தவெக + காங்., டீல் முடிந்தது! விஜய்க்கு முழு ஆதரவு!! சற்று நேரத்தில் முடிவை அறிவிக்கிறார் ராகுல்!

சென்னை: தமிழக சட்டமன்றத் தேர்தலில் பெரும்பான்மைக்கு சற்றே குறைவாக 108 இடங்களில் வெற்றி பெற்றுள்ள தமிழக வெற்றிக் கழகத்துக்கு (தவெக) ஆதரவு அளிப்பது குறித்து காங்கிரஸ் கட்சி சற்று நேரத்தில் முக்கிய முடிவை அறிவிக்கவுள்ளது. இந்த முடிவு தமிழக அரசியலை பெரிய அளவில் பாதிக்கும் என எதிர்பார்க்கப்படுகிறது.

தி.மு.க. கூட்டணியில் 28 தொகுதிகளில் போட்டியிட்ட காங்கிரஸ், 5 தொகுதிகளில் வெற்றி பெற்றுள்ளது. ஆட்சி அமைக்க 118 இடங்கள் தேவைப்படும் நிலையில் 108 இடங்களைப் பெற்ற தவெகவுக்கு 11 எம்.எல்.ஏ.க்களின் ஆதரவு தேவை. இதனால் தவெக தலைவர் விஜய், 2 எம்.எல்.ஏ.க்களைக் கொண்ட இந்திய கம்யூனிஸ்ட், மார்க்சிஸ்ட் கட்சி மற்றும் விடுதலை சிறுத்தைகள் கட்சிக்கு ஆதரவு கோரி கடிதம் எழுதியுள்ளார்.

இந்நிலையில், தவெகவுக்கு ஆதரவு அளிப்பது குறித்து தனது 5 வெற்றி பெற்ற வேட்பாளர்களுடன் காங்கிரஸ் மேலிடப் பொறுப்பாளர் கிரிஷ் சோடங்கர் விரிவான ஆலோசனை நடத்தினார். சென்னை விமான நிலையத்தில் செய்தியாளர்களிடம் பேட்டி அளித்த அவர், “விஜய்க்கு ஆதரவு அளிப்பது குறித்த முடிவு சற்று நேரத்தில் அறிவிக்கப்படும்” என்று தெரிவித்தார். அவரது இந்தப் பேட்டி அரசியல் வட்டாரத்தில் பெரும் பரபரப்பை ஏற்படுத்தியுள்ளது.

இதையும் படிங்க: இனி முதல்வர் இல்லை!! தோல்விக்கு பின்னும் மொத்தமாக மாறிய மு.க.ஸ்டாலின்! அதிரடி நீக்கம்!

காங்கிரஸ் தவெகவுக்கு ஆதரவு அளித்தால், 2016ஆம் ஆண்டு முதல் தி.மு.க. உடன் நீடித்து வரும் கூட்டணி முற்றிலுமாக முடிவுக்கு வரும் என்பது உறுதி. இது தமிழக அரசியல் சமன்பாட்டை மாற்றக்கூடிய வரலாற்று முக்கியத்துவம் வாய்ந்த தருணமாகப் பார்க்கப்படுகிறது. காங்கிரஸ் தலைமை இப்போது தனது 5 எம்.எல்.ஏ.க்களின் கருத்துகளுடன், மேலிட உத்தரவுகளையும் சேர்த்து இறுதி முடிவை எடுக்கும் எனக் கூறப்படுகிறது.

தவெக தரப்பில் ஆட்சி அமைக்க தீவிர முயற்சிகள் நடைபெற்று வரும் நிலையில், காங்கிரஸின் முடிவு எப்படி இருக்கும் என்பதை அனைவரும் ஆவலுடன் எதிர்பார்த்துள்ளனர். கிரிஷ் சோடங்கரின் பேட்டிக்குப் பிறகு அரசியல் கட்சிகள், தொண்டர்கள் மற்றும் பொதுமக்கள் மத்தியில் பல்வேறு ஊகங்கள் எழுந்துள்ளன. 

ஒருபுறம் தி.மு.க. கூட்டணியின் நீண்டகால உறவு, மறுபுறம் புதிய அரசியல் சூழல் உருவாக்கும் வாய்ப்பு ஆகியவற்றுக்கு இடையே காங்கிரஸ் எடுக்கும் முடிவு தமிழகத்தின் அடுத்த அரசுக்கு வழி வகுக்கும் என்பதில் சந்தேகமில்லை. முடிவு விரைவில் வெளியாகும் என எதிர்பார்க்கப்படும் இந்த நிலையில், தமிழக அரசியல் களம் பரபரப்பாக மாறியுள்ளது.

இதையும் படிங்க: விஜய்க்கு 41% ஓட்டு இருக்கு! தவெக 121 இடங்களை கைப்பற்றும்! முன்னாள் ஐபிஎஸ் ரவி & குழு நடத்திய கருத்துக்கணிப்பு!