விஜய், தவெக-வின் உண்மையான பலம் என்ன? டெல்லிக்கு போனது உளவுத்துறை ரிப்போர்ட்! வெளியான ரகசிய சர்வே!

தமிழக சட்டமன்ற தேர்தல் 2026 நெருங்கி வரும் நிலையில், நடிகர் விஜய்யின் தமிழக வெற்றிக் கழகம் (தவெக) கட்சி பெரும் கவனத்தை ஈர்த்துள்ளது. பாஜகவின் உள்கட்சி ரகசிய அறிக்கை ஒன்று டெல்லி தலைமைக்கு அனுப்பப்பட்டுள்ளது. 

அதில், தவெக தொடக்க நிலையில் 10 சதவீதம் முதல் 15 சதவீதம் வரை வாக்குகளை பெறக்கூடும் என்று கூறப்பட்டுள்ளது. ஆனால் வரும் நாட்களில் இந்த வாக்கு வங்கி குறையும் என்றும் எச்சரிக்கை விடுக்கப்பட்டுள்ளது.

அறிக்கையின்படி, தேர்தல் காலம் வரை இந்த வாக்கு சதவீதம் நீடிக்குமா என்பது சந்தேகமே. திமுக கூட்டணி மற்றும் பாஜக தலைமையிலான தேசிய ஜனநாயக கூட்டணி (என்.டி.ஏ.) தீவிரமாக களமிறங்கும் போது, விஜய்யின் வாக்குகள் சரிய வாய்ப்புள்ளது என்று கணிக்கப்பட்டுள்ளது. 

இதையும் படிங்க: எவ்வளவு விமர்சனம் வச்சாலும் நாங்கதான் ஜெயிப்போம்! விஜய் சொன்ன திமுக குறள்!! அன்பில் மகேஷ் விளக்கம்!

விஜய்யின் அரசியல் வருகை இளைஞர்கள், முதல்முறை வாக்காளர்கள் மத்தியில் பெரும் தாக்கத்தை ஏற்படுத்தியுள்ளது. பாரம்பரிய திராவிட கட்சிகளுக்கு மாற்று சக்தி தேடும் மக்களின் கவனத்தை ஈர்த்தது தான் இந்த 10-15 சதவீத கணிப்புக்கு காரணம். குறிப்பாக நகர்ப்புற இளைஞர்கள் மத்தியில் விஜய்க்கு நல்ல வரவேற்பு இருப்பதை பாஜக ஒப்புக்கொண்டுள்ளது.

ஆனால் இந்த ஆரம்ப எழுச்சி தேர்தல் நெருங்கும் போது சரிவை சந்திக்கலாம் என்று அறிக்கை கூறுகிறது. காரணங்கள்: திமுக கூட்டணி மற்றும் அதிமுக-பாஜக கூட்டணி போன்றவை வலுவான கட்டமைப்புடன் தீவிர களப்பணி, பிரம்மாண்ட பொதுக்கூட்டங்கள் நடத்தும். இதற்கு ஈடுகொடுக்க தவெகவால் முடியாது. 

விஜய்க்கு தனிப்பட்ட செல்வாக்கு இருந்தாலும், ஒவ்வொரு வாக்குச்சாவடி அளவில் வலுவான கட்சி கட்டமைப்பு இல்லை. தேர்தல் நெருங்கும் போது, "ஆட்சி அமைக்கும் கட்சிக்கே வாக்கு" என்ற மனநிலைக்கு வாக்காளர்கள் வருவார்கள். அப்போது புதிய கட்சிக்கு வாக்களிப்பது வீணாகிவிடுமோ என்ற அச்சம் ஏற்படும்.

தற்போது விஜய்யின் வருகையை சவாலாக பார்த்தாலும், தேர்தல் களத்தில் நீண்டகாலம் தாக்குப்பிடிக்கும் சக்தி பெரிய கூட்டணிகளுக்கே உள்ளது என்று பாஜக நம்புகிறது. திமுக ஏற்கனவே மக்கள் நலத்திட்டங்கள், களப்பணிகளை முடுக்கிவிட்டுள்ளது. 

பொதுக்கூட்டங்கள், தெரு கூட்டங்களை தீவிரமாக நடத்துகிறது. திமுக கூட்டணி மற்றும் என்.டி.ஏ. இடையே நேரடி போட்டி இருக்கும். விஜய்யின் வாக்குகள் இவற்றுக்கு இடையே பிரிந்து செல்லும் என்று அறிக்கை கூறுகிறது. இதனால் டெல்லி பாஜக தலைமை விஜய் பற்றி பெரிதாக கவலைப்படவில்லை என்று தெரிகிறது.

இந்த அறிக்கை தமிழக அரசியலை சூடுபிடிக்க வைத்துள்ளது. தவெகவின் எதிர்காலம் எப்படி இருக்கும் என்பது பெரும் எதிர்பார்ப்பை ஏற்படுத்தியுள்ளது.

இதையும் படிங்க: கரூர் தவெக கூட்ட நெரிசல் வழக்கு !! பிப்.,12-ல் குற்றப்பத்திரிக்கை தாக்கல்! விஜய் பெயரை சேர்க்குமா சிபிஐ?!