இஸ்லாமாபாத்தில் நடந்த குண்டுவெடிப்பு!! இந்தியா மீது பழி சுமத்தும் பாக்.,! பகீர் கிளப்பும் ஷெரீப்!!

இந்தியாவின் தலைநகர் டில்லியில் நடந்த கார் குண்டுவெடிப்பின் அதிர்ச்சி இன்னும் அடங்குவதற்குள், பாகிஸ்தான் தலைநகர் இஸ்லாமாபாத்தில் கோர்ட்டு வாசலில் நடந்த சக்திவாய்ந்த குண்டுவெடிப்பு இரு நாடுகளுக்கும் இடையிலான பதற்றத்தை மேலும் அதிகரித்துள்ளது. 

இந்தியா இந்த தாக்குதல்களை திட்டமிட்டு நடத்தியுள்ளது என்று பாகிஸ்தான் பிரதமர் ஷெபாஷ் ஷெரீப் கடுமையாகக் குற்றம்சாட்டியுள்ளார். ஆனால், இஸ்லாமாபாத்து தாக்குதலுக்கு பாகிஸ்தான் தாலிபான் (டீ.டி.பி.) பொறுப்பேற்றுள்ளது. இந்த சர்ச்சைக்குரிய குற்றச்சாட்டு, இரு நாடுகளின் உறவுகளை மேலும் சிக்கலாக்கியுள்ளது.

டில்லியின் செங்கோட்டை மெட்ரோ ஸ்டேஷன் முதல் கேட்டில் நவம்பர் 9 அன்று மாலை 6:52 மணிக்கு பயங்கரவாதி நடத்திய கார் குண்டுவெடிப்பில் அப்பாவி மக்கள் 9 பேர் கொல்லப்பட்டனர். பலர் காயமடைந்து மருத்துவமனைகளில் சிகிச்சை பெற்று வருகின்றனர். தேசிய விசாரணை அமைப்பு (என்.ஐ.ஏ.) தலைமையில் இந்த சம்பவம் குறித்து தீவிர விசாரணை நடக்கிறது. 
இந்த சம்பவம் நடந்து 18 மணி நேரத்திற்குப் பிறகே, நவம்பர் 10 அன்று பகல் 12:30 மணிக்கு பாகிஸ்தான் தலைநகர் இஸ்லாமாபாத்தின் ஜில்லா கோர்ட் வாசலில் கார் குண்டுவெடிப்பு நடந்தது. இதில் 12 பேர் உயிரிழந்தனர். 27 பேர் காயமடைந்துள்ளனர். இந்த தாக்குதலும் டில்லி போன்றே கார் குண்டுவெடிப்பு என்பது குறிப்பிடத்தக்கது.

இதையும் படிங்க: டிச.16 முதல் காலவரையற்ற போராட்டம்.. கோரிக்கை நிறைவேற்றுங்க! டாஸ்மாக் ஊழியர்கள் சங்கம் அறிவிப்பு..!

பாகிஸ்தான் உள்துறை அமைச்சர் மோஷின் நக்வி இது குறித்து கூறுகையில், "இந்த கொடிய தாக்குதல் குறித்து பல கோணங்களில் விசாரணை நடக்கிறது. குற்றவாளிகளை விரைவில் அடையாளம் காண்பது முன்னுரிமை" என்றார். இதுவரை எந்த அமைப்பும் இந்த தாக்குதலுக்கு பொறுப்பேற்கவில்லை என்றாலும், பின்னர் பாகிஸ்தான் தாலிபான் (டீ.டி.பி.) இதற்கு பொறுப்பேற்றது. நக்வி மேலும், "ஆப்கானிஸ்தானில் இருந்து நடக்கும் பயங்கரவாத செயல்களுக்கு முடிவு கட்ட அந்த நாடு தேவையான நடவடிக்கைகளை எடுக்க வேண்டும். தவறினால், நாங்கள் நடவடிக்கைகளில் இறங்க வேண்டியிருக்கும்" என்று எச்சரித்தார்.

அதேபோல், பாகிஸ்தான் பாதுகாப்பு அமைச்சர் ஆசிப் கவாஜா ஆப்கானிஸ்தானுக்கு கடுமையான மிரட்டல் விடுத்தார். "ஆப்கானிஸ்தான் ஆட்சியாளர்களால் பாகிஸ்தானில் நடக்கும் பயங்கரவாதத்தை நிறுத்த முடியும். அவர்களுக்கு உரிய பதிலை அளிக்க பாகிஸ்தானிடம் முழு பலம் உள்ளது. பாகிஸ்தான் இப்போது போர் நிலையில் உள்ளது" என்று அவர் தெரிவித்தார். இந்த அறிக்கைகள், ஆப்கானிஸ்தானுடனான பாகிஸ்தானின் உறவுகளையும் பதற்றமடையச் செய்துள்ளன.

இந்த சூழலில், பாகிஸ்தான் பிரதமர் ஷெபாஷ் ஷெரீப் இந்தியாவை நேரடியாகக் குற்றம் சாட்டியது பெரும் அதிர்ச்சியை ஏற்படுத்தியுள்ளது. இஸ்லாமாபாத்தில் நடந்த சர்வவீரர் மாநாட்டில் பேசிய அவர், "பாகிஸ்தானின் ஸ்திரத்தன்மையை சீர்குலைக்கும் வகையில் இந்தியா தொடர்ந்து பயங்கரவாத தாக்குதல்களை நடத்தி வருகிறது. அதன் ஒரு பகுதியாகவே இந்த இஸ்லாமாபாத்து தாக்குதலும் நடத்தப்பட்டுள்ளது. தன் பினாமியான ஆப்கானிஸ்தானை மூலமாகவும் இந்தியா இப்படியான தாக்குதல்களை நடத்தி வருகிறது" என்று குற்றம் சாட்டினார். இந்தியாவின் "அரசு ஆதரவு பயங்கரவாதம்" என்று அவர் விவரித்த இந்தக் குற்றச்சாட்டுக்கு எந்த ஆதாரமும் காட்டவில்லை.

இந்திய வெளியுறவு அமைச்சகம் இந்தக் குற்றச்சாட்டுகளை "அடிப்படை ஆதாரமற்றவை" என்று தள்ளுபடி செய்துள்ளது. அமைச்சக பேச்சாளர் ரந்தீர் ஜெய்ஸ்வால், "சர்வதேச சமூகம் பாகிஸ்தானின் உள்நாட்டு பிரச்சினைகளை மறைக்கும் இந்த திசைதிருப்பல் உத்திகளால் ஏமாறாது" என்று கூறினார். 

இந்தியா, பாகிஸ்தானின் உள்நாட்டு பாதுகாப்பு தோல்விகளை மறைக்க இந்தியாவை குற்றம் சாட்டுவதை வழக்கமாகக் கொண்டுள்ளது என்று அவர் சேர்த்தார். டீ.டி.பி. பொறுப்பேற்றாலும், ஷெரீப் இந்தியாவை குற்றம் சாட்டியது, இரு நாடுகளுக்கு இடையிலான பதற்றத்தை மேலும் அதிகரிக்கலாம் என அரசியல் ஆய்வாளர்கள் எச்சரிக்கின்றனர்.

இந்த இரட்டைத் தாக்குதல்கள், தெற்காசியாவின் பாதுகாப்பு சூழலை மேலும் சிக்கலாக்கியுள்ளன. பாகிஸ்தானில் 2025-ல் இதுவரை 600-க்கும் மேற்பட்ட பயங்கரவாத தாக்குதல்கள் நடந்துள்ளன. பெரும்பாலானவை ஆப்கானிஸ்தான் எல்லை அருகிலுள்ள கைபர் பக்துங்க்வா மாகாணத்தில் நடந்துள்ளன. இந்த சம்பவங்கள், பாகிஸ்தானின் உள்நாட்டு அரசியல் மாற்றங்களையும், ஆப்கானிஸ்தானுடனான உறவுகளையும் பாதிக்கலாம். சர்வதேச சமூகம் இந்தப் பதற்றத்தைத் தணிக்க முயல்கிறது என்றாலும், இரு நாடுகளின் குற்றச்சாட்டுகள் தொடர்கின்றன.

இதையும் படிங்க: இந்தியா மீதான வரி குறைகிறதா..?? அமெரிக்க அதிபர் டிரம்ப் சொன்ன குட் நியூஸ்..!!