பதவி பறிப்பு மசோதா!! ஊழலை ஒழிக்க இதுவே வழி!! பீகாரில் கர்ஜித்த பிரதமர் மோடி!!

பிரதமர் நரேந்திர மோடி, பீகாரில் நடந்த ஒரு நிகழ்ச்சியில், “இனி யாரும் சிறையில இருந்து ஆட்சி செய்ய முடியாது. ஊழலை ஒழிக்க இதுதான் வழி!”ன்னு பதவி பறிப்பு மசோதாவை பத்தி கர்ஜிச்சு பேசியிருக்காரு. இந்த மசோதா, ஊழல் பண்ணுற பிரதமர், முதல்வர், அமைச்சர்கள் எல்லாரையும் பதவியிலிருந்து தூக்குறதுக்கு வழி பண்ணுதுன்னு அவர் தெளிவா சொல்லியிருக்காரு.

பீகாரில், முதல்வர் நிதிஷ் குமார் தலைமையில ஐக்கிய ஜனதா தளமும் பாஜக-வும் கூட்டணி ஆட்சி பண்ணுது. இந்தாண்டு இறுதியில சட்டசபை தேர்தல் வருது. இந்த சமயத்துல, மோடி பீகாருக்கு சென்று, 13,000 கோடி ரூபாய் மதிப்புல மின்சாரம், சாலை, சுகாதாரம், நகர்ப்புற மேம்பாடு, நீர் வழங்கல் மாதிரியான பல திட்டங்களை தொடங்கி வைச்சாரு. கயாவில் நடந்த நிகழ்ச்சிக்கு மோடி திறந்தவெளி வாகனத்துல ஊர்வலமா வந்தப்போ, மக்கள் வழி நெடுகிலும் உற்சாகமா வரவேற்பு கொடுத்தாங்க. முதல்வர் நிதிஷ் குமார், துணை முதல்வர் சாம்ராட் சவுத்ரி ஆகியோரும் அவரோடு இருந்தாங்க.

நிகழ்ச்சியில் பேசின மோடி, “பீகார் ஒரு புனித பூமி. இங்கிருந்து எடுக்குற ஒவ்வொரு முடிவும் நாட்டோட பலமா மாறுது. பஹல்காம் பயங்கரவாத தாக்குதல் நடந்தப்போ, இந்த மண்ணுல இருந்து ‘பயங்கரவாதிகளை தூள் தூளாக்குவேன்’னு சபதம் செஞ்சேன். அது நிறைவேறிச்சு!”னு சொல்லி மக்களை உற்சாகப்படுத்தினாரு. 

இதையும் படிங்க: அமெரிக்காவுக்கு செக்!! சீனாவுடன் கைகோர்க்கும் மோடி, புடின்!! ஷாங்காய் மாநாட்டில் தரமான சம்பவம்!!

அப்புறம், பதவி பறிப்பு மசோதாவை பத்தி பேசினாரு. “ஒரு சாதாரண அரசு ஊழியர் 50 மணி நேரம் சிறையில இருந்தா, அவர் வேலையை இழப்பாரு. ஆனா, முதல்வரோ, அமைச்சரோ, இல்ல பிரதமரோ சிறையில இருந்து ஆட்சி செய்ய முடியுது. சமீபத்துல ஒரு முதல்வர் சிறையில இருந்து கோப்புகளில் கையெழுத்து போட்டு, உத்தரவு போட்டு இருக்காரு. இப்படி தலைவர்களுக்கு சலுகை இருந்தா, ஊழலை எப்படி ஒழிக்க முடியும்?”னு கேள்வி எழுப்பினாரு.

“அதான் இந்த பதவி பறிப்பு மசோதாவை கொண்டு வந்தோம். இதுல பிரதமரும் விதிவிலக்கு இல்லை. கடுமையான குற்றச்சாட்டுல 30 நாள் சிறையில இருந்தா, பிரதமர், முதல்வர், அமைச்சர்கள் எல்லாரையும் பதவியிலிருந்து நீக்க முடியும். இனி யாரும் சிறையில இருந்து ஆட்சி செய்ய முடியாது, உத்தரவு போட முடியாது!”னு மோடி திட்டவட்டமா சொன்னாரு. இந்த மசோதாவை பார்லிமென்ட் நிறைவேற்றியிருக்கு, ஆனா ஊழல் பண்ணுற அரசியல்வாதிகள் இதுக்கு எதிர்ப்பு தெரிவிக்குறாங்கன்னு அவரு குறிப்பிட்டாரு.

பீகாருக்கு அப்புறம், மோடி மேற்கு வங்கம் சென்று, 5,200 கோடி ரூபாய் மதிப்புல சாலை உள்கட்டமைப்பு திட்டங்களுக்கு அடிக்கல் நாட்டினாரு. பச்சை, மஞ்சள், ஆரஞ்சு வழித்தடங்களில் மெட்ரோ ரயில் சேவையையும் தொடங்கி வைச்சாரு. ஜெசோர் சாலை மெட்ரோ நிலையத்துல இருந்து ஜெய்ஹிந்த் பிமன்பந்தர் நிலையம் வரை மெட்ரோவுல பயணமும் செஞ்சாரு.

இதையும் படிங்க: பிரான்ஸ் அதிபருடன் போனில் பேசிய பிரதமர் மோடி!! மேற்காசிய போர்கள் குறித்து ஆலோசனை!!