தவெகவை பார்த்தாலே திமுகவுக்கு அல்லு விடுது! விஜய் கடும் தாக்கு..!

திருச்சியில் விஜய் மேற்கொள்ளும் பரப்புரைக்கான மனுவை தமிழக வெற்றிக்கழக பொதுச் செயலாளர் ஆனந்த் கோவிலில் வைத்து வழிபட்டார். அப்போது ஏராளமான தொண்டர்கள் கூடியதால் ஆனந்த் மீதும் பிற நிர்வாகிகள் மீதும் வழக்குபதிவு செய்யப்பட்டது.அனுமதியின்றி கூட்டம் கூடுதல், போலீசாரை பணி செய்ய விடாமல் தடுத்தல் உள்ளிட்ட நான்கு பிரிவுகளில் வழக்குப் பதிவு செய்யப்பட்டுள்ளது.

இந்த நிலையில், தமிழக வெற்றிக் கழகத்தின் மீது மக்களிடையே பெருகி வரும் அன்பையும் ஆதரவையும் பொறுத்துக்கொள்ள முடியாத வெற்று விளம்பர மாடல் திமுக அரசு, அதன் செயல்பாடுகளை முடக்கும் நோக்கத்தில் பொதுச் செயலாளர் என்.ஆனந்த் மீதும், கழகத் தோழர்கள் மீதும் வழக்குப் பதிவு செய்திருப்பதாக விஜய் தெரிவித்துள்ளார்.

மக்களிடையே செல்வாக்கை இழந்த தற்போதைய ஆளும் கட்சி, யாருக்குப் பயப்படுகிறதோ இல்லையோ., தமிழக வெற்றிக் கழகத்தைக் கண்டு பயத்தின் உச்சத்தில் இருக்கிறது என்பது மட்டும் மீண்டும் மீண்டும் நிரூபணம் ஆகி வருகிறது என்று கூறினார். தேர்தல் பிரசாரப் பயணம் என்பது, அனைத்துக் கட்சிகளும் மேற்கொள்ளும் ஜனநாயகப்பூர்வமான பிரதான நடவடிக்கைதான் என்றும் மற்ற கட்சிகளின் இது போன்ற நடவடிக்கைகளைச் சர்வ சாதாரணமாக எடுத்துக்கொள்ளும் இந்த வெற்று விளம்பர மாடல் அரசு, நமது தமிழக வெற்றிக் கழகத்தின் மக்கள் நலனுக்கான செயல்பாடுகளைக் கண்டாலே அஞ்சி நடுங்குவதாக விமர்சித்துள்ளார்.

இதையும் படிங்க: எல்லாத்துக்கும் NO சொல்றீங்க! பிரச்சனை என்னவாம்? நீதிமன்றத்தை நாட தவெக முடிவு…

தோல்வி பயத்தால் ஆட்சியாளர்கள் தங்களின் தூக்கத்தை இழந்து முழு நேரமும் நம்மை வீழ்த்துவதைப் பற்றியே சிந்தித்து, காவல் துறைக்கு நெருக்கடி கொடுத்து நம் செயல்பாட்டை முடக்க நினைக்கிறார்கள் என்றும் அதன் ஒரு பகுதிதான், திருச்சியில் நமது கழகப் பொதுச் செயலாளர் என்.ஆனந்த் மற்றும் கழகத் தோழர்கள் மீது பதியப்பட்டுள்ள வழக்கு என்றும் கூறினார். திமுக அரசின் இத்தகைய பழிவாங்கும் நடவடிக்கைகளை வன்மையாகக் கண்டிப்பதோடு, ஆனந்த் மீதும் கழகத் தோழர்கள் மீதும் பதியப்பட்ட வழக்கைத் திரும்பப் பெற வேண்டும் என வலியுறுத்தி

னார்.

இதையும் படிங்க: விஜயின் திருச்சி கூட்டத்திற்கு NO சொன்ன போலீஸ்… அப்படி என்ன காரணம் தெரியுமா?