திமுக-காங்கிரஸ் கூட்டணியை விரட்டியடிப்போம்!! மன்னிக்காது தமிழ்நாடு! பியூஸ் கோயல் காட்டம்!

தமிழக சட்டசபைத் தேர்தல் நெருங்கி வரும் நிலையில், அரசியல் பிரசாரம் தீவிரமடைந்துள்ளது. மத்திய வணிகம் மற்றும் தொழில் அமைச்சரும், தமிழக பாஜக மேலிடப் பொறுப்பாளருமான பீயூஷ் கோயல், திமுக-காங்கிரஸ் கூட்டணியை கடுமையாக விமர்சித்து ஒரு ஏஐ வீடியோவை வெளியிட்டுள்ளார். 

ஏப்ரல் 23ஆம் தேதி தமிழகத்தில் சட்டசபைத் தேர்தல் நடைபெற உள்ளது. இதற்கிடையே அதிமுக தலைமையிலான தேஜ கூட்டணியை ஆதரித்து பிரசாரம் செய்யும் வகையில், 29 வினாடிகள் கொண்ட இந்த ஏஐ வீடியோவை பீயூஷ் கோயல் சமூக ஊடகங்களில் பகிர்ந்துள்ளார். 

வீடியோவில் பீயூஷ் கோயல் கூறியிருப்பதாவது: “பால் விலை உயர்வு, மின்கட்டணம் உயர்வு, மணல் கொள்ளை, டாஸ்மாக் ஊழல் உள்ளிட்ட பல்வேறு பிரச்னைகளால் தமிழகத்தை சீரழித்த திமுக-காங்கிரஸ் கூட்டணியை விரட்டியடிப்போம். மாற்றத்திற்கான வழிகாட்டியாக தேஜ கூட்டணியை ஆதரிப்போம்” என்பதாகும்.

இதையும் படிங்க: திமுகவின் வாரிசு அரசியல், குடும்ப அரசியலுக்கு ஃபுல் ஸ்டாப்!! உறுதிபட கூறிய பியூஸ் கோயல்!

தமிழகத்தில் திமுக தலைமையிலான ஆட்சி மக்களுக்கு பெரும் சுமையை ஏற்படுத்தியுள்ளதாக பீயூஷ் கோயல் தொடர்ந்து விமர்சித்து வருகிறார். பால், மின்சாரம் போன்ற அத்தியாவசியப் பொருட்களின் விலை உயர்வு, இயற்கை வளங்களின் கொள்ளை, மதுபான விற்பனையில் ஊழல் உள்ளிட்ட பல குற்றச்சாட்டுகளை அவர் முன்வைத்துள்ளார். 

https://x.com/i/status/2045345907169014133

தமிழக மக்கள் இப்போது மாற்றத்தை விரும்புகிறார்கள் என்றும், அதிமுக தலைமையிலான கூட்டணி அந்த மாற்றத்தை கொண்டு வரும் என்றும் அவர் நம்பிக்கை தெரிவித்துள்ளார்.

இந்த ஏஐ வீடியோ வெளியான சில மணி நேரங்களிலேயே சமூக ஊடகங்களில் பெரும் பரபரப்பை ஏற்படுத்தியுள்ளது. தேர்தல் பிரசாரத்தில் தொழில்நுட்பத்தை பயன்படுத்தி பாஜக புதிய உத்திகளை கையாள்வதாக அரசியல் விமர்சகர்கள் கருத்து தெரிவிக்கின்றனர். 

தமிழக அரசியலில் திமுக-காங்கிரஸ் vs அதிமுக-பாஜக கூட்டணி இடையேயான போட்டி தீவிரமடைந்துள்ள நிலையில், பீயூஷ் கோயலின் இந்த பதிவு எதிர்க்கட்சிகளுக்கு பெரும் ஊக்கமாக அமைந்துள்ளது. தேர்தல் நாள் நெருங்கும் வேளையில், அனைத்து கட்சிகளும் தீவிர பிரசாரத்தில் ஈடுபட்டு வருகின்றன. மக்களின் வாக்குகள் யாருக்கு சாதகமாக அமையும் என்பது அடுத்த சில நாட்களில் தெளிவாகும் என எதிர்பார்க்கப்படுகிறது.

தமிழகத்தின் எதிர்கால வளர்ச்சிக்கு சரியான ஆட்சி அமைய வேண்டும் என்று பீயூஷ் கோயல் வலியுறுத்தியுள்ளார். இந்த வீடியோ தற்போது பாஜக மற்றும் அதிமுக தொண்டர்கள் மத்தியில் பெரும் வரவேற்பைப் பெற்றுள்ளது.

இதையும் படிங்க: தேஜ கூட்டணியில் குழப்பங்கல்? அன்புமணி, டிடிவி டெல்லி விசிட்! பியூஸ் கோயல் வருகை ரத்து ஏன்? நயினார் நாகேந்திரன் விளக்கம்!