பிஷ்கெக்கில் பிரதமர் மோடி - புடின் சந்திப்பு: வர்த்தகம், இருதரப்பு உறவுகள் குறித்து முக்கிய ஆலோசனை!  

கிர்கிஸ்தான் நாட்டின் தலைநகர் பிஷ்கெக்கில் நடைபெற்று வரும் 26-வது ஷாங்காய் ஒத்துழைப்பு அமைப்பு (SCO) உச்சிமாநாட்டில் பங்கேற்கச் சென்றுள்ள இந்தியப் பிரதமர் நரேந்திர மோடி, ரஷ்ய அதிபர் விளாடிமிர் புடினை நேரில் சந்தித்து இருதரப்பு உறவுகள் மற்றும் வர்த்தக ஒத்துழைப்பு குறித்துத் தீவிர ஆலோசனைகளை மேற்கொண்டார்.

மத்திய ஆசிய நாடுகளுடனான கூட்டாண்மை மற்றும் பிராந்திய பாதுகாப்பு விவகாரங்களை முன்னிறுத்தி கிர்கிஸ்தான் சென்றுள்ள பிரதமர் நரேந்திர மோடி, உச்சிமாநாட்டின் ஒரு பகுதியாக ரஷ்ய அதிபர் விளாடிமிர் புடினைச் சந்தித்துப் பேச்சுவார்த்தை நடத்தினார். இருநாட்டுத் தலைவர்களும் பரஸ்பரம் நலம் விசாரித்துத் தங்களது நட்புறவை வெளிப்படுத்திய பின்னர் நடைபெற்ற இந்த உயர்மட்டக் கூட்டத்தில், இந்தியா - ரஷ்யா இடையேயான நீண்டகால நட்புறவு, பொருளாதாரம், வர்த்தகம், எரிசக்தித் துறை உள்ளிட்ட பல்வேறு துறைகளில் நிலவும் இருதரப்பு உறவுகளின் தற்போதைய நிலவரம் குறித்து விரிவாக ஆய்வு செய்யப்பட்டது.  

மேலும், சர்வதேச மற்றும் பிராந்திய விவகாரங்கள், வர்த்தகத் தொடர்புகளை மேலும் வலுப்படுத்துவது மற்றும் உலகளாவிய அமைதிக்கான வழிமுறைகள் குறித்தும் தலைவர்கள் இருவரும் கருத்துகளைப் பரிமாறிக் கொண்டனர். சர்வதேச அரசியல் சூழல்களுக்கு மத்தியில் ஷாங்காய் உச்சிமாநாட்டு அரங்கில் நடைபெற்ற இந்த மோடி - புடின் சந்திப்பு உலக நாடுகளின் கவனத்தை ஈர்த்துள்ளது.

இதையும் படிங்க: பாட்டிலுக்கு ரூ.30 வசூல்: டாஸ்மாக் விவகாரத்தில் அமைச்சர் விளக்கத்திற்கு செந்தில் பாலாஜி பதிலடி!

இதையும் படிங்க: பணி நிரந்தரம் கோரி 12-வது நாளாக தூய்மை பணியாளர்கள் போராட்டம்! முதல்வருக்கு உருக்கமான வேண்டுகோள்!