ஒரே நாளில் 3 கட்சிகளுடன் டீல்!! பரபரக்கும் அறிவாலயம்! அதிகரிக்கும் கூட்டணி கட்சிகள் டிமாண்ட்! பதறும் திமுக!
தி.மு.க குழுவினர் ஒரே நாளில் மூன்று கட்சிகளிடம் பேச்சு நடத்தியுள்ளனர். எந்த கட்சிக்கும் தொகுதி எண்ணிக்கை குறித்து உறுதி செய்யவில்லை.
by
தமிழகத்தில் 2026 சட்டமன்றத் தேர்தலுக்கு திமுக கூட்டணியை வலுப்படுத்தும் பணிகள் வேகமெடுத்துள்ளன. அறிவாலயத்தில் நேற்று (பிப்ரவரி 27) ஒரே நாளில் மூன்று கட்சிகளுடன் திமுக தலைமை பேச்சுவார்த்தை நடத்தியது. இதில் இந்திய கம்யூனிஸ்ட் கட்சி (சிபிஐ), மார்க்சிஸ்ட் கம்யூனிஸ்ட் கட்சி (சிபிஐஎம்), கொங்கு மக்கள் தேசிய கட்சி (கொ.ம.தே.க.) ஆகியவை அடங்கும்.
இந்திய கம்யூனிஸ்ட் கட்சி மாநில செயலர் வீரபாண்டியன் தலைமையிலான குழு முதல் கட்ட பேச்சுவார்த்தையில் கலந்துகொண்டது. "கூடுதல் தொகுதிகள் கேட்டுள்ளோம். ஏற்கனவே கொடுத்த தொகுதிகளை குறைக்க திமுக எதுவும் பேசவில்லை. அடுத்த கட்ட பேச்சு விரைவில் நடக்கும்" என்று வீரபாண்டியன் தெரிவித்தார்.
அதேபோல் மார்க்சிஸ்ட் கம்யூனிஸ்ட் கட்சி மாநில செயலர் சண்முகம் தலைமையிலான குழு திமுகவுடன் பேசியது. "பேச்சு சுமுகமாக நடந்தது. கூடுதல் தொகுதிகள் கோரிக்கை வைத்தோம். முதல்வருடன் கலந்தாலோசித்து முடிவு தெரிவிப்பதாக கூறினர். இன்னும் தொகுதி பட்டியல் கொடுக்கப்படவில்லை" என்று சண்முகம் விளக்கினார்.
இதையும் படிங்க: இரட்டை இலக்க தொகுதி வேணும்!! திமுகவுக்கு CPM அழுத்தம்! விழிபிதுங்கும் ஸ்டாலின்! நீடிக்கும் இழுபறி!
கம்யூனிஸ்ட் கட்சிகளுடன் பேச்சு முடிந்த பிறகு, கொங்கு மக்கள் தேசிய கட்சி நிர்வாகிகளுடன் திமுக குழு பேசியது. திமுக கூட்டணிக்கு ஓ.பன்னீர்செல்வம் இணைந்ததை வரவேற்ற கொ.ம.தே.க. தலைவர் ஈஸ்வரன், "தேர்தலுக்குப் பிறகு கொங்கு மண்டலம் எங்கள் கூட்டணியின் கோட்டையாக இருக்கும்" என்று நம்பிக்கை தெரிவித்தார்.
திமுக ஒரே நாளில் மூன்று கட்சிகளுடன் பேசியது குறிப்பிடத்தக்கது. எந்த கட்சிக்கும் தொகுதி எண்ணிக்கை உறுதி செய்யப்படவில்லை. இன்று (பிப்ரவரி 28) காங்கிரஸ், விடுதலை சிறுத்தைகள் கட்சி, தமிழக வாழ்வுரிமை கட்சி ஆகியவற்றுடன் பேச்சு நடக்கிறது. மார்ச் 2-ஆம் தேதி கமலின் ம.நீ.ம. கட்சியுடன் பேச்சு திட்டமிடப்பட்டுள்ளது.
இதற்கிடையே திமுக-காங்கிரஸ் முதற்கட்ட தொகுதி பங்கீடு பேச்சுவார்த்தை நிறைவடைந்தது. காங்கிரசுக்கு ஒரு ராஜ்யசபா சீட் கொடுப்பதாக முதல்வர் ஸ்டாலின் உறுதியளித்ததாக காங்கிரஸ் தலைவர் செல்வப்பெருந்தகை தெரிவித்தார்.
திமுக கூட்டணி விரிவாக்கத்தில் தீவிரம் காட்டி வருகிறது. பன்னீர்செல்வம் இணைப்பு, கம்யூனிஸ்ட் கட்சிகளின் கூடுதல் தொகுதி கோரிக்கை, கொங்கு மண்டலத்தில் ஈஸ்வரன் நம்பிக்கை ஆகியவை திமுகவுக்கு கூடுதல் பலத்தை தரும் என எதிர்பார்க்கப்படுகிறது. ஆனால் தொகுதி பங்கீடு இன்னும் உறுதியாகாத நிலையில், அடுத்த சில நாட்களில் மேலும் தெளிவு கிடைக்கும்.
இதையும் படிங்க: இறங்கி வராத பழனிசாமி! ஓங்கியதா ஓபிஎஸ் கை? அடுத்தடுத்து விலகும் தலைவர்கள்?! அதிமுகவில் அச்சம்!
