வீசப்போகுது பொருளாதார புயல்! யாராலும் மக்களை காப்பாற்ற முடியாது! பகீர் கிளப்பும் ராகுல்காந்தி!

உத்தரபிரதேசம்: வரும் காலத்தில் இந்தியா பெரும் பொருளாதார நெருக்கடியை எதிர்கொள்ளப் போவதாகவும், பிரதமர் நரேந்திர மோடியாலோ அல்லது மத்திய அரசாலோ மக்களை இந்தப் புயலில் இருந்து காப்பாற்ற முடியாது என்றும் காங்கிரஸ் எம்பி ராகுல் காந்தி தெரிவித்துள்ளார்.

உத்தரபிரதேசத்தில் நடைபெற்ற ஒரு பொதுக்கூட்டத்தில் பேசிய ராகுல் காந்தி, “பிரதமர் மோடி இந்திய பொருளாதாரத்தை அம்பானி, அதானி மற்றும் அமெரிக்க நிறுவனங்களிடம் விற்றுவிட்டார். இப்போது ஒரு பெரிய பொருளாதாரப் புயல் வீசப் போகிறது. அதிலிருந்து மக்களைக் காப்பாற்ற மோடியாலோ, இந்த அரசாலோ முடியாது. பின்னர் ‘இது எங்கள் தவறு அல்ல’ என்று அழுதுகொண்டு சொல்வார்கள்” என்றார்.

மேலும், “மோடி, அமித் ஷா மற்றும் ஆர்எஸ்எஸ் அரசியலமைப்புச் சட்டத்தை அழித்துவிட்டனர். தேர்தலுக்கு முன்பு பெட்ரோல், காஸ் தட்டுப்பாடு இருக்காது, விலை உயராது என்று சொன்னார்கள். ஆனால் இப்போது பெட்ரோல் விலை உயர்ந்து வருகிறது. அம்பானி ரஷ்யாவில் இருந்து பெட்ரோலை வாங்கி வெளிநாடுகளுக்கு விற்கிறார். அந்தப் பணத்தில் இருந்து மோடிக்கு நிதி அளிக்கப்படுகிறது” என்று குற்றம் சாட்டினார்.

இதையும் படிங்க: இந்திய பொருளாதாரத்தில் புயல் வீசப்போகிறது! சாமானிய மக்கள் பாவம்! ராகுல்காந்தி கொடுக்கும் வார்னிங்!

ராகுல் காந்தி மேலும் கூறியதாவது, “மக்களுக்கு வெளிநாடு செல்ல வேண்டாம், தங்கம் வாங்க வேண்டாம், மின்சார வாகனங்கள் வாங்குங்கள் என்று மோடி அறிவுறுத்துகிறார். ஆனால் வரும் காலத்தில் உரம் கிடைக்காது, பணவீக்கம் அதிகரிக்கும். பெட்ரோல், டீசல், காஸ், பருப்பு, அரிசி விலை கிடுகிடுவென உயரும். மோடியே பல கோடி ரூபாய் விமானங்களில் வெளிநாடு செல்கிறார்” என்றார்.

ராகுல் காந்தியின் இந்தக் கடுமையான தாக்குதல் உத்தரபிரதேசத்தில் பெரும் பரபரப்பை ஏற்படுத்தியுள்ளது. பொருளாதார நிலைமை மோசமடையும் என அவர் விடுத்துள்ள எச்சரிக்கை அரசியல் வட்டாரத்தில் பெரும் விவாதத்தை கிளப்பியுள்ளது. 

மத்திய அரசு தரப்பில் இதுவரை இந்தக் குற்றச்சாட்டுகளுக்கு எந்த பதிலும் அளிக்கப்படவில்லை. வரும் நாட்களில் பெட்ரோல், டீசல் விலை உயர்வு உள்ளிட்ட பிரச்னைகள் தீவிரமடையும் என எதிர்பார்க்கப்படும் நிலையில், ராகுல் காந்தியின் பேச்சு எதிர்க்கட்சிகளுக்கு புதிய ஆயுதமாக மாறியுள்ளது. 

இதையும் படிங்க: செல்வப்பெருந்தகை சீட்டுக்கு வேட்டு!! தமிழக காங்கிரஸ் தலைவர் பதவிக்கு நான்கு பேர் போட்டி!