சபரிமலை தங்கம் திருட்டு!! பிடியை இறுக்கும் ED! நடிகர் ஜெயராம் நேரில் ஆஜராக மீண்டும் சம்மன்!
சபரிமலை துவாரபாலகர் சிலைக்கு முலாம் பூச வழங்கப்பட்ட தங்கத்தில் முறைகேடு நடந்ததாகக் கூறப்படும் வழக்கில், நடிகர் ஜெயராமுக்கு அமலாக்கத் துறை (ED) மீண்டும் சம்மன் அனுப்பியுள்ளது.
by
சபரிமலை துவாரபாலகர் சிலை தங்க முலாம் பூசும் பணியில் முறைகேடு நடந்ததாகக் கூறப்படும் பரபரப்பு வழக்கில், நடிகர் ஜெயராம்க்கு அமலாக்கத் துறை (ED) மீண்டும் சம்மன் அனுப்பியுள்ளது. இந்த வழக்கு இப்போது மிக முக்கிய கட்டத்தை எட்டியுள்ளது.
சபரிமலை ஐயப்பன் கோயிலின் துவாரபாலகர் (காவல் தெய்வங்கள்) சிலைகளுக்கு தங்க முலாம் பூசும் பணியில், தங்கம் திருடப்பட்டதாகவும், அதை பணமாக மாற்றியதாகவும் குற்றச்சாட்டு எழுந்தது. திருவிதாங்கூர் தேவசம்போர்டு (TDB) சார்பில் 2019-2024 காலகட்டத்தில் இந்த பணி நடைபெற்றது. தங்கத்துடன் கூடிய செப்புத் தகடுகளை "வெறும் செப்புத் தகடுகள்" என தவறாக பதிவு செய்து, தனியார் நிறுவனத்துக்கு அனுப்பி தங்கத்தை பிரித்தெடுத்து முறைகேடு செய்ததாக கூறப்படுகிறது.
இதற்காக கேரளா போலீசின் சிறப்பு புலனாய்வுக் குழு (SIT) விசாரணை நடத்தி வருகிறது. பலர் கைது செய்யப்பட்டுள்ளனர். முக்கிய குற்றவாளியாக கருதப்படும் உன்னிகிருஷ்ணன் போத்தி உள்ளிட்டோர் சம்பந்தப்பட்டுள்ளனர். ED இந்த வழக்கை பண மூலதனமாக்கல் (மணி லாண்டரிங்) கோணத்தில் விசாரிக்கிறது.
இதையும் படிங்க: சபரிமலை தங்கம் திருட்டில் புதிய திருப்பம்!! முன்னாள் தேவஸ்தான உறுப்பினர் அதிரடி கைது! பரபரப்பு!
நடிகர் ஜெயராம் இந்த வழக்கில் முக்கிய சாட்சியாகவும், சில நிதி தொடர்புகளால் சந்தேகத்துக்கு உள்ளானவராகவும் உள்ளார். ஏற்கனவே சென்னையில் அவரது வீட்டில் ED அதிகாரிகள் சோதனை நடத்தி விசாரணை செய்தனர். SIT-யும் அவரிடம் விளக்கம் பெற்றது. ஜெயராம் தனக்கும் முறைகேடு நிறுவனத்துக்கும் தொடர்பில்லை என மறுத்துள்ளார். ஆனால், முக்கிய குற்றவாளியுடன் அவருக்கு தொடர்பு இருந்ததாகவும், சில நிதி பரிவர்த்தனைகள் நடந்ததாகவும் ED சந்தேகிக்கிறது.
தற்போது கொச்சியில் உள்ள ED அலுவலகத்தில் நேரில் ஆஜராகி விளக்கம் அளிக்குமாறு மீண்டும் சம்மன் அனுப்பப்பட்டுள்ளது. அடுத்த வாரத்தில் அவர் ஆஜராகலாம் என எதிர்பார்க்கப்படுகிறது. விசாரணை தீவிரமடைந்துள்ள நிலையில், எதிர்வரும் நாட்களில் புதிய தகவல்கள், கைதுகள் அல்லது சொத்து முடக்கங்கள் ஏற்படலாம் என தகவல்கள் தெரிவிக்கின்றன.
இந்த வழக்கு சபரிமலை கோயில் நிர்வாகத்தில் பெரும் அதிர்ச்சியை ஏற்படுத்தியுள்ளது. பக்தர்கள் மத்தியில் பெரும் கோபத்தை ஏற்படுத்தியுள்ளது. ED-யின் விசாரணை மேலும் பலரை தொடர்புபடுத்தலாம் என அரசியல் வட்டாரங்கள் கூறுகின்றன.
இதையும் படிங்க: ஐயப்பன் தங்கத்தை வீட்ல வச்சு பூஜை பண்ணா செல்வம் கொட்டும்! விசாரணையில் உளறிக் கொட்டிய ஜெயராம்!
