முதல்வர் விஜயை மிஞ்சும் மூவர் அணி! தவெக பவர் சென்டர்கள்?! உளவுத்துறை அதிகாரிகள் அப்செட்!

தமிழகத்தில் தமிழக வெற்றிக் கழகம் தலைமையிலான ஆட்சியில் அமைச்சர்கள் மற்றும் உயர் அதிகாரிகளை கண்காணிக்க சிறப்புக் குழு அமைக்கப்பட்டுள்ள நிலையில், அக்குழு தரும் அறிக்கைகளை முதல்வர் விஜய் பார்வையிடும் முன்பே அவரது தனிப்பட்ட வியூக வகுப்பாளர் ஜான் ஆரோக்கியசாமி பார்வையிடுவதாகக் கூறப்படுவது பெரும் பரபரப்பை ஏற்படுத்தியுள்ளது. உளவுத் துறை அதிகாரிகள் இந்த நடைமுறைக்கு அதிர்ச்சி அடைந்துள்ளதாகக் காவல் துறை வட்டாரங்கள் தெரிவிக்கின்றன.

த.வெ.க. ஆட்சியில் அமைச்சர்கள் மற்றும் உயர் அதிகாரிகளின் நடவடிக்கைகளை உளவுப் பிரிவு மூலம் கண்காணிக்க உத்தரவு பிறப்பிக்கப்பட்டுள்ளது. இந்த அறிக்கைகள் வழக்கமாக முதல்வருக்கு நேரடியாகச் செல்ல வேண்டும். ஆனால் தற்போது முதல்வரின் வியூக வகுப்பாளரான ஜான் ஆரோக்கியசாமி தலைமைச் செயலகத்துக்கு அடிக்கடி வருகை தரும் நிலையில், உளவு அறிக்கைகளை அவர் முதலில் பார்வையிடும் நடைமுறை அமலுக்கு வந்துள்ளதாகத் தகவல்கள் வெளியாகியுள்ளன.

காவல் துறை வட்டாரங்கள் கூறுகையில், “அமைச்சர்கள் மற்றும் அதிகாரிகளை கண்காணிப்பது வழக்கமான செயல்பாடு தான். ஆனால் அறிக்கை முதலில் முதல்வருக்கு செல்ல வேண்டும். தற்போது ஜான் ஆரோக்கியசாமி அதை முன்னதாகப் பார்க்கிறார். மேலும் சில தகவல்களுக்கு நேரடியாக உளவுத் துறை அதிகாரிகளிடம் விளக்கம் கேட்கிறார்” என்றனர்.

இதையும் படிங்க: முதல்வர் விஜய் தங்கிய டெல்லி தமிழ்நாடு இல்லத்தில் தீ விபத்து!! உச்சக்கட்ட பரபரப்பு!

இதுதவிர, ஒரு சீனியர் அமைச்சர் மற்றும் முதல்வரின் பாதுகாப்புப் பிரிவு உயர் அதிகாரி ஆகியோர் உளவு அறிக்கையை வாட்ஸாப்பில் அனுப்புமாறு கேட்பதாகவும் தகவல் வெளியாகியுள்ளது. முதல்வருக்கு இன்னும் தனிப்பட்ட உதவியாளர் நியமிக்கப்படாத நிலையில், இந்த நடைமுறை சட்ட ரீதியாக சரியல்ல என்று உளவுத் துறை அதிகாரிகள் கருதுகின்றனர்.

இதேபோல் ஜெயலலிதா ஆட்சியில் சசிகலா, ஸ்டாலின் ஆட்சியில் அவரது மருமகன் உள்ளிட்டோர் உளவு அறிக்கைகளை முன்பே பார்த்ததாக முன்பு புகார்கள் எழுந்தன. தற்போது த.வெ.க. ஆட்சியிலும் இதேபோன்ற நடைமுறை தொடர்வது அரசின் ரகசியங்கள் கசியும் அபாயத்தை அதிகரிக்கும் என்று அஞ்சப்படுகிறது.

முதல்வர் விஜய் தலைமையிலான புதிய அரசு நல்ல தொடக்கத்தை கொடுத்துள்ள நிலையில், இந்த உளவு அறிக்கை விவகாரம் உள்ளாட்சி வட்டாரத்தில் பெரும் விவாதத்தை ஏற்படுத்தியுள்ளது. முதல்வர் இந்த விவகாரத்தில் தலையிட்டு தெளிவான உத்தரவுகளை பிறப்பிப்பாரா என்பதை அரசியல் பார்வையாளர்கள் உற்று நோக்கி வருகின்றனர். 

இதையும் படிங்க: முதல்வர் விஜய் அதிரடி முடிவு! தனியாருக்கு மாறும் டாஸ்மாக்?! முதற்கட்ட பேச்சுவார்த்தை துவக்கம்!?