ரூ. 134 கோடிக்கு சிறப்பு தொகுப்பு ஏமாற்று அறிவிப்பு! காவிரி நீர் திறக்காத பொய்க்கால் குதிரை அரசு! இபிஎஸ் கண்டனம்!
குறுவை சாகுபடி மேட்டூர் அணையில் இருந்து காவிரி நீர் திறக்காத பொய்க்கால் குதிரை அரசு, ரூ. 134 கோடிக்கு சிறப்பு தொகுப்பு என்ற ஏமாற்று அறிவிப்பை வெளியிட்டுள்ளதாகஅதிமுக பொதுச்செயலாளர் இபிஎஸ் விமர்சித்துள்ளார்.
by
சென்னை: குறுவை சாகுபடிக்காக மேட்டூர் அணையிலிருந்து காவிரி நீர் திறக்காததால் விவசாயிகள் பெரும் கவலையில் உள்ள நிலையில், அரசு அறிவித்த ரூ.134 கோடி சிறப்புத் தொகுப்பை ஏமாற்று நடவடிக்கை என்று அதிமுக பொதுச் செயலாளர் எடப்பாடி பழனிசாமி தெரிவித்துள்ளார்.
ஒவ்வொரு ஆண்டும் ஜூன் 12-ம் தேதி மேட்டூர் அணை நீர் திறக்கப்படும் நிலையில், இந்த ஆண்டு இன்றுவரை நீர் திறக்கப்படாதது விவசாயிகளிடையே பெரும் அதிர்ச்சியை ஏற்படுத்தியுள்ளது. குறுவை சாகுபடியை முழுமையாக நம்பியுள்ள டெல்டா விவசாயிகள், நீர் வரத்து தாமதமாகும் பட்சத்தில் பயிர்கள் பாதிக்கப்படும் என அஞ்சுகின்றனர்.
இதுகுறித்து வெளியிட்ட அறிக்கையில் எடப்பாடி பழனிசாமி கூறியுள்ளதாவது: “ஏற்கனவே விவசாயக் கடன் தள்ளுபடி விவகாரத்தில் விவசாயிகளை ஏமாற்றியுள்ள இந்த அரசு, இப்போது நீர் திறப்பில் தோல்வியடைந்துள்ளது.
இதையும் படிங்க: பட்டா மாறுதலுக்கு 5 நாட்களுக்குள் பரிசீலனை! 15 நாளில் நடவடிக்கை! அமைச்சர் செங்கோட்டையன் அறிவிப்பு!
10,000 கோடிக்கும் மேற்பட்ட விவசாயக் கடனை தள்ளுபடி செய்யாமல், சொற்ப தொகையை மட்டும் அளிப்பதாகக் கூறி விவசாயிகளை போராட்டத்துக்கு தள்ளிய அரசு, தற்போது ரூ.134 கோடி சிறப்புத் தொகுப்பு என்ற பெயரில் மற்றொரு ஏமாற்று அறிவிப்பை வெளியிட்டுள்ளது” என்றார்.
மேட்டூர் அணை நீர் திறப்பு விவசாயிகளின் உயிர் பிரச்சினை என்பதால், அரசு உடனடியாக நீர் திறக்க வேண்டும் என அதிமுக தரப்பில் வலியுறுத்தப்பட்டுள்ளது. காவிரி நீர் பிரச்சினையில் மத்திய அரசுடன் பேச்சுவார்த்தை நடத்தி தீர்வு காண வேண்டும் என்றும் கோரிக்கை வைக்கப்பட்டுள்ளது.
விவசாயிகள் தரப்பில், “நீர் இல்லாமல் பயிர்கள் கருகினால் பெரும் இழப்பு ஏற்படும். அரசு உடனடியாக நடவடிக்கை எடுக்க வேண்டும்” என கோரிக்கை எழுந்துள்ளது. இந்த விவகாரம் தமிழக அரசியலில் பெரும் விவாதத்தை ஏற்படுத்தியுள்ளது.
இதனிடையே, வருவாய் மற்றும் பொதுப் பணித் துறை அதிகாரிகள் மேட்டூர் அணை நீர் நிலவரம் குறித்து ஆய்வு செய்து வருவதாக தகவல்கள் வெளியாகியுள்ளன. விவசாயிகளின் எதிர்பார்ப்புகளுக்கு ஏற்ப அரசு உடனடி நடவடிக்கை எடுக்க வேண்டும் என அரசியல் கட்சிகள் வலியுறுத்தி வருகின்றன.
இதையும் படிங்க: ஏ ப்ளஸ் ரவுடிக்கு காங்கிரஸில் மாநில பதவி?! ஆர்.டி.ஐ., பிரிவு துணை தலைவராக நியமித்ததால் அதிர்ச்சி!
