ஈரானை சுக்குநூறாக்க அமெரிக்க பயன்படுத்திய ஆயுதங்கள்!! தவிடு பொடியான வான்பாதுகாப்பு!! வெளியான லேட்டஸ்ட் அப்டேட்!

மத்திய கிழக்கில் போர் பதற்றம் உச்சத்தில் உள்ள நிலையில், அமெரிக்கா ஈரான் மீது நடத்திய பெரும் தாக்குதலில் பயன்படுத்திய அதிநவீன ஆயுதங்கள் குறித்த விவரங்களை சென்ட்காம் (அமெரிக்க மத்திய ராணுவ கட்டளை) தற்போது வெளியிட்டுள்ளது. 

'ஆபரேஷன் எபிக் ஃப்யூரி' என்று பெயரிடப்பட்ட இந்த நடவடிக்கை பிப்ரவரி 28 அன்று தொடங்கியது. இதில் ஈரானின் உச்ச தலைவர் அயதுல்லா அலி கமேனி உட்பட 48 முக்கிய தலைவர்கள் கொல்லப்பட்டனர். ஈரானின் ராணுவ தளங்கள், ஏவுகணை தளங்கள், கடற்படை கப்பல்கள், கட்டளை மையங்கள் உள்ளிட்ட 1,000-க்கும் மேற்பட்ட இலக்குகள் அழிக்கப்பட்டதாக அமெரிக்கா தெரிவித்துள்ளது.

அணு ஆயுத திட்டத்தை கைவிடாத ஈரானுக்கு பாடம் புகட்டும் நோக்கில் நடத்தப்பட்ட இந்த தாக்குதலில், அமெரிக்கா தனது அதிநவீன ராணுவ தொழில்நுட்பத்தை முழுமையாக பயன்படுத்தியது. பி-2 ஸ்டெல்த் குண்டுவீச்சு விமானங்கள் மிக முக்கிய பங்காற்றின. 

இதையும் படிங்க: திருச்சி காப்பகத்தில் குழந்தைகளுக்கு சித்திரவதை...!! தவெக கடும் கண்டனம்..!!

இவை ரேடாருக்கு புலப்படாமல் பறந்து, 2,000 பவுண்ட் குண்டுகளால் ஈரானின் ஆழமான, பாதுகாக்கப்பட்ட ஏவுகணை தளங்களை தகர்த்தன. இதேபோல் எப்-35, எப்-22 போன்ற ஸ்டெல்த் போர் விமானங்கள், எப்-18, எப்-16 ரக போர் விமானங்கள், எப்-22 ராப்டர், ஏ-10 தரைவழி தாக்குதல் விமானங்கள் ஆகியவை பயன்படுத்தப்பட்டன.

டிரோன்களும் முக்கிய பங்கு வகித்தன. லூகாஸ் (LUCAS) டிரோன்கள் மற்றும் எம்க்யூ-9 ரீப்பர் ஆயுதம் ஏந்திய டிரோன்கள் முதல் முறையாக போரில் பயன்படுத்தப்பட்டன. இவை துல்லியமான தாக்குதல்களை நடத்தின. 

பேட்ரியாட் ஏவுகணை தடுப்பு அமைப்புகள், தாட் (THAAD) அதீத உயர ஏவுகணை எதிர்ப்பு அமைப்புகள் ஈரானின் பதிலடி ஏவுகணைகளை தடுத்தன. எஐ-18ஜி எலக்ட்ரானிக் தாக்குதல் விமானங்கள் ரேடார்களை முடக்கின. ஆர்சி-135 உளவு விமானங்கள், பி-8 கடல்சார் ரோந்து விமானங்கள், வான்வழி எச்சரிக்கை விமானங்கள் தகவல் சேகரிப்பிலும் கட்டுப்பாட்டிலும் உதவின.

கடற்படையில் அணுசக்தி விமானம் தாங்கி கப்பல்கள், ஏவுகணை அழிப்பு கப்பல்கள், டிரோன்களை இடைமறிக்கும் அமைப்புகள் பயன்படுத்தப்பட்டன. எம்-142 அதி நவீன பீரங்கி ஏவுகணை அமைப்புகள் (HIMARS), டாமஹாக் க்ரூஸ் ஏவுகணைகள் கடலில் இருந்து தாக்குதலை நடத்தின. சி-17, சி-130 சரக்கு விமானங்கள், வான்வழி எரிபொருள் நிரப்பும் விமானங்கள் ஆகியவை நீண்ட தூர நடவடிக்கைகளை சாத்தியமாக்கின.

அமெரிக்க அதிபர் டிரம்ப் இந்த வெற்றியை "யாரும் நம்ப முடியாதது" என்று கூறி, ஈரான் ராணுவம், புரட்சிகர காவல்படை சரணடைய வேண்டும் என்று எச்சரித்தார். இந்த ஆயுதங்களின் தொழில்நுட்ப வலிமை ஈரானின் பதிலடியை பெரிதும் கட்டுப்படுத்தியுள்ளது. 

மத்திய கிழக்கில் உள்ள இந்தியர்களின் பாதுகாப்பு குறித்து கவலை எழுந்துள்ள நிலையில், இந்த தாக்குதல் பிராந்திய அமைதியை மேலும் சீர்குலைக்கும் அபாயத்தை உருவாக்கியுள்ளது. விரைவில் அமைதி திரும்ப வேண்டும் என்ற எதிர்பார்ப்பு நிலவுகிறது.
 

இதையும் படிங்க: இந்தியாவில் போராட்டம் வெடிக்கும்...! பாதுகாப்பை பலப்படுத்துங்க..!! உள்துறை அமைச்சகம் எச்சரிக்கை..!!