“அதிமுகவும் வராது... ஃபிரிட்ஜிம் வராது...” - கடையநல்லூரில் இறங்கி அடித்த கனிமொழி...!

தமிழ்நாட்டை அமைதிப் பூங்காவாக பாதுகாத்திட, மத நல்லிணக்கத்தை பாதுகாத்திட கடையநல்லூர் தொகுதி மதிமுக வேட்பாளர் தி.மு. ராசேந்திரனுக்கு உதய சூரியன் சின்னத்தில் வாக்களிக்க வேண்டும் என திமுக மகளிரணி செயலாளரும், நாடாளுமன்ற உறுப்பினருமான கனிமொழி கடையநல்லூரில் வாக்கு சேகரித்தார். 

தென்காசி மாவட்டம் கடையநல்லூர் சட்டமன்ற தொகுதியில் திமுக கூட்டணி மதிமுக வேட்பாளராக தி.மு. ராசேந்திரன் போட்டியிடுகிறார். அவரை ஆதரித்து கடந்த வாரம் முதலமைச்சர் ஸ்டாலின் பிரசாரம் மேற்கொண்டு வாக்கு சேகரித்தார். இந்த நிலையில் இன்று கடையநல்லூருக்கு வருகை தந்த திமுக மகளிரணி செயலாளரும், எம்.பி.யுமான கனிமொழி தி.மு. ராசேந்திரனுக்கு ஆதரவாக வாக்கு சேகரித்தார்.

இதையொட்டி நடைபெற்ற பிரசாரக் கூட்டத்தில் கனிமொழி பேசியதாவது:  ஆட்சிக்கு வந்ததும் மகளிருக்கு தற்போது வழங்கப்பட்டிருக்கும் ரூ. 1000 உரிமைத் தொகை ரூ. 2 ஆயிரமாக உயர்த்தி வழங்கப்படும். அத்துடன் ரூ. 8 ஆயிரத்திற்கான கூப்பனை முதலமைச்சர் ஸ்டாலின் வழங்குவார். உங்கள் வீட்டுக்கு பக்கத்தில் உள்ள எந்த கடைக்கும் சென்று உங்களுக்கு தேவையான பொருட்களை வாங்கிக் கொள்ளலாம்.

இதையும் படிங்க: பாஜகவுடன் கூட்டணி வைத்த கட்சிகளின் நிலைமை தெரியுமா..? எடப்பாடிக்கு கனிமொழி எச்சரிக்கை..!!

வீட்டில் ஏற்கனவே ஃபிரிட்ஜ் இருக்கு. இன்னொன்று கொடுத்தால் என்ன செய்யலாம் என்கிற கவலையோடு இருக்கீங்க. அதிமுக ஆட்சியும் வராது. பிரிட்ஜும் வராதும். நம்முடைய ஆட்சிதான் வரும். முதல்வர் என்ன சொன்னாரோ அதை செய்வார்.  அவர் தலைவர் கலைஞரின் மகன். கொடுத்த வாக்குறுதியை நிறைவேற்றுவார்.  

திமுக ஆட்சிக்கு வந்தவுடன் கூப்பனை கொடுத்து உங்கள் வேலையை எந்த பொருள் குறைக்குமோ அதை நீங்கள் முடிவு செய்து வாங்குங்கள் என்று முதல்வர் உங்களுக்காக வழங்கவுள்ளார்.  தமிழ்நாட்டை அமைதிப் பூங்காவாக பாதுகாத்திட, மத நல்லிணக்கத்தை பாதுகாத்திட கடையநல்லூர் தொகுதி மதிமுக வேட்பாளர் தி.மு. ராசேந்திரனுக்கு உதய சூரியன் சின்னத்தில் வாக்களிக்க வேண்டும் என வலியுறுத்தினார். 

இதையும் படிங்க: எதுவும் தேறாதுன்னு தெரிஞ்சு கீழ்த்தரமாக விமர்சிக்கும் இபிஎஸ்..!! பரப்புரையில் கனிமொழி குற்றச்சாட்டு..!