என் உயிரே போயிருக்கும்! மம்தா பானர்ஜி கார் மீது மர்ம நபர்கள் கல்வீசி தாக்குதல்!

கொல்கத்தா அருகே உயிரிழந்த திரிணாமுல் காங்கிரஸ் கட்சி நிர்வாகியின் குடும்பத்தினரை நேரில் சந்தித்து ஆறுதல் கூறிவிட்டுத் திரும்பிய மேற்கு வங்க முன்னாள் முதலமைச்சர் மம்தா பானர்ஜியின் கார் மீது மர்ம நபர்கள் திடீரெனக் கல்வீசித் தாக்குதல் நடத்திய சம்பவம் இந்திய அரசியலில் மாபெரும் கொந்தளிப்பையும் பரபரப்பையும் ஏற்படுத்தியுள்ளது.

பாரக்பூர் பகுதியில் அண்மையில் உயிரிழந்த திரிணாமுல் காங்கிரஸ் தொண்டரின் வீட்டிற்குச் சென்று அவரது குடும்பத்தினருக்கு ஆறுதல் தெரிவித்துவிட்டு, மம்தா பானர்ஜி தனது காரில் புறப்பட்டபோது இந்தத் தாக்குதல் சம்பவம் அரங்கேறியுள்ளது. வழிமறித்த மர்ம கும்பல் ஒன்று, மம்தா பானர்ஜியின் காரை இலக்கு வைத்து சரமாரியாகக் கற்களை வீசி எறிந்தது. இதில் காரின் பின்பக்கக் கண்ணாடி சுக்குநூறாக உடைந்து சிதறியது. பாதுகாப்புப் படையினர் உடனடியாகச் சூழ்ந்து மம்தா பானர்ஜியைப் பாதுகாப்பாக மீட்டதால் அவர் நல்வாய்ப்பாகப் பேராயுதம் இன்றி உயிர் தப்பினார்.

இந்தக் கொடூரத் தாக்குதல் குறித்துப் பேட்டியளித்த மம்தா பானர்ஜி, காரின் கண்ணாடி மட்டுமே உடைந்ததால் நான் உயிர் பிழைத்தேன்; சற்றே தவறியிருந்தாலும் கற்கள் என் மண்டையைப் பிளந்து உயிரே போயிருக்கும் என மிகவும் உணர்ச்சிவசப்பட்டுப் பேட்டியளித்தார். இச்சம்பவத்தைத் தொடர்ந்து கொல்கத்தா மற்றும் பாரக்பூர் பகுதிகளில் பாதுகாப்புப் படையினர் குவிக்கப்பட்டுத் தீவிர விசாரணை நடத்தப்பட்டு வருகிறது. அரசியல் எதிரிகளின் தூண்டுதலால் தான் இந்தத் தாக்குதல் நடத்தப்பட்டதா அல்லது உள்கட்சிப் பூசலா என்ற கோணத்தில் காவல் துறையினர் வழக்கைப் பதிவு செய்து குற்றவாளிகளை வலைவீசித் தேடி வருகின்றனர்.

இதையும் படிங்க: உட்கட்சி பூசலுக்கு பாஜகதான் காரணம்! – மம்தா பானர்ஜி குற்றச்சாட்டு!

இதையும் படிங்க: தொகுதி மறுவரையறைக்கு எதிர்ப்பு! பிரதமர் மோடியின் படம் பொறித்த பலூன்களை உடைத்து காங்கிரஸ் போராட்டம்!