தேர்தல் தோல்வி நிரந்தரம் அல்ல! அடுத்தக்கட்ட நடவடிக்கை என்ன? களத்தில் இறங்கிய மு.க.ஸ்டாலின்!!

சென்னை: சட்டசபைத் தேர்தலில் ஆட்சியை இழந்த திமுக, தோல்விக்கான காரணங்களை ஆராய ஒரு குழுவை அமைத்துள்ளது. இந்தக் குழுவினர் ஒவ்வொரு தொகுதிக்கும் நேரில் சென்று கள ஆய்வு செய்து வருகின்றனர். இதேவேளையில், மாவட்டக் கழக செயலாளர்கள் மாவட்ட அளவில் கூட்டங்கள் நடத்தி, கட்சி நிர்வாகிகள் மற்றும் தொண்டர்களை ஊக்கப்படுத்தி வருகின்றனர். “தேர்தல் தோல்வி நிரந்தரமல்ல, அடுத்த தேர்தலில் வெற்றி பெறுவோம்” என நம்பிக்கை ஊட்டி வருகின்றனர்.

இந்தச் சூழலில் திமுக தலைவர் மு.க. ஸ்டாலின் இன்று காலை சென்னை அண்ணா அறிவாலயத்துக்கு வந்தார். அங்கு கட்சியின் அடுத்தகட்ட நடவடிக்கைகள் குறித்து முக்கிய ஆலோசனை கூட்டத்தை நடத்தினார். இந்தக் கூட்டத்தில் துணைப் பொதுச் செயலாளர் கனிமொழி எம்.பி., இளைஞரணி செயலாளர் உதயநிதி ஸ்டாலின், அமைப்புச் செயலாளர் ஆர்.எஸ். பாரதி, செய்தித் தொடர்புக் குழு தலைவர் டி.கே.எஸ். இளங்கோவன் உள்ளிட்ட மூத்த தலைவர்கள் பங்கேற்றனர்.

கூட்டத்தில் தற்போதைய அரசியல் சூழ்நிலை, தேர்தல் தோல்விக்கான காரணங்கள், கட்சியை வலுப்படுத்தும் வழிமுறைகள், அடுத்தக்கட்ட உத்திகள் உள்ளிட்ட பல்வேறு விஷயங்கள் விரிவாக விவாதிக்கப்பட்டதாகக் கூறப்படுகிறது. தோல்வியை விரைவில் சரிசெய்து, கட்சியை மீண்டும் வலுவான நிலைக்கு கொண்டு வரும் திட்டங்கள் குறித்தும் ஆலோசனை நடைபெற்றது.

இதையும் படிங்க: விஜய் அலையை சமாளிக்கிறது எப்பிடி?!! திட்டம் போடும் திமுக! இளைஞர்களுக்கு அடிக்கிது யோகம்!!

தேர்தல் முடிவுகளுக்குப் பிறகு திமுகவுக்குள் ஏற்பட்டுள்ள சுயபரிசோதனை மற்றும் மீட்டெடுப்பு முயற்சிகள் இப்போது தீவிரமடைந்துள்ளன. மாவட்ட அளவில் நடைபெறும் ஊக்கப்படுத்தும் கூட்டங்கள் மூலம் தொண்டர்களிடையே நம்பிக்கையை ஏற்படுத்தும் பணியும் தொடர்ந்து நடைபெற்று வருகிறது. 

திமுக தலைமை இந்த ஆலோசனை கூட்டத்தின் முடிவுகளின் அடிப்படையில் விரைவில் முக்கிய அறிவிப்புகளை வெளியிடும் என எதிர்பார்க்கப்படுகிறது. தோல்வியிலிருந்து பாடம் கற்று, அடுத்த சட்டசபைத் தேர்தலுக்கு தயாராகும் வகையில் கட்சியின் அமைப்பு ரீதியான பலப்படுத்தும் பணிகள் விரைவில் தொடங்கும் எனக் கட்சி வட்டாரங்கள் தெரிவிக்கின்றன.

இதையும் படிங்க: பூத் ஏஜெண்டுகளுக்கு சிறப்பு கவனிப்பு!! ஆஃபர்களை அள்ளித் தெளிக்கும் திமுக! ,மு.க.ஸ்டாலின் திட்டம்!