தனி விமானத்தில் கூர்க் பறந்தார் மு.க.ஸ்டாலின்!! மகன் உதயநிதி ஸ்டாலின், மருமகன் சபரீசனுடன் பேமிலி டூர்!

சென்னை: தி.மு.க. தலைவரும் முன்னாள் முதலமைச்சருமான மு.க.ஸ்டாலின் தற்போது கர்நாடகாவின் அழகிய குடகு (கூர்க்) மலையில் ஓய்வெடுத்து வருகிறார். ஜூன் 2-ம் தேதி வரை அங்கு தங்கி ஓய்வு எடுத்துவிட்டு சென்னை திரும்ப திட்டமிட்டுள்ளார்.

சட்டசபைத் தேர்தல் வாக்குப்பதிவு முடிந்த உடனேயே தனது குடும்பத்தினருடன் கொடைக்கானல் சென்ற ஸ்டாலின் அங்கு ஐந்து நாட்கள் ஓய்வெடுத்தார். தேர்தல் முடிவுகள் அறிவிக்கப்பட்ட பிறகு திருவாரூர் உள்ளிட்ட சில இடங்களில் திருமண நிகழ்ச்சிகளில் பங்கேற்றார். 

இந்நிலையில், நேற்று தனது மகன் உதயநிதி ஸ்டாலின், மருமகன் சபரீசன் மற்றும் கட்சியின் முக்கிய நிர்வாகிகள் உள்ளிட்ட 10 பேர் கொண்ட குழுவுடன் தனி விமானம் மூலம் கர்நாடக மாநிலம் மைசூருக்கு சென்றார். அங்கிருந்து காரில் குடகு மலைக்கு பயணித்தார்.

இதையும் படிங்க: மு.க.ஸ்டாலினை தொடரும் கொளத்தூர் வழக்கு!! 13 ஆண்டுக்கு பின் ட்விஸ்ட்! சுப்ரீம்கோர்ட் நீதிபதிகள் திடீர் விலகல்!

குடகு மலை தனது இயற்கை அழகு, அடர்ந்த காடுகள், காபி தோட்டங்கள் மற்றும் குளிர்ந்த சூழலுக்காக பிரபலமானது. முன்னாள் முதலமைச்சர் ஸ்டாலின் அங்கு முழு ஓய்வு எடுத்து உடல் நலத்தை மீட்டெடுக்கவும், அடுத்தகட்ட அரசியல் திட்டங்களை வகுக்கவும் இந்தப் பயணத்தை மேற்கொண்டதாக கட்சி வட்டாரங்கள் தெரிவிக்கின்றன.

இது ஸ்டாலினின் தொடர் ஓய்வுப் பயணங்களில் ஒன்றாகும். தேர்தல் பணிகளால் கடுமையான அழுத்தத்தில் இருந்த அவர், இந்த இடைவெளியைப் பயன்படுத்தி முழுமையாக ஓய்வெடுக்க விரும்புவதாகக் கூறப்படுகிறது. குடும்பத்துடன் இணைந்து சென்றிருப்பது அவரது தனிப்பட்ட வாழ்க்கைக்கும் முக்கியத்துவம் அளிப்பதை காட்டுகிறது.

ஜூன் 2-ம் தேதி சென்னை திரும்பும் ஸ்டாலின், அதன் பிறகு கட்சி மற்றும் அரசு கூட்டங்களில் தீவிரமாக ஈடுபடுவார் என எதிர்பார்க்கப்படுகிறது. தமிழக அரசியல் களத்தில் தற்போது நிலவும் சூழலில் ஸ்டாலினின் இந்த ஓய்வுப் பயணம் குறித்து பல்வேறு ஊகங்களும் எழுந்துள்ளன.

குடகு மலையின் அமைதியான சூழல் அவருக்கு புத்துணர்ச்சியை அளிக்கும் எனக் கட்சியினர் நம்பிக்கை தெரிவித்துள்ளனர். முன்னாள் முதலமைச்சரின் பாதுகாப்பு ஏற்பாடுகள் உள்ளிட்டவை ஏற்கெனவே கர்நாடக அரசுடன் ஒருங்கிணைக்கப்பட்டுள்ளதாக தகவல்கள் வெளியாகியுள்ளன.

இதையும் படிங்க: மீண்டும் ஏமாற்றப்பட்ட வி.எஸ்.பாபு! அமைச்சரவையில் இடமில்லை! மு.க.ஸ்டாலினையே தோற்கடித்தவருக்கு ஏன் இந்த நிலைமை?!