முதல்வர் ஸ்டாலினுக்கு பாராட்டு! - பிப். 8-ல் சென்னையில் ஜாக்டோ-ஜியோ நடத்தும் பிரம்மாண்ட விழா

சென்னை YMCA மைதானத்தில் வரும் பிப்ரவரி 8-ஆம் தேதி, அரசு ஊழியர்கள் மற்றும் ஆசிரியர்களின் கூட்டமைப்பான ஜாக்டோ-ஜியோ சார்பில் முதலமைச்சர் மு.க. ஸ்டாலினுக்குப் பாராட்டு விழா நடைபெறவுள்ளது.

அரசு ஊழியர்கள் மற்றும் ஆசிரியர்களின் கூட்டமைப்பான ஜாக்டோ-ஜியோ சார்பில், தமிழக முதலமைச்சர் மு.க. ஸ்டாலின் அவர்களுக்கு நன்றி தெரிவிக்கும் பிரம்மாண்ட விழா வரும் பிப்ரவரி 8-ஆம் தேதி சென்னையில் நடைபெறவுள்ளது.

அரசு ஊழியர்களின் நீண்டகாலக் கோரிக்கைகளைத் தமிழ்நாடு அரசு கனிவுடன் பரிசீலித்து வருவதற்கும், சமீபத்தில் அறிவிக்கப்பட்ட சில முக்கியச் சலுகைகளுக்காகவும் இந்த நன்றி தெரிவிக்கும் விழாவிற்கு ஏற்பாடு செய்யப்பட்டுள்ளது. குறிப்பாக, அகவிலைப்படி உயர்வு மற்றும் காலிப் பணியிடங்களை நிரப்புவது தொடர்பான அரசின் சாதகமான முடிவுகளுக்குச் சங்க நிர்வாகிகள் முதலமைச்சருக்குத் தங்களது நன்றிகளைத் தெரிவித்துள்ளனர்.

இதையும் படிங்க: இங்கிருப்பது ஸ்டாலின் படை! - கனிமொழி எம்.பி. அனல் பறக்கும் பேச்சு!

சென்னை YMCA மைதானத்தில் நடைபெறவுள்ள இந்த விழாவில் பல்லாயிரக்கணக்கான அரசு ஊழியர்களும், ஆசிரியர்களும் பங்கேற்க உள்ளனர். இந்த மேடையைப் பயன்படுத்தி, தங்களின் பிரதானக் கோரிக்கையான பழைய ஓய்வூதியத் திட்டம்  அமல்படுத்தப்படுவது குறித்த முக்கிய அறிவிப்பை முதலமைச்சர் வெளியிடுவார் என அரசு ஊழியர்கள் மிகுந்த ஆவலுடன் எதிர்பார்த்துக் காத்திருக்கின்றனர்.

இது குறித்து ஜாக்டோ-ஜியோ ஒருங்கிணைப்பாளர்கள் பேசுகையில், அரசு ஊழியர்களின் கோரிக்கைகளுக்கு செவிசாய்க்கும் முதலமைச்சரை கௌரவிப்பது எங்கள் கடமை. அதே வேளையில், எஞ்சியுள்ள நியாயமான கோரிக்கைகளையும் அவர் விரைவில் நிறைவேற்றுவார் என்ற நம்பிக்கை எங்களுக்கு இருக்கிறது. இந்த விழா அரசுக்கும் அரசு ஊழியர்களுக்கும் இடையிலான உறவை மேலும் வலுப்படுத்தும்" எனத் தெரிவித்தனர்.

இதையும் படிங்க: பன்முக தன்மை காப்போம்; பாரதம் போற்றுவோம்! - முதல்வர் ஸ்டாலின் குடியரசு தின வாழ்த்து