கட்சி ஆரம்பித்த அண்ணாமலை! பாஜக அவசர ஆலோசனை! நிர்வாகிகளுக்கு பறந்த உத்தரவு!!

சென்னை: பாஜகவில் இருந்து விலகிய முன்னாள் மாநிலத் தலைவர் அண்ணாமலை, புதிய அரசியல் கட்சியை தொடங்க உள்ளதாக அறிவித்துள்ளார். அடுத்த பொதுத்தேர்தலில் தனது கட்சி போட்டியிடும் என்றும் அவர் தெளிவாகக் கூறியுள்ளார். இந்த அறிவிப்பு தமிழக அரசியல் களத்தில் பெரும் பரபரப்பை ஏற்படுத்தியுள்ளது.

நேற்று ஒரே நாளில் அண்ணாமலையின் புதிய இயக்கத்தில் சுமார் 10 லட்சத்துக்கும் மேற்பட்டோர் ஆன்லைன் மூலம் இணைந்துள்ளதாக தகவல்கள் வெளியாகியுள்ளன. இந்த அமோக வரவேற்பு அவருக்கு பெரும் உற்சாகத்தை அளித்துள்ளது. பாஜகவில் இருந்து அண்ணாமலை விலகியதைத் தொடர்ந்து, அவரது தீவிர ஆதரவாளர்கள் பலரும் பாஜகவில் இருந்து விலகி வரும் நிலை ஏற்பட்டுள்ளது.

இந்த சூழலில், பாஜக தரப்பில் முக்கிய நடவடிக்கை எடுக்கப்பட்டுள்ளது. நாளை மறுநாள் திருச்சியில் மாநில பாஜக மாவட்டத் தலைவர்கள் கூட்டம் நடைபெற உள்ளது. மாநில நிர்வாகிகள் அனைவரும் இந்த கூட்டத்தில் கட்டாயம் பங்கேற்க வேண்டும் என தொலைபேசி மூலம் அழைப்பு விடுக்கப்பட்டுள்ளது. கூட்டத்தில் பங்கேற்காதவர்கள் மீது கடும் நடவடிக்கை எடுக்கப்படும் என பாஜக தலைமை எச்சரித்துள்ளதாக தகவல்கள் வெளியாகியுள்ளன.

இதையும் படிங்க: செப்.14!! நாள் குறித்தார் அண்ணாமலை!! அரசியல் கட்சியாக உருவெடுக்கும் We The Leaders!

அண்ணாமலை பாஜகவில் இருந்து வெளியேறியது கட்சிக்குள் பெரும் அதிர்வலைகளை ஏற்படுத்தியுள்ளது. அவரது துணிச்சலான அணுகுமுறை மற்றும் இளைஞர்கள் மத்தியில் இருக்கும் செல்வாக்கு காரணமாக, அவரது புதிய கட்சிக்கு பெரும் எதிர்பார்ப்பு எழுந்துள்ளது. ஒரே நாளில் 10 லட்சம் பேர் இணைந்த சாதனை தமிழக அரசியல் வரலாற்றில் அரிதான நிகழ்வாகப் பார்க்கப்படுகிறது.

பாஜகவுக்குள் இப்போது ஒற்றுமையை வலுப்படுத்தும் முயற்சியில் தலைமை ஈடுபட்டுள்ளதாகக் கூறப்படுகிறது. திருச்சி கூட்டத்தில் முக்கிய முடிவுகள் எடுக்கப்படலாம் என அரசியல் வட்டாரங்கள் ஊகிக்கின்றன. அண்ணாமலையின் அடுத்த நகர்வுகள் மற்றும் பாஜகவின் பதிலடி ஆகியவை தமிழக அரசியலை அடுத்தக்கட்டத்துக்கு கொண்டு செல்லும் என எதிர்பார்க்கப்படுகிறது.

தமிழகத்தில் மூன்று முனை போட்டி உருவாகும் சாத்தியம் அதிகரித்துள்ள நிலையில், அனைத்து கட்சிகளும் தங்களது உத்திகளைத் தீவிரமாக வகுத்து வருகின்றன. அண்ணாமலையின் புதிய அரசியல் பயணம் தமிழக அரசியலில் புதிய அத்தியாயத்தை தொடங்கும் என அரசியல் பார்வையாளர்கள் கருதுகின்றனர்.

இதையும் படிங்க: இயக்கம் துவங்கிய முதல் நாளிலேயே 10 லட்சம் பேர் ஆதரவு!! 13 லட்சத்தை நெருங்கும் எண்ணிக்கை! அண்ணாமலை பாய்ச்சல்!