முதல்வர் விஜயை சமாளிக்க கனிமொழியை களமிறக்கும் திமுக! உதயநிதி ஸ்டாலினின் பக்கா ஸ்கெட்ச்!

சட்டசபை தேர்தல் தோல்விக்குப் பிறகு திமுகவில் அடுத்தகட்ட அரசியல் நடவடிக்கைகள் குறித்து தீவிர ஆலோசனைகள் நடைபெற்று வருவதாக தகவல்கள் வெளியாகியுள்ளன. குறிப்பாக, தமிழக முதல்வர் விஜய் மற்றும் அவரது அரசுக்கு எதிராக கட்சியின் தாக்குதல் அரசியலை முன்னெடுக்க முக்கிய பொறுப்பு கனிமொழிக்கு வழங்கப்படலாம் என்ற தகவல் அரசியல் வட்டாரங்களில் பரபரப்பை ஏற்படுத்தியுள்ளது.

சமீபத்திய சட்டசபை தேர்தலில் திமுக எதிர்பாராத தோல்வியை சந்தித்தது. ஆட்சியை மட்டுமல்லாமல், நீண்டகாலமாக தங்களுடன் இருந்த முக்கிய கூட்டணிக் கட்சிகளையும் இழந்தது கட்சித் தலைமையை அதிர்ச்சியில் ஆழ்த்தியுள்ளதாக கூறப்படுகிறது.

இந்த சூழ்நிலையில், திருச்சியில் நடைபெற்ற பொதுக்கூட்டத்தில் முதல்வர் விஜய் திமுகவை கடுமையாக விமர்சித்தது அரசியல் களத்தில் பெரும் விவாதத்தை ஏற்படுத்தியது. அதற்கு திமுக சார்பில் ஆ.ராஜா மற்றும் ஆர்.எஸ்.பாரதி உள்ளிட்டோர் பதிலடி கொடுத்திருந்தாலும், அது மக்கள் மத்தியில் பெரிய தாக்கத்தை ஏற்படுத்தவில்லை என்ற கருத்து கட்சிக்குள் நிலவுவதாக தகவல்கள் தெரிவிக்கின்றன.

இதையும் படிங்க: விடிந்ததுமே பேரதிர்ச்சி...!! - உச்சக்கட்ட கோபத்துடன் முதலமைச்சர் விஜயை கிழித்து தொங்கவிட்ட கனிமொழி...!

இதற்கிடையில், சமூக வலைதளங்களில் தவெக ஆதரவாளர்கள் தீவிரமாக செயல்பட்டு வருவதாகவும், திமுக மீது முன்வைக்கப்படும் விமர்சனங்களுக்கு எதிராக கட்சி புதிய அணுகுமுறையை பின்பற்ற வேண்டிய தேவை ஏற்பட்டுள்ளதாகவும் கூறப்படுகிறது.

இந்த நிலையில், மக்களிடையே நல்ல வரவேற்பைப் பெற்ற சில சமீபத்திய கருத்துக்களின் அடிப்படையில், கனிமொழியை முன்னிலைப்படுத்தி அரசியல் விமர்சனங்களை தீவிரப்படுத்தும் யோசனை கட்சிக்குள் பேசப்பட்டு வருவதாக தகவல்கள் வெளியாகியுள்ளன.

மேலும், தமிழக அரசின் செயல்பாடுகள் மற்றும் முதல்வர் விஜய் தலைமையிலான ஆட்சியின் நடவடிக்கைகள் குறித்து உடனுக்குடன் பதிலளிக்க வேண்டும் என்ற கருத்தும் கட்சி நிர்வாகிகளால் வலியுறுத்தப்பட்டுள்ளதாக கூறப்படுகிறது.

திமுக மீதும், முந்தைய திமுக ஆட்சி மீதும் முன்வைக்கப்படும் குற்றச்சாட்டுகளுக்கு துரிதமாக பதிலடி கொடுக்கும் வகையில் புதிய அரசியல் வியூகம் வகுக்கப்படலாம் என அரசியல் பார்வையாளர்கள் கருதுகின்றனர்.

இதுதொடர்பாக திமுக தரப்பில் அதிகாரப்பூர்வ அறிவிப்பு எதுவும் வெளியாகாத நிலையில், கட்சியின் அடுத்தகட்ட அரசியல் நகர்வுகள் குறித்து எதிர்பார்ப்பு அதிகரித்துள்ளது.

இதையும் படிங்க: 'சிறப்பு அதிரடிப்படை' திட்டத்தை நிறுத்திவைத்துள்ளது ஏன்? தவெக அரசுக்கு கனிமொழி எம்.பி சரமாரி கேள்வி!