#TNElectionResults2026: தவெகவுடன் கூட்டணி சேரும் காங்கிரஸ், பாமக? அரசியல் களத்தில் அதிரடி மாற்றங்கள்!

தமிழகச் சட்டமன்றத் தேர்தலின் வாக்கு எண்ணிக்கை விறுவிறுப்பாக நடைபெற்று வரும் நிலையில், நடிகர் விஜய்யின் தமிழக வெற்றிக் கழகம் (தவெக) யாரும் எதிர்பார்க்காத வகையில் மாபெரும் முன்னிலை பெற்று வருகிறது. காலை 11:30 மணி நிலவரப்படி தவெக 109 தொகுதிகளில் முன்னிலை வகிப்பது தமிழக அரசியலில் பெரும் அதிர்வலைகளை ஏற்படுத்தியுள்ளது.

எந்தவொரு கட்சிக்கும் தனிப்பெரும்பான்மை கிடைக்காத 'தொங்கு சட்டசபை' அமையும் பட்சத்தில், தவெகவின் ஆதரவு ஆட்சி அமைப்பதில் மிக முக்கியப் பங்கு வகிக்கும். தற்போதைய தேர்தல் நிலவரப்படி, காங்கிரஸ், பாமக மற்றும் தேமுதிக போன்ற கட்சிகள் தவெகவுடன் கூட்டணி சேர வாய்ப்புள்ளதாக அரசியல் பார்வையாளர்கள் கருதுகின்றனர்.

109 இடங்களில் முன்னிலை பெற்றுள்ளதால், மற்ற கட்சிகளின் ஆதரவுடன் விஜய் நேரடியாக ஆட்சி அமைக்கவும் அல்லது ஆட்சியின் தலைவிதியைத் தீர்மானிக்கும் 'கிங் மேக்கராக' மாறவும் அதிக வாய்ப்புள்ளது. குதிரை பேரத்தைத் தவிர்க்க, வெற்றி பெறும் வேட்பாளர்களை மாமல்லபுரத்தில் உள்ள ஒரு தனியார் ரிசார்ட்டில் தங்க வைக்க விஜய் ஏற்கனவே திட்டமிட்டுள்ளார்.

இதையும் படிங்க: #TNElectionResults2026: மேலூரில் காங்கிரஸ் ‘கை’ ஓங்கியது: அதிமுக வேட்பாளரை வீழ்த்தி விஸ்வநாதன் அபார வெற்றி!

வாக்கு எண்ணிக்கையின் தற்போதைய நிலவரம் திராவிடக் கட்சிகளுக்குப் பெரும் சவாலாக அமைந்துள்ளது:

தவெக: 109 தொகுதிகள்

அதிமுக: 73 தொகுதிகள்

திமுக: 52 தொகுதிகள்

விஜய்யின் இந்த அரசியல் அதிரடி, தமிழகத்தின் கடந்த கால அரசியல் மரபுகளை உடைத்து ஒரு புதிய அத்தியாயத்தைத் தொடங்குமா என்பது இன்னும் சில மணிநேரங்களில் தெரிந்துவிடும். குறிப்பாக, திமுக தனி மெஜாரிட்டியுடன் வெல்ல வாய்ப்பில்லை என்ற கணிப்புகள் தவெகவின் அரசியல் முக்கியத்துவத்தை அதிகரித்துள்ளது.

இதையும் படிங்க: #TNElectionResults2026: உச்சக்கட்ட பரபரப்பில் தமிழகம்..!! தேர்தல் முடிவுகள் உடனுக்குடன்... காலை 10.30 மணி நிலவரம்..!!