அருண் ஜெட்லி என்னை மிரட்டுனாரு!! ராகுல்காந்தி குற்றச்சாட்டுக்கு ரோகன் ஜெட்லி பதில்!
'நீங்கள் யாரிடம் பேசுகிறீர்கள் என்று உங்களுக்குத் தெரியவில்லை' என்றேன். கருத்து வேறுபாடு கொண்டவர்களை அச்சுறுத்துவது தனது தந்தையின் குணம் அல்ல.
by
டெல்லியில இன்னிக்கு (ஆகஸ்ட் 2, 2025) காங்கிரஸ் கட்சி நடத்தின ‘அரசியலமைப்பு சவால்கள் - பார்வைகள் மற்றும் பாதைகள்’னு ஒரு வருடாந்திர சட்ட மாநாட்டுல காங்கிரஸ் எம்.பி. ராகுல் காந்தி கலந்துக்கிட்டு பேசினார். அப்போ, அவர் ஒரு பரபரப்பான குற்றச்சாட்டை வைச்சார். “2020-ல வேளாண் சட்டங்களுக்கு எதிரா நான் போராடினப்போ, மறைந்த முன்னாள் நிதியமைச்சர் அருண் ஜெட்லி என்னை மிரட்ட வந்தாரு.
‘நீ இப்படியே அரசுக்கு எதிரா வேளாண் சட்டங்களுக்கு எதிர்ப்பு தெரிவிச்சா, உன்மேல நடவடிக்கை எடுக்க வேண்டியிருக்கும்’னு சொன்னாரு. நான் அவரை பார்த்து, ‘நீங்க யார்கூட பேசுறீங்கனு உங்களுக்கு தெரியலை’னு சொன்னேன்”னு ராகுல் காந்தி கூறினார். இந்த பேச்சு அரங்கத்துல பெரிய பரபரப்பை கிளப்பிச்சு, கூட்டம் “தேஷ் கா ராஜா கைசா ஹோ, ராகுல் காந்தி ஜைசா ஹோ”னு கோஷமும் போட்டுச்சு. ஆனா, ராகுல் உடனே, “நான் ராஜா இல்ல, ராஜாவா இருக்கவும் விரும்பலை”னு பதிலடி கொடுத்தார்.
ஆனா, இந்த குற்றச்சாட்டுக்கு மறைந்த அருண் ஜெட்லியோட மகன் ரோஹன் ஜெட்லி, X-ல ஒரு காட்டமான பதிலை போட்டு, ராகுலை கிழி கிழினு கிழிச்சிருக்கார். “ராகுல் காந்தி இப்போ என் தந்தை அருண் ஜெட்லி, வேளாண் சட்டங்கள் பத்தி மிரட்டினார்னு சொல்றார். ஆனா, ஒரு விஷயத்தை நினைவு படுத்துறேன், என் அப்பா 2019-லயே காலமாயிட்டாரு. வேளாண் சட்டங்கள் 2020-ல தான் வந்தது. இது ஒரு உண்மைக்கு புறம்பான குற்றச்சாட்டு மட்டுமல்ல, மரியாதை இல்லாத செயல். அதைவிட முக்கியமா, எதிர்கருத்து வச்சவங்களை மிரட்டுறது என் அப்பாவோட குணமே இல்ல.
இதையும் படிங்க: நாங்களா ஓட்டு திருடுறோம்? ராகுல் காந்தி பேச்சுக்கு தேர்தல் ஆணையம் பதிலடி.!
அவர் எப்பவுமே ஒரு உண்மையான ஜனநாயகவாதி, ஒருமித்த கருத்தை உருவாக்குறவர். அரசியல்ல இப்படி சூழ்நிலைகள் வந்தாலும், அவர் எப்பவும் திறந்த விவாதத்தை வரவேற்பார், ஒரு பொது முடிவுக்கு வருவார். அவரோட பாரம்பரியம் அதுதான்”னு ரோஹன் கோபமா பதில் சொல்லியிருக்கார். “இறந்தவங்களை பத்தி பேசும்போது கொஞ்சம் கவனமா இருக்கணும்னு ராகுலுக்கு சொல்லிக்கிறேன். இதே மாதிரி மனோகர் பாரிக்கர் பத்தியும் இவர் பேசினது மரியாதைக் குறைவு”னு குறிப்பிட்டிருக்கார்.
ஒருவேளை, ராகுல் 2015-ல வந்த நில கையகப்படுத்தல் மசோதாவை மனசுல வச்சு பேசியிருக்கலாம்னு சிலர் சொல்றாங்க. அந்த மசோதாவையும் காங்கிரஸ் கடுமையா எதிர்த்தது, ஆனா அதை குறிப்பிடாம ராகுல் பேசியது குழப்பத்தை உருவாக்கியிருக்கு.
பாஜக தலைவர்கள், ராகுலோட இந்த பேச்சை “இறந்தவர்களை இழிவு படுத்துறது”னு கடுமையா விமர்சிச்சிருக்காங்க. இந்த சர்ச்சை, இந்திய அரசியல்ல இப்போ ஒரு புது விவாதத்தை தூண்டியிருக்கு.
இதையும் படிங்க: பாஜவுக்கு ஆதரவாக வாக்கு திருட்டு? 100% ஆதாரம் இருக்கு!! யாரும் தப்ப முடியாது!!
