களேபரமான புதுவை..! நாராயணசாமி ஆதரவாளர்கள் போராட்டம்... வைத்திலிங்கத்தின் அலுவலகத்தை சூறையாடி ஆவேசம்..!!

புதுச்சேரி காங்கிரஸ் கட்சியின் உள்ளக முரண்பாடுகள் மீண்டும் வெளிப்பட்டுள்ளன. முன்னாள் முதலமைச்சர் வி. நாராயணசாமிக்கு வரவிருக்கும் சட்டமன்றத் தேர்தலில் போட்டியிட சீட் மறுக்கப்பட்ட சம்பவம், கட்சியின் மாநிலத் தலைவர் வைத்திலிங்கம் மீது கடும் அதிருப்தியை ஏற்படுத்தியுள்ளது. இதனால், நாராயணசாமியின் ஆதரவாளர்கள் கடும் எதிர்ப்பை வெளிப்படுத்தி வருகின்றனர்.

குறிப்பாக, வைத்திலிங்கத்தின் தலைமைத்துவத்தை கேள்விக்குள்ளாக்கி, அவரை பதவி விலகக் கோரி குரல்கள் எழுந்துள்ளன.இந்தப் பிரச்சினைக்கு முக்கிய காரணம், கட்சியின் சீட் பங்கீடு முடிவுகளில் நாராயணசாமி மீது காட்டப்பட்ட அணுகுமுறைதான். நாராயணசாமி, புதுச்சேரி காங்கிரஸ் அரசியலில் மிக முக்கியமான தலைவர்களில் ஒருவராக இருந்து வருபவர். அவர் முன்னாள் முதலமைச்சராக பதவி வகித்தவர் என்பதோடு, கட்சியின் பல முக்கிய முடிவுகளிலும் செல்வாக்கு செலுத்தியவர்.

ஆனால், தற்போதைய சூழலில் அவருக்கு தொகுதி ஒதுக்கப்படாதது, கட்சியின் உயர்மட்டத்தில் அவரை புறக்கணிக்கும் முயற்சியாக பார்க்கப்படுகிறது. வைத்திலிங்கம் மீதான பதவி விலக கோரிக்கை வலுத்து வருகிறது. நேற்றைய தினம் புதுச்சேரி காங்கிரஸ் தலைவர் வைத்திலிங்கம் வீட்டை நாராயணசாமி ஆதரவாளர்கள் முற்றுகையிட்டனர். மேலும் அவரது காரை முற்றுகையிட்டு போராட்டத்தில் ஈடுபட்டனர்.

இதையும் படிங்க: தோல்வி பயத்தில் வன்முறையை கையில் எடுக்கும் திமுக..! அழிவு நிச்சயம்... நயினார் கொந்தளிப்பு..!!

இந்த நிலையில், புதுச்சேரியில் முன்னாள் முதலமைச்சரும் காங்கிரஸ் மூத்த தலைவருமான நாராயணசாமி ஆதரவாளர்கள் இரண்டாவது நாளாக போராட்டத்தில் ஈடுபட்டுள்ளனர். புதுச்சேரி சட்டமன்ற தேர்தலில் போட்டியிட நாராயணசாமிக்கு வாய்ப்பு வழங்காததை கண்டித்து அவரது ஆதரவாளர்கள் போராடி வருகின்றனர். புதுச்சேரி காங்கிரஸ் தலைவர் வைத்திலிங்கத்தின் அலுவலகத்தின் பொருட்களை உடைத்து நாராயணசாமி ஆதரவாளர்கள் போராட்டத்தில் ஈடுபட்டதால் பரபரப்பான சூழ்நிலை ஏற்பட்டுள்ளது. 

இதையும் படிங்க: #BREAKING: விசிகவிற்கு 8 தொகுதிகள்... முதல்வர் முன்னிலையில் தொகுதி பங்கீடு ஒப்பந்தம் கையெழுத்து..!!