விசாரணை இன்னும் முடியல!! டி.ஆர்.பாலுவை தொடரும் சிக்கல்!! சொல்லி அடிக்கும் அண்ணாமலை!

கோவை விமான நிலையத்தில் நிருபர்களை சந்தித்த தமிழக பாஜக முன்னாள் தலைவர் அண்ணாமலை, டிஆர்பாலு மீதான அவதூறு வழக்கில் நேற்று நீதிமன்றத்தில் நடத்திய குறுக்கு விசாரணை குறித்து விரிவாக பேசினார்.

“நீதிமன்றத்தில் நேரடியாக வாதாடியது மிகச் சிறந்த அனுபவம். ஒரு வழக்கை தயார்படுத்தி வாதிடுவது எவ்வளவு கடினமானது, எவ்வளவு முன் தயாரிப்பு தேவை என்பது நன்கு புரிந்தது. வழக்கறிஞர்கள் ஒரே நாளில் 5-6 வழக்குகளை கறுப்பு உடையில் வாதாடுகிறார்கள். 

நான் ஒரு வழக்கில் மட்டுமே ஈடுபட்டேன். அவர்கள் மீது என் மதிப்பு மரியாதை இன்னும் அதிகரித்துள்ளது. எனக்கும் புதிய கற்றல் கிடைத்தது. குறுக்கு விசாரணை இன்னும் முடியவில்லை. தொடரும்” என்று அவர் தெரிவித்தார்.

இதையும் படிங்க: இனி எப்போதும் பட்ஜெட் வாசிக்கும் தொல்லை இல்லை!! ஏமாற்றுவதை விடவில்லை! திமுகவை விளாசும் அண்ணாமலை!!

அண்ணாமலை மேலும் கூறியதாவது: “நேற்று 2004 முதல் 2009 வரை திமுக ஆட்சியில் இருந்த காலத்தை மட்டுமே பேசினோம். இன்னும் நிறைய விஷயங்கள் பேசப்படவில்லை. டிஆர்பாலு குடும்பம், குழந்தைகள் பற்றியும் வரும் காலத்தில் விரிவாக பேச வாய்ப்பு கிடைக்கும். 

திமுக அரசின் இடைக்கால பட்ஜெட் தமிழக மக்களுக்கு எந்த பலனும் தரவில்லை. வருமானம் இல்லாமல் கடன் வாங்கி செலவு செய்யும் அரசாக திமுக உள்ளது. கடைசி பட்ஜெட்டிலும் மக்களை ஏமாற்றுவதை விடவில்லை.”

“2027 மார்ச் 31-ல் தமிழகத்தின் மொத்த கடன் 10.62 லட்சம் கோடியாக இருக்கும் என்று பட்ஜெட்டில் கூறப்பட்டுள்ளது. கோவை, மதுரை மெட்ரோ ரயில் திட்டங்களுக்கான திருத்தப்பட்ட திட்ட அறிக்கையை நிதியமைச்சர் ஏன் இதுவரை சமர்ப்பிக்கவில்லை? கோவில்கள் புனரமைப்புக்கு வெறும் 82 கோடி மட்டுமே ஒதுக்கப்பட்டுள்ளது. 

கோவில்கள் புனரமைப்பு தொடர்பாக வெள்ளை அறிக்கை வெளியிட வேண்டும். தோழி திட்டம், கலைஞர் கனவு திட்டம் போன்றவை மத்திய அரசின் திட்டங்களை காப்பி அடித்தவை. தமிழகத்துக்கு பூஜ்ஜியத்தை மட்டுமே கொடுத்துள்ளது திமுக அரசின் பட்ஜெட். திமுகவின் சுயபுராணமாக இருந்த இந்த பட்ஜெட்டில் எந்த பிரயோஜனமும் இல்லை” என்று கடுமையாக விமர்சித்தார்.

அண்ணாமலையின் இந்த கருத்துகள் தமிழக அரசியலில் பெரும் பரபரப்பை ஏற்படுத்தியுள்ளன. டிஆர்பாலு வழக்கில் அவர் நேரடியாக வாதாடியது, திமுக மீதான தொடர் தாக்குதல்களுடன் இணைந்து பாஜகவின் பிரசாரத்துக்கு புது வேகத்தை அளித்துள்ளது. 

நீதிமன்ற விசாரணை தொடரும் நிலையில், அடுத்த கட்டத்தில் என்னென்ன விவரங்கள் வெளிவரும் என்பதை அரசியல் வட்டாரங்கள் ஆவலுடன் எதிர்பார்த்து வருகின்றன. திமுக அரசின் பட்ஜெட் மீதான விமர்சனமும், கடன் சுமை குறித்த எச்சரிக்கையும் தேர்தல் களத்தில் பெரும் விவாதத்தை தூண்டியுள்ளன.

இதையும் படிங்க: குவாரிகளால் அழியும் கிராமங்கள்!! முகமூடியுடன் வந்த வீரர்கள்!! திமுகவை கிழித்து தொங்கவிட்ட அண்ணாமலை!