக்கை நடவடிக்கைகள் தீவிரம்!
