எந்த அயோத்தி போல தமிழ்நாடு மாற வேண்டும்?! நைனாரை வெளுத்து வாங்கிய கனிமொழி!!

சென்னை: அம்பேத்கர் நினைவு நாளையொட்டி சென்னை துறைமுகத்தில் அம்பேத்கர் சிலைக்கு மாலை அணிவித்து மரியாதை செலுத்திய பாஜக மாநிலத் தலைவர் நயினார் நாகேந்திரன், “அயோத்தி மாதிரி தமிழ்நாடு வருவதில் தவறில்லை” என்று கூறியது அரசியல் வட்டாரத்தில் பெரும் பரபரப்பை ஏற்படுத்தியது. 

இதற்கு பதிலடியாக திமுக எம்பி கனிமொழி தனது எக்ஸ் தளத்தில், “எந்த அயோத்தி போல தமிழ்நாடு மாற வேண்டும்? கடந்த தேர்தலில் ஆர்.எஸ்.எஸ்-பாஜகவை படுதோல்வி அடையச் செய்து மக்கள் தூக்கியெறிந்த ஃபைசாபாத் தொகுதியில் உள்ள அயோத்தியைப் போலவா? கவலை வேண்டாம்! அப்படி தான் தமிழ்நாடு பல ஆண்டுகளாக இருந்து வருகிறது” என்று பதிவிட்டுள்ளார். இது இரு கட்சிகளுக்கும் இடையிலான மோதலை மேலும் தீவிரமாக்கியுள்ளது.

அம்பேத்கர் 69வது நினைவு தினத்தில் சென்னை துறைமுக வளாகத்தில் உள்ள அம்பேத்கர் சிலைக்கு மாலை அணிவித்து மரியாதை செலுத்திய நயினார் நாகேந்திரன், செய்தியாளர்களிடம் பேசுகையில், “அயோத்தி இந்தியாவில்தான் இருக்கிறது. அயோத்தி இங்கிலாந்திலோ ஐரோப்பாவிலோ இல்லை. அதனால் அயோத்தி மாதிரி தமிழ்நாடு வருவதில் தவறு ஏதுமில்லை” என்று தெரிவித்தார். 

இதையும் படிங்க: 100 வருஷ கோயிலை இடிச்சிருக்கேன்! ஓட்டு எப்பிடி வரவழைக்கிறதுனு தெரியும்! வைரலாகும் டி.ஆர்.பாலு வீடியோ!!

இது திருப்பரங்குன்றம் தீப சர்ச்சையை மையப்படுத்தியது போல இருந்தாலும், அரசியல் ரீதியாக தமிழ்நாட்டில் ராமர் ஆட்சி வர வேண்டும் என்று பாஜகவினர் விருப்பம் தெரிவிப்பது போல அமைந்தது.

இதற்கு உடனடியாக பதிலடி கொடுத்த கனிமொழி, தனது எக்ஸ் பதிவில், அயோத்தி உள்ள ஃபைசாபாத் தொகுதியில் கடந்த லோக்சபா தேர்தலில் பாஜகவை மக்கள் தோற்கடித்ததை சுட்டிக்காட்டினார். அங்கு ஆர்.எஸ்.எஸ்-பாஜகவை மக்கள் தூக்கியெறிந்தது போல தமிழ்நாடும் பல ஆண்டுகளாக இருந்து வருகிறது என்று கனிமொழி கூறியுள்ளது, திமுகவின் மதச்சார்பின்மை நிலைப்பாட்டை வலியுறுத்தியுள்ளது. இந்தப் பதிவு சமூக வலைதளங்களில் வைரலாகி, இரு கட்சி தொண்டர்களிடையே கடும் வாதங்களை ஏற்படுத்தியுள்ளது.

திருப்பரங்குன்றம் சர்ச்சை தமிழகத்தில் மத அரசியலை சூடேற்றியுள்ள நிலையில், நயினாரின் கருத்து பாஜகவின் இந்து தேசியவாத நிலைப்பாட்டை வெளிப்படுத்தியுள்ளது. கனிமொழியின் பதிலடி, திமுகவின் மதச்சார்பின்மை, சமூக நீதி கொள்கைகளை மீண்டும் உறுதிப்படுத்தியுள்ளது. 2026 சட்டமன்றத் தேர்தலுக்கு முன் இது போன்ற மோதல்கள் அதிகரிக்கும் என அரசியல் நோக்கர்கள் கருதுகின்றனர். தமிழ்நாட்டின் அரசியல் சூழல் மேலும் சூடேறும் என எதிர்பார்க்கப்படுகிறது.

இதையும் படிங்க: பாஜவில் 287 வாரிசுகளுக்கு பதவி?! திமுகவை நீங்க குறை சொல்லலாமா? அப்பாவு அதிரடி!