விஜயின் வேட்பாளர் தேர்வுக்கு உதவும் கிறிஸ்தவ கல்வி நிறுவனங்கள்?! தவெக புது ரூட்! தகுதியானவரை செலக்ட் செய்ய ஏற்பாடு!!

சென்னை: முதல் முறையாக தமிழக சட்டசபைத் தேர்தலில் களமிறங்கும் தமிழக வெற்றிக் கழகம் (தவெக) அனைத்து 234 தொகுதிகளுக்கும் வேட்பாளர்களைத் தேர்வு செய்யும் பணியில் சுவாரசியமான உதவியைப் பெற்றுள்ளது. கிறிஸ்துவ கல்வி நிறுவனங்கள் இந்த வேட்பாளர் தேர்வு பணியில் முக்கியப் பங்கு வகிக்கின்றன என்ற தகவல் பெரும் பரபரப்பை ஏற்படுத்தியுள்ளது.

கட்சித் தலைவர் விஜய், மக்களிடம் செல்வாக்கு உள்ள நேர்மையான, திறமையான மற்றும் சுத்தமான பின்னணி கொண்டவர்களை வேட்பாளர்களாக நிறுத்த முடிவு செய்துள்ளார். தேர்தலில் போட்டியிட 4,000க்கும் மேற்பட்டோர் விண்ணப்பித்துள்ள நிலையில், தகுதியானவர்களைத் தேர்வு செய்யும் பணி தீவிரமாக நடைபெற்று வருகிறது.

விஜய் உள்ளிட்ட மூத்த நிர்வாகிகள் நேர்காணல் நடத்தி வரும் நிலையில், கட்சிக்குள் அதிருப்தி ஏற்படாமல் இருக்கவும், மக்களின் முழு ஆதரவைப் பெறும் வகையில் வேட்பாளர் பட்டியல் அமைய வேண்டும் என விஜய் விரும்புகிறார். இதற்காகவே பல முன்னணி கிறிஸ்துவ கல்வி நிறுவனங்களின் உதவியை அவர் நாடியுள்ளார்.

இதையும் படிங்க: விஜய் விருப்பத்துக்கு ஓகே சொன்ன அமித்ஷா! தனித்து போட்டியிடும் தவெக! டெல்லி கொடுத்த ஐடியா?!

இந்த நிறுவனங்களுக்கு மக்களுடன் நேரடித் தொடர்பு உள்ளதால், ஒவ்வொரு தொகுதிக்கும் விண்ணப்பித்த 10 பேரின் குடும்பப் பின்னணி, கல்வி, அரசியல் ஆதரவு, சமூகப் பணி, மக்கள் தொடர்பு உள்ளிட்ட அனைத்து அம்சங்களையும் விரிவாக ஆய்வு செய்து வருகின்றன. ஆய்வுக்குப் பிறகு ஒவ்வொரு தொகுதிக்கும் மூன்று பேரைப் பரிந்துரை செய்யவும், அதில் ஒருவரை விஜய் இறுதியாகத் தேர்வு செய்யவும் திட்டமிடப்பட்டுள்ளது.

தவெக வட்டாரங்கள் இந்த முடிவை உறுதிப்படுத்தியுள்ளன. இந்த அணுகுமுறை தமிழக அரசியலில் புதிய முன்னுதாரணமாக அமையும் என எதிர்பார்க்கப்படுகிறது.

விஜய் தலைமையிலான தவெக, தூய்மை, நேர்மை மற்றும் தொழில்முறை அணுகுமுறையுடன் தேர்தலை எதிர்கொள்ளும் என்பது தெளிவாகத் தெரிகிறது. வேட்பாளர் பட்டியல் விரைவில் வெளியாகும் என எதிர்பார்க்கப்படும் நிலையில், தமிழக அரசியல் களம் பரபரப்பாக உள்ளது. 

இதையும் படிங்க: ஆயுதங்களுடன் ஆட்களை அனுப்புனீங்களா? கரூர் விவகாரத்தில் செந்தில்பாலாஜியை திணறடித்த சிபிஐ கேள்விகள்?!