கேரள அமைச்சர் வீணா ஜார்ஜ் மீது தாக்குதல்! முதல்வர் பினராயி கண்டனம்! 5 பேர் மீது கொலை முயற்சி வழக்குபதிவு!
கண்ணூர் மாவட்ட மருத்துவமனையில் அமைச்சர் வீணா ஜார்ஜ் 4 மணிநேரம் சிகிச்சை பெற்றார். இதன்பின்னர் இரவு 8 மணியளவில் மருத்துவமனையில் இருந்து மருத்துவ அறிக்கை வெளியானது.
by
கேரள சுகாதாரத்துறை அமைச்சர் வீணா ஜார்ஜ் கண்ணூர் ரயில் நிலையத்தில் காங்கிரஸ் மாணவர் அமைப்பான KSU-வினரால் நடத்தப்பட்ட கருப்புக்கொடி போராட்டத்தில் தாக்கப்பட்டு காயமடைந்தார். இச்சம்பவம் கேரள அரசியலில் பெரும் பரபரப்பை ஏற்படுத்தியுள்ளது. அமைச்சர் 4 மணி நேரம் சிகிச்சை பெற்ற பின்னர் மருத்துவமனையில் இருந்து வெளியானார்.
நேற்று கண்ணூரில் நடைபெற்ற பன்னாட்டு ஆயுர்வேத மருத்துவ ஆய்வு மாநாட்டை தொடங்கி வைத்த அமைச்சர் வீணா ஜார்ஜ், பின்னர் திருவனந்தபுரம் திரும்புவதற்காக கண்ணூர் ரயில் நிலையத்துக்கு வந்தார்.
வந்தே பாரத் ரயிலில் ஏறுவதற்கு சென்றபோது, KSU கண்ணூர் மாவட்ட தலைவர் தலைமையில் 10-க்கும் மேற்பட்ட மாணவர் அமைப்பினர் மற்றும் இளைஞரணி உறுப்பினர்கள் கருப்புக்கொடி காட்டி போராட்டம் நடத்தினர். அவர்கள் அமைச்சரை சுற்றி வளைத்து முன்னேற முயன்றனர். இதனால் போலீசாருக்கும் போராட்டக்காரர்களுக்கும் இடையே தள்ளுமுள்ளு ஏற்பட்டது.
இதையும் படிங்க: பூதாகரமானது சபரிமலை தங்கம் விவகாரம்! கேரள சட்டசபையில் கடும் அமளி!! காங்கிரஸ் எம்எல்ஏக்கள் போராட்டம்!
இதில் அமைச்சர் வீணா ஜார்ஜ் கழுத்து மற்றும் கையில் படுகாயம் அடைந்தார். உடனடியாக அவரை கண்ணூர் அரசு மருத்துவமனையில் சேர்க்கப்பட்டார். அங்கு 4 மணி நேரம் சிகிச்சை பெற்ற பின்னர், எம்.ஆர்.ஐ. ஸ்கேன் செய்ய வேண்டும் என மருத்துவ குழு பரிந்துரைத்தது.
பின்னர் அவரை கண்ணூர் அரசு மருத்துவக் கல்லூரி மருத்துவமனைக்கு மாற்றினர். காயம் எப்படி ஏற்பட்டது என்பது குறித்த விவரங்கள் முழுமையாக வெளியிடப்படவில்லை என்றாலும், தள்ளுமுள்ளில் ஏற்பட்டதாக தெரிவிக்கப்பட்டது.
முதலமைச்சர் பினராயி விஜயன் இச்சம்பவத்தை கடுமையாக கண்டித்தார். "அமைச்சரை தாக்கிய KSU உறுப்பினர்களின் செயல் அத்துமீறல், கண்டனத்துக்குரியது. இது கூண்டா முறை" என்று கூறினார். கட்சி மாநில செயலாளர் எம்.வி. கோவிந்தன், "மாநிலம் தழுவிய போராட்டம் நடத்துவோம்" என்று அறிவித்தார்.
அமைச்சரின் புகாரின் அடிப்படையில், போராட்டத்தை தலைமையேற்ற KSU கண்ணூர் மாவட்ட தலைவர் அதுல், பொருளாளர் அக்சய் மிட்டல், முபாஸ், பிதுல் பாலன், முகமது யாசின் ஆகிய 5 பேர் மீது கொலை முயற்சி (attempt to murder) வழக்கு பதிவு செய்யப்பட்டுள்ளது. ரயில் நிலையத்தில் பொதுமக்களுக்கு இடையூறு ஏற்படுத்தியதாக ரயில்வே போலீசாரும் விசாரணை நடத்த உள்ளனர்.
இந்த சம்பவத்தால் கேரளாவில் CPM மற்றும் காங்கிரஸ் இடையே கடும் மோதல் ஏற்பட்டுள்ளது. KSU தரப்பில் "நாங்கள் அமைச்சரை நெருங்கவில்லை, தள்ளுமுள்ளு போலீசாரால் ஏற்பட்டது" என்று மறுப்பு தெரிவித்துள்ளனர். காங்கிரஸ் தலைவர் வி.டி. சதீசன், "பார்வை ஆதாரம் இல்லை, அமைச்சர் நாடகமாடுகிறார்" என்று குற்றம்சாட்டினார். இதனால் கண்ணூரில் காங்கிரஸ் அலுவலகங்கள் தாக்கப்பட்ட சம்பவங்களும் நடந்துள்ளன.
அரசு மருத்துவமனைகளில் நடைபெறும் வேண்டுமென்றே அலட்சியம், மருத்துவ தவறுகள் குறித்து KSU தொடர்ந்து போராட்டம் நடத்தி வருகிறது. இந்த சம்பவம் அரசியல் போராட்டத்தை வன்முறையாக மாற்றியுள்ளது என்ற விமர்சனங்கள் எழுந்துள்ளன. கேரள அரசியல் களம் சூடுபிடித்துள்ளது.
இதையும் படிங்க: திமுகவா? அதிமுகவா?... கூட்டணிக்கு தேதி குறித்த ராமதாஸ்... வெளியானது பரபரப்பு தகவல்...!
