பெண் எம்.எல்.ஏ-வுக்கு முன்னுரிமை! சோனியா காந்தி கறார்! சட்டசபை காங்., தலைவராகிறார் தாரகை கத்பட்?

தமிழக அரசியலில் காங்கிரஸ் கட்சிக்குள் முக்கிய மாற்றம் ஏற்படவுள்ளதாக தகவல்கள் வெளியாகியுள்ளன. சட்டசபை காங்கிரஸ் கட்சித் தலைவர் பதவிக்கு பெண் எம்.எல்.ஏ. தாரகை கத்பட் பெயர் பரிசீலனையில் இருப்பதாக கூறப்படுவது அரசியல் வட்டாரங்களில் கவனத்தை ஈர்த்துள்ளது.

சமீபத்தில் நடைபெற்ற சட்டசபை தேர்தலில், தி.மு.க. கூட்டணியில் போட்டியிட்ட காங்கிரஸ் கட்சி ஐந்து தொகுதிகளில் வெற்றி பெற்றது. தேர்தலுக்குப் பிறகு தமிழக வெற்றிக் கழக தலைமையிலான கூட்டணி அரசுக்கு ஆதரவு அளித்த காங்கிரஸ், ஆட்சியிலும் பங்கெடுத்தது. இதன் ஒரு பகுதியாக, கட்சியின் மூத்த தலைவர்களான விஸ்வநாதன் மற்றும் ராஜேஷ்குமார் அமைச்சர்களாக பதவியேற்றனர்.

இந்த சூழலில், சட்டசபையில் காங்கிரஸ் கட்சியின் தலைமைப் பொறுப்பில் மாற்றம் செய்யும் ஆலோசனைகள் நடைபெற்று வருவதாக தகவல் வெளியாகியுள்ளது. குறிப்பாக, சட்டசபை காங்கிரஸ் தலைவர் பதவியை தாரகை கத்பட்டுக்கு வழங்க டெல்லி மேலிடம் விருப்பம் தெரிவித்துள்ளதாக கட்சி வட்டாரங்கள் கூறுகின்றன.

இதையும் படிங்க: ஆளுங்கட்சி தவெகவா? அண்ணாமலையா? தாவுவதற்கு தயாராகும் நிர்வாகிகள்?! தப்புமா அதிமுக?!

காங்கிரஸ் நிர்வாகிகள் கூறுவதாவது, தேர்தலுக்குப் பிறகு அமைச்சரவை அமைக்கப்பட்டபோது பெண் எம்.எல்.ஏ. ஒருவருக்கு முக்கிய பொறுப்பு வழங்க வேண்டும் என்ற விருப்பம் தேசிய தலைமை மட்டத்தில் இருந்ததாக கூறப்படுகிறது. ஆனால் அரசியல் அனுபவம் மற்றும் மூத்தத்துவத்தை கருத்தில் கொண்டு விஸ்வநாதன் மற்றும் ராஜேஷ்குமார் ஆகியோருக்கு அமைச்சர் பதவிகள் வழங்கப்பட்டதாக தெரிவிக்கப்படுகிறது.

இதனால், தற்போது சட்டசபை காங்கிரஸ் தலைவர் பதவி மூலம் பெண் பிரதிநிதித்துவத்திற்கு முக்கியத்துவம் அளிக்க கட்சி தலைமை விரும்புவதாக கூறப்படுகிறது. அந்த அடிப்படையில் தாரகை கத்பட் பெயர் முன்னிலையில் இருப்பதாக தகவல்கள் தெரிவிக்கின்றன.

இருப்பினும், இதுகுறித்து காங்கிரஸ் உயர்மட்ட தலைமையோ அல்லது சம்பந்தப்பட்ட எம்.எல்.ஏ. தரப்போ அதிகாரப்பூர்வ அறிவிப்பை இதுவரை வெளியிடவில்லை. அதனால் இறுதி முடிவு எப்போது வெளியாகும் என்ற எதிர்பார்ப்பு கட்சியினரிடையே அதிகரித்துள்ளது.

தமிழக காங்கிரசில் எதிர்கால தலைமை அமைப்பு மற்றும் பெண்களுக்கு வழங்கப்படும் அரசியல் முக்கியத்துவம் குறித்து இந்த விவகாரம் புதிய விவாதத்தை உருவாக்கியுள்ளது.

இதையும் படிங்க: முரண்டு பிடிக்கும் சீமான்! ஓட்டுக்கள் சரிந்ததால் சங்க நிர்வாகிகளை சந்திக்க மறுப்பு!